قورئانا پیرۆز › سورەتا الروم › ئایەتا ٣٣
سورەتا الروم · ئایەتا ٣٣ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞مُنِيبِينَ إِلَيۡهِ وَٱتَّقُوهُ وَأَقِيمُواْ ٱلصَّلَوٰةَ وَلَا تَكُونُواْ مِنَ ٱلۡمُشۡرِكِينَ ﴿٣١﴾
وهوين ب تۆبه‌كرنێ وئيخلاصێ ل خودێ بزڤڕن، وته‌قوایا وى بكه‌ن وئه‌مر وفه‌رمانێن وى ب جهـ بينن، ونڤێژێ ب دورستى وتمام بكه‌ن، وهوين ژ وان بوتپه‌رێسان نه‌بن يێن شريكان بۆ خودێ د په‌رستنێ دا ددانن.
مِنَ ٱلَّذِينَ فَرَّقُواْ دِينَهُمۡ وَكَانُواْ شِيَعٗاۖ كُلُّ حِزۡبِۭ بِمَا لَدَيۡهِمۡ فَرِحُونَ ﴿٣٢﴾
وهوين ژ بوتپه‌رێس وبيدعه‌چى وخودانێن دلچوونان نه‌بن ئه‌وێن دينێ خۆ گوهاڕتى، و ل دويڤ دلێ خۆ هنده‌ك ژێ گرتى وهنده‌ك ژێ به‌رداى، وبووينه پارت وده‌سته‌ك، هنده‌ك ژ وان ل سه‌ر نه‌حه‌قییێ پشتا هنده‌كان دگرن، هه‌ر پارته‌ك ب وى تشتى يا كه‌يفخۆشه يێ ل نك وێ هه‌ى، خۆ دبينن دحه‌ق وخه‌لكى نه‌حه‌ق.
وَإِذَا مَسَّ ٱلنَّاسَ ضُرّٞ دَعَوۡاْ رَبَّهُم مُّنِيبِينَ إِلَيۡهِ ثُمَّ إِذَآ أَذَاقَهُم مِّنۡهُ رَحۡمَةً إِذَا فَرِيقٞ مِّنۡهُم بِرَبِّهِمۡ يُشۡرِكُونَ ﴿٣٣﴾
وئه‌گه‌ر نه‌خۆشى وبه‌لايه‌ك گه‌هشته مرۆڤان ئه‌و ژ دل دێ هاوار كه‌نه خودايێ خۆ كو ئه‌و ڤێ نه‌خۆشییێ ژ سه‌ر وان ڕاكه‌ت، ڤێجا ئه‌گه‌ر وى ڕه‌حم ب وان بر وئه‌و نه‌خۆشى ژ سه‌ر ڕاكر هنگى ده‌سته‌كه‌ك ژ وان دوباره دێ ل شركێ زڤڕن، ودێ په‌رستنا هنده‌كێن دى د گه‌ل خودێ كه‌ن.
لِيَكۡفُرُواْ بِمَآ ءَاتَيۡنَٰهُمۡۚ فَتَمَتَّعُواْ فَسَوۡفَ تَعۡلَمُونَ ﴿٣٤﴾
دا ئه‌و كوفرێ ب وى تشتى بكه‌ن يێ مه دايه وان ومه منه‌ت پێ ل وان كرى كو مه ته‌نگاڤى ژ سه‌ر وان ڕاكرى، ونه‌خۆشى نه‌هێلاى، ڤێجا هوين -گه‌لی بوتپه‌رێسان- خۆشییێ ب به‌رفره‌هییا د دنيايێ دا ببه‌ن، پاشى هوين دێ زانن كانێ چ عه‌زاب دێ ب سه‌ر هه‌وه دا ئێت.
أَمۡ أَنزَلۡنَا عَلَيۡهِمۡ سُلۡطَٰنٗا فَهُوَ يَتَكَلَّمُ بِمَا كَانُواْ بِهِۦ يُشۡرِكُونَ ﴿٣٥﴾
يان مه هێجه‌ته‌كا ئاشكه‌را وكيتابه‌كا بنبڕ ب سه‌ر ڤان بوتپه‌رێسان دا ئينايه خوارێ، كو شرك وكوفرا وان دورست ده‌ربێخت؟