قورئانا پیرۆز › سورەتا الرعد › ئایەتا ٩
سورەتا الرعد · ئایەتا ٩ ب تەفسیرا کوردی
Ar-Ra'd
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَقُولُ ٱلَّذِينَ كَفَرُواْ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦٓۗ إِنَّمَآ أَنتَ مُنذِرٞۖ وَلِكُلِّ قَوۡمٍ هَادٍ ﴿٧﴾
وكافرێن (مه‌كه‌هێ) دبێژن: پا دێ بلا موعجزه‌یه‌كا به‌رچاڤ بۆ وى هاتبا وه‌كى گۆپالێ مووساى يان حێشترا صالحى، وئه‌و چه‌نده نه ب ده‌ستێ ته‌يه -ئه‌ى پێغه‌مبه‌ر- وهه‌ما كارێ ته ئه‌وه تو په‌ياما خودێ بگه‌هينییه وان، ووان ژ عه‌زابا خودێ بترسينى. وبۆ هه‌ر ملله‌ته‌كى پێغه‌مبه‌ره‌ك هه‌يه به‌رێ وان دده‌ته خودێ.
ٱللَّهُ يَعۡلَمُ مَا تَحۡمِلُ كُلُّ أُنثَىٰ وَمَا تَغِيضُ ٱلۡأَرۡحَامُ وَمَا تَزۡدَادُۚ وَكُلُّ شَيۡءٍ عِندَهُۥ بِمِقۡدَارٍ ﴿٨﴾
خودايێ پاك وبلند دزانت كانێ هه‌ر مێیه‌ك چ تێشكى د زكێ خۆ دا هل دگرت، وكانێ ئه‌و يێ نێره يان يێ مێیه؟ يێ دلشاده يان يێ به‌ختڕه‌شه؟ وئه‌و دزانت كانێ چ ژ مالبچويكان كێم دبت، دكه‌ڤت يان به‌رى نه‌هـ هه‌يڤییێ دچت، وكانێ چ تشتى هلگرتنا وى زێده دبت، وهه‌ر تشته‌ك ل نك خودێ يێ پيڤايه نه‌كێم دكه‌ت نه‌زێده.
عَٰلِمُ ٱلۡغَيۡبِ وَٱلشَّهَٰدَةِ ٱلۡكَبِيرُ ٱلۡمُتَعَالِ ﴿٩﴾
خودێ ب وى تشتى يێ زانايه يێ كو ل به‌رچاڤ نه‌بت، و ب وى تشتى ژى يێ ل به‌رچاڤ بت، يێ مه‌زنه د ناڤ وسالۆخه‌تێن خۆ دا، ئه‌و ب خۆ وشيان وپێڤه‌هاتنا خۆ ل سه‌ر هه‌مى چێكرییێن خۆ يێ بلنده.
سَوَآءٞ مِّنكُم مَّنۡ أَسَرَّ ٱلۡقَوۡلَ وَمَن جَهَرَ بِهِۦ وَمَنۡ هُوَ مُسۡتَخۡفِۭ بِٱلَّيۡلِ وَسَارِبُۢ بِٱلنَّهَارِ ﴿١٠﴾
ل نك وى وه‌كى ئێكه ئه‌وێ گۆتنێ ڤه‌شێرت يان ئاشكه‌را بكه‌ت ژ هه‌وه، و ل نك وى وه‌كى ئێكه يێ ل تارییا شه‌ڤێ ب دزى ڤه كاره‌كى بكه‌ت، يان ل ڕۆژێ ئاشكه‌را بكه‌ت.
لَهُۥ مُعَقِّبَٰتٞ مِّنۢ بَيۡنِ يَدَيۡهِ وَمِنۡ خَلۡفِهِۦ يَحۡفَظُونَهُۥ مِنۡ أَمۡرِ ٱللَّهِۗ إِنَّ ٱللَّهَ لَا يُغَيِّرُ مَا بِقَوۡمٍ حَتَّىٰ يُغَيِّرُواْ مَا بِأَنفُسِهِمۡۗ وَإِذَآ أَرَادَ ٱللَّهُ بِقَوۡمٖ سُوٓءٗا فَلَا مَرَدَّ لَهُۥۚ وَمَا لَهُم مِّن دُونِهِۦ مِن وَالٍ ﴿١١﴾
خودێ هنده‌ك فريشته هه‌نه ل دويڤ ئێك ب سه‌ر مرۆڤى دا دئێن ل به‌ر ده‌ستێ وى و ل پشت وى، ئه‌و ب فه‌رمانا خودێ وى دپارێزن وكريارێن وى يێن باش وخراب دهژمێرن. هندى خودێیه وێ قه‌نجییێ يا وى د گه‌ل ملله‌ته‌كى كرى ناگوهۆڕت حه‌تا ئه‌و وێ فه‌رمانێ نه‌گوهۆڕن يا ل وان هاتییه‌كرن. وئه‌گه‌ر خودێ نه‌خۆشییه‌ك بۆ كۆمه‌كێ ڤيا چو ڕه‌ڤ ژێ نابن، ووان ژبلی خودێ كه‌سه‌ك نابت ل وان ببته خودان، وێ بۆ وان بكه‌ت يا وان دڤێت، ووێ ژ وان دوير بكه‌ت يا وان نه‌ڤێت.