قورئانا پیرۆز › سورەتا الرحمن › ئایەتا ١٤
سورەتا الرحمن · ئایەتا ١٤ ب تەفسیرا کوردی
Ar-Rahman
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلۡحَبُّ ذُو ٱلۡعَصۡفِ وَٱلرَّيۡحَانُ ﴿١٢﴾
وئه‌و دانێ خودان هويرك ژى وى لێ دانا؛ دا بۆ هه‌وه وحه‌يوانه‌تێن هه‌وه ببته ڕزق، وهه‌ر شتله‌كا خودان بێهنێن خۆش وى ل عه‌ردى دانايه.
فَبِأَيِّ ءَالَآءِ رَبِّكُمَا تُكَذِّبَانِ ﴿١٣﴾
ڤێجا -گه‌لی ئه‌جنه ومرۆڤان- ب كيژ قه‌نجییێن دينى ودنيايێ يێن خودايێ خۆ هوين دره‌وێ دكه‌ن؟ وچه‌ند به‌رسڤه‌كا جوان بوو ئه‌جنان گۆتى ده‌مێ پێغه‌مبه‌رى سلاڤ لێ بن ئه‌ڤ سووره‌ته بۆ خواندى، ڤێجا هه‌ر جاره‌كا ئه‌و دگه‌هشته ڤێ ئايه‌تێ، وان دگۆت: (خودايێ مه ئه‌م ب چو قه‌نجییێن ته دره‌وێ ناكه‌ين، حه‌مد وشوكر بۆ ته بن)، وپێتڤییه هه‌ر گاڤه‌كا قه‌نجییێن خودێ بۆ به‌نییه‌كى هاتنه خواندن، ئه‌و ئعترافێ پێ بكه‌ت، وشوكر وحه‌مدا وى سه‌را بكه‌ت.
خَلَقَ ٱلۡإِنسَٰنَ مِن صَلۡصَٰلٖ كَٱلۡفَخَّارِ ﴿١٤﴾
وى بابێ مرۆڤان، كو ئاده‌مه، ژ ته‌قنا هشك يا وه‌كى قافكان ئافراند.
وَخَلَقَ ٱلۡجَآنَّ مِن مَّارِجٖ مِّن نَّارٖ ﴿١٥﴾
وئبليس وئه‌و ژ ئه‌جنانه، ژ گوڕییا ئاگرى يا تێكه‌ل ئافراند.
فَبِأَيِّ ءَالَآءِ رَبِّكُمَا تُكَذِّبَانِ ﴿١٦﴾
ڤێجا هوين -ئه‌ى گه‌لی ئه‌جنه ومرۆڤان- ب كيژ قه‌نجییێن خودايێ خۆ دره‌وێ دكه‌ن؟