قورئانا پیرۆز › سورەتا الروم › ئایەتا ٢٧
سورەتا الروم · ئایەتا ٢٧ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمِنۡ ءَايَٰتِهِۦٓ أَن تَقُومَ ٱلسَّمَآءُ وَٱلۡأَرۡضُ بِأَمۡرِهِۦۚ ثُمَّ إِذَا دَعَاكُمۡ دَعۡوَةٗ مِّنَ ٱلۡأَرۡضِ إِذَآ أَنتُمۡ تَخۡرُجُونَ ﴿٢٥﴾
و ژ نيشانێن شيانا وییه كو عه‌سمان وعه‌رد ب فه‌رمانا وى ڕاوه‌ستاينه وئاكنجى بووينه، ونه‌هژياينه، وعه‌سمان نه‌كه‌فتییه سه‌ر عه‌ردى، پاشى ئه‌گه‌ر خودێ ل ڕۆژا قيامه‌تێ هوين بۆ ڕابوونێ گازيكرن، هنگى هوين ب له‌ز دێ ژ گۆڕێن خۆ ده‌ركه‌ڤن.
وَلَهُۥ مَن فِي ٱلسَّمَٰوَٰتِ وَٱلۡأَرۡضِۖ كُلّٞ لَّهُۥ قَٰنِتُونَ ﴿٢٦﴾
وهه‌ر تشته‌كێ ل عه‌سمانان وعه‌ردى ژ فريشته ومرۆڤ وئه‌جنه وحه‌يوان وهشكاتى وشينكاتییان بۆ خودێ ب تنێیه، ئه‌ڤه هه‌مى د فه‌رمانا وى دانه و ل بن ئه‌مرێ وينه.
وَهُوَ ٱلَّذِي يَبۡدَؤُاْ ٱلۡخَلۡقَ ثُمَّ يُعِيدُهُۥ وَهُوَ أَهۡوَنُ عَلَيۡهِۚ وَلَهُ ٱلۡمَثَلُ ٱلۡأَعۡلَىٰ فِي ٱلسَّمَٰوَٰتِ وَٱلۡأَرۡضِۚ وَهُوَ ٱلۡعَزِيزُ ٱلۡحَكِيمُ ﴿٢٧﴾
وخودێ ب تنێیه يێ خه‌لكى ژ چونه‌يێ دئافرينت پاشى پشتى مرنێ وان دوباره زێندى دكه‌ت، ودوباره‌كرنا ئافراندنا خه‌لكى پشتى مرنێ ل به‌ر خودێ ب ساناهيتره ژ ئافراندنا وان بۆ جارا ئێكێ، وئه‌و ب خۆ هه‌ردو ل به‌ر وى ب ساناهينه. وسالۆخه‌تێ بلندتر د هه‌ر تشته‌كى دا يێ ئه‌و پێ بێته سالۆخدان بۆ وییه، چو تشته‌ك وه‌كى وى نينه، وئه‌وه گوهدێرێ بينه‌ر. وئه‌وه زالێ كه‌س نه‌شێتێ، يێ كاربنه‌جهـ د گۆتن وكريارێن خۆ دا، و د ڕێڤه‌برنا خه‌لكى دا.
ضَرَبَ لَكُم مَّثَلٗا مِّنۡ أَنفُسِكُمۡۖ هَل لَّكُم مِّن مَّا مَلَكَتۡ أَيۡمَٰنُكُم مِّن شُرَكَآءَ فِي مَا رَزَقۡنَٰكُمۡ فَأَنتُمۡ فِيهِ سَوَآءٞ تَخَافُونَهُمۡ كَخِيفَتِكُمۡ أَنفُسَكُمۡۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَعۡقِلُونَ ﴿٢٨﴾
گه‌لی بوتپه‌رێسان خودێ مه‌ته‌له‌ك بۆ هه‌وه ژ هه‌وه ب خۆ ئينا: ئه‌رێ ما ژ به‌نییێن هه‌وه ئێك هه‌يه پشكدارییا هه‌وه د ڕزقێ هه‌وه دا بكه‌ت، وهوين دبينن كو هوين وئه‌و وه‌كى ئێكن، دا كو هوين ژ وان بترسن كا چاوا هوين ژ پشكدارێن خۆ يێن ئازاد دترسن كو مالێ هه‌وه د ناڤبه‌را خۆ دا لێكڤه‌كه‌ن؟ هوين ب وێ چه‌ندێ دڕازى نابن، ڤێجا چاوا هوين بۆ خودێ ب وێ چه‌ندێ ڕازى دبن كو هوين ژ چێكرییێن خودێ شريكه‌كى بۆ وى بدانن؟ و ب ڤى ڕه‌نگێ ئاشكه‌را ئه‌م هێجه‌ت وده‌ليلان بۆ خودان عه‌قلێن دورست وساخله‌م ئاشكه‌را دكه‌ين.
بَلِ ٱتَّبَعَ ٱلَّذِينَ ظَلَمُوٓاْ أَهۡوَآءَهُم بِغَيۡرِ عِلۡمٖۖ فَمَن يَهۡدِي مَنۡ أَضَلَّ ٱللَّهُۖ وَمَا لَهُم مِّن نَّـٰصِرِينَ ﴿٢٩﴾
به‌لكى بوتپه‌رێسان دويكه‌فتنا دلچوونێن خۆ كرییه ده‌مێ وان بێ زانين چاڤ ل باب وباپيرێن خۆ كرى، ڤێجا پشكدارییا وان د نه‌زانين وسه‌رداچوونێ دا كرى، وكه‌س نه‌شێت به‌رێ وى بده‌تێ هيدايه‌تێ يێ خودێ ئه‌و -ژ به‌ر كوفر وڕكدارییا وى- به‌رزه‌كرى، وڤان چو پشته‌ڤان نينن وان ژ عه‌زابا خودێ ڕزگار بكه‌ن.