قورئانا پیرۆز › سورەتا الروم › ئایەتا ١٦
سورەتا الروم · ئایەتا ١٦ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَوۡمَ تَقُومُ ٱلسَّاعَةُ يَوۡمَئِذٖ يَتَفَرَّقُونَ ﴿١٤﴾
وڕۆژا قيامه‌ت ڕادبت ئه‌وێن باوه‌رى پێ هه‌ى ويێن كافر ژێك جودا دبن.
فَأَمَّا ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ فَهُمۡ فِي رَوۡضَةٖ يُحۡبَرُونَ ﴿١٥﴾
ڤێجا ئه‌وێن باوه‌رى ب خودێ وپێغه‌مبه‌رێ وى هه‌ى، وكريارێن چاك كرين ئه‌و د به‌حه‌شتێ دانه، قه‌درێ وان دئێته گرتن وئه‌و كه‌يفخۆش دبن وخۆشییێ پێ دبه‌ن.
وَأَمَّا ٱلَّذِينَ كَفَرُواْ وَكَذَّبُواْ بِـَٔايَٰتِنَا وَلِقَآيِٕ ٱلۡأٓخِرَةِ فَأُوْلَـٰٓئِكَ فِي ٱلۡعَذَابِ مُحۡضَرُونَ ﴿١٦﴾
وهندى ئه‌ون يێن كوفر ب خودێ كرى ودره‌و ب وێ كرى يا پێغه‌مبه‌ر پێ هاتين وباوه‌رى ب ڕابوونا پشتى مرنێ نه‌ئيناى، ئه‌و هه‌ر دێ د عه‌زابێ دا بن؛ ژ به‌ر تشتێ وان د دنيايێ دا دره‌و پێ كرى.
فَسُبۡحَٰنَ ٱللَّهِ حِينَ تُمۡسُونَ وَحِينَ تُصۡبِحُونَ ﴿١٧﴾
ڤێجا هوين ئه‌ى گه‌لی خودان باوه‌ران ته‌سبيحا خودێ بكه‌ن ووى ژ شريك وژن وزارۆيان پاك وپيرۆز بكه‌ن، وهوين ب ئه‌زمانێ خۆ سالۆخه‌تێن كه‌مالێ بۆ وى بێژن، و ب ئه‌ندامێن له‌شێ خۆ ژى وێ چه‌ندێ بنه‌جهـ بكه‌ن ده‌مێ ل هه‌وه دبته ئێڤار، وده‌مێ ل هه‌وه دبته سپێده، و ب شه‌ڤێ، ونيڤرۆ.
وَلَهُ ٱلۡحَمۡدُ فِي ٱلسَّمَٰوَٰتِ وَٱلۡأَرۡضِ وَعَشِيّٗا وَحِينَ تُظۡهِرُونَ ﴿١٨﴾
وحه‌مد وسوپاسى ل عه‌سمانى وعه‌ردى، ل شه‌ڤێ وڕۆژێ بۆ وییه.