قورئانا پیرۆز › سورەتا الروم › ئایەتا ١٠
سورەتا الروم · ئایەتا ١٠ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَوَلَمۡ يَتَفَكَّرُواْ فِيٓ أَنفُسِهِمۗ مَّا خَلَقَ ٱللَّهُ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٖ مُّسَمّٗىۗ وَإِنَّ كَثِيرٗا مِّنَ ٱلنَّاسِ بِلِقَآيِٕ رَبِّهِمۡ لَكَٰفِرُونَ ﴿٨﴾
ئه‌رێ وما ئه‌وێن هه يێن دره‌وێ ب پێغه‌مبه‌رێن خودێ وديدارا وى دكه‌ن، هزرا خۆ د ئافراندنا خۆ دا ناكه‌ن، كو خودێ ئه‌و ژ چوننه‌يێ چێكرينه. خودێ عه‌سمان وعه‌رد وتشتێ د ناڤبه‌را هه‌ر دووان دا هه‌ى بۆ هندێ ئافراندينه دا كو دادى وخه‌لات وجه‌لات تێدا بێنه ب كارئينان، ودا ئه‌و ببنه نيشان ل سه‌ر ته‌وحيد وشيانا خودێ، ووى ده‌مه‌كێ ده‌سنيشانكرى بۆ دانايه كو ڕۆژا قيامه‌تێیه، ئه‌و دێ لێ ب دويماهى ئێن. وهندى پترییا مرۆڤانه ب ديدارا خودايێ خۆ دكافرن؛ ژ به‌ر نه‌زانينا وان كو زڤڕينا وان پشتى مرنێ بۆ نك خودێیه، و ژ بێ ئاگه‌هییا وان ژ ئاخره‌تێ.
أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۚ كَانُوٓاْ أَشَدَّ مِنۡهُمۡ قُوَّةٗ وَأَثَارُواْ ٱلۡأَرۡضَ وَعَمَرُوهَآ أَكۡثَرَ مِمَّا عَمَرُوهَا وَجَآءَتۡهُمۡ رُسُلُهُم بِٱلۡبَيِّنَٰتِۖ فَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ ﴿٩﴾
ئه‌رێ ئه‌ڤێن دره‌وێ ب خودێ دكه‌ن و ژ ئاخره‌تێ دبێ ئاگه‌هـ، ما ل عه‌ردى نه‌گه‌ڕياينه وهزرا خۆ نه‌كرییه، ونه‌ديتییه كانێ جزايێ وان ملله‌تێن دره‌و ب پێغه‌مبه‌رێن خودێ كرى وه‌كى عادى وثه‌موودی چ بوويه؟ و ب ڕاستى له‌شێن وان ب هێزتر بوون، وئه‌و پتر دشيان خۆشییێ ب ژينێ ببه‌ن؛ چونكى وان عه‌رد كێلابوو وشينكربوو، ووان قه‌سر وسه‌را ئاڤاكربوون ولێ ئاكنجى بووبوون، ووان دنيايا خۆ پتر ژ يا خه‌لكێ (مه‌كه‌هێ) ئاڤاكربوو، ڤێجا وێ ئاڤاكرنا وان ودرێژییا ژییێ وان چو مفا نه‌گه‌هانده وان، وپێغه‌مبه‌رێن وان ب هێجه‌ت ونيشانێن ئاشكه‌را بۆ وان هاتبوون، به‌لێ وان ئه‌و دره‌وين ده‌رێخستن ئينا خودێ ئه‌و تێبرن، وخودێ ب وێ چه‌ندێ زۆردارى ل وان نه‌كربوو، به‌لكى وان ب شركێ وگونه‌هان زۆردارى ل خۆ كربوو.
ثُمَّ كَانَ عَٰقِبَةَ ٱلَّذِينَ أَسَـٰٓـُٔواْ ٱلسُّوٓأَىٰٓ أَن كَذَّبُواْ بِـَٔايَٰتِ ٱللَّهِ وَكَانُواْ بِهَا يَسۡتَهۡزِءُونَ ﴿١٠﴾
پاشى دويماهییا ئه‌وێن خرابى كرى ژ سه‌رداچووى وكافران خرابترين وپيسترين دويماهى بوو؛ چونكى وان باوه‌رى ب خودێ نه‌ئينا ويارى بۆ خۆ ب ئايه‌تێن وى كرن يێن وى بۆ پێغه‌مبه‌رێن خۆ ئيناينه خوارێ.
ٱللَّهُ يَبۡدَؤُاْ ٱلۡخَلۡقَ ثُمَّ يُعِيدُهُۥ ثُمَّ إِلَيۡهِ تُرۡجَعُونَ ﴿١١﴾
خودێ ب تنێ چێكرى ئافراندينه، وئه‌و ب تنێیه دشێت جاره‌كا دى وان چێ بكه‌ته‌ڤه، پاشى خه‌لك هه‌مى بۆ نك وى دێ زڤڕنه‌ڤه، ڤێجا ئه‌و دێ جزايێ باشى وخرابى ل دويڤ كريارێن وان ده‌تێ.
وَيَوۡمَ تَقُومُ ٱلسَّاعَةُ يُبۡلِسُ ٱلۡمُجۡرِمُونَ ﴿١٢﴾
وڕۆژا قيامه‌ت ڕادبت تاوانبار ژ ڕزگاربوونا ژ عه‌زابێ بێ هيڤى دبن، وئه‌و حێبه‌تى دمينن ووان چو هێجه‌ت نابن.