قورئانا پیرۆز › سورەتا الروم › ئایەتا ٣٨
سورەتا الروم · ئایەتا ٣٨ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَآ أَذَقۡنَا ٱلنَّاسَ رَحۡمَةٗ فَرِحُواْ بِهَاۖ وَإِن تُصِبۡهُمۡ سَيِّئَةُۢ بِمَا قَدَّمَتۡ أَيۡدِيهِمۡ إِذَا هُمۡ يَقۡنَطُونَ ﴿٣٦﴾
وئه‌گه‌ر مه ژ نك خۆ قه‌نجییه‌ك ژ ساخله‌مى وبه‌رفره‌هییێ دا مرۆڤان، كه‌يفا وان دێ پێ ئێت وئه‌و د سه‌ر پییێ خۆ دا دێ چن وشوكرا مه ناكه‌ن، وئه‌گه‌ر ژ به‌ر گونه‌هێن وان نه‌خۆشى وهه‌ژارى وترس وته‌نگاڤى ب سه‌ر وان دا هات، ئه‌و بێ هيڤى دبن كو جاره‌كا دى وه‌كى به‌رێ لێ بێنه‌ڤه، وئه‌ڤه تبيعه‌تێ پترییا مرۆڤانه ل ده‌مێ ته‌گاڤى وبه‌رفره‌هییێ.
أَوَلَمۡ يَرَوۡاْ أَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ ﴿٣٧﴾
ئه‌رێ وما وان نه‌زانییه كو هه‌چییێ خودێ بڤێت، ئه‌و بۆ جه‌ڕباندن ڕزقێ وى به‌رفره‌هـ دكه‌ت، كانێ دێ شوكرێ كه‌ت يان دێ كافر بت؟ وهه‌چییێ وى بڤێت، ئه‌و بۆ جه‌ڕباندن ڕزقێ وى به‌رته‌نگ دكه‌ت، كانێ دێ صه‌برێ كێشت يان نه؟ هندى د ڤێ به‌رفره‌هكرن وبه‌رته‌نگكرنێ دايه نيشان بۆ وى ملله‌تى هه‌نه يێ باوه‌رییێ ب خودێ دئينن وكاربنه‌جهى ودلۆڤانییا وى دزانن.
فَـَٔاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِۚ ذَٰلِكَ خَيۡرٞ لِّلَّذِينَ يُرِيدُونَ وَجۡهَ ٱللَّهِۖ وَأُوْلَـٰٓئِكَ هُمُ ٱلۡمُفۡلِحُونَ ﴿٣٨﴾
ڤێجا تو -ئه‌ى خودان باوه‌ر- حه‌قێ مرۆڤێ خۆ يێ نێزيك ژ مرۆڤاينییێ وهاريكارییێ وهه‌مى كارێن دى يێن باش بدێ، وتو ژ خێر وزه‌كاتێ بده مرۆڤێ هه‌ژار وپێتڤى ووى ڕێڤنگى يێ چو مال نه‌ماى، ئه‌ڤ دانه بۆ وى چێتره يێ ب كارێ خۆ كنارێ خودێ دخوازت، وئه‌وێن ڤان خێر وباشییان دكه‌ن، ئه‌ون يێن خێرا خودێ ب ده‌ست خۆڤه دئينن و ژ عه‌زابا وى ڕزگار دبن.
وَمَآ ءَاتَيۡتُم مِّن رِّبٗا لِّيَرۡبُوَاْ فِيٓ أَمۡوَٰلِ ٱلنَّاسِ فَلَا يَرۡبُواْ عِندَ ٱللَّهِۖ وَمَآ ءَاتَيۡتُم مِّن زَكَوٰةٖ تُرِيدُونَ وَجۡهَ ٱللَّهِ فَأُوْلَـٰٓئِكَ هُمُ ٱلۡمُضۡعِفُونَ ﴿٣٩﴾
وهه‌ر قه‌ره‌كێ هوين ب ئنيه‌تا ربايێ بده‌ن؛ دا زێده‌هى بۆ هه‌وه ب وى قه‌رى ڤه بێت، وئه‌و د ناڤ مالێ خه‌لكى دا زێده ببت، ئه‌و ل نك خودێ زێده نابت، به‌لكى خودێ وى پويچ دكه‌ت. وهه‌ر زه‌كاته‌كا هوين ب ئنيه‌تا خێرێ وڕازيبوونا خودێ بده‌ن، ئه‌ڤه‌يه ئه‌وا خودێ قه‌بويل دكه‌ت وبۆ هه‌وه گه‌له‌ك زێده دكت.
ٱللَّهُ ٱلَّذِي خَلَقَكُمۡ ثُمَّ رَزَقَكُمۡ ثُمَّ يُمِيتُكُمۡ ثُمَّ يُحۡيِيكُمۡۖ هَلۡ مِن شُرَكَآئِكُم مَّن يَفۡعَلُ مِن ذَٰلِكُم مِّن شَيۡءٖۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ ﴿٤٠﴾
خودێ ب تنێیه يێ هوين ئافراندين -گه‌لی مرۆڤان- پاشى ڕزقێ هه‌وه د ڤێ دنيايێ دا دايه هه‌وه، پاشى ئه‌و هه‌وه دمرينت ده‌مێ ڕۆژا هه‌وه تمام دبت، پاشى ئه‌و هه‌وه زێندى دكه‌ته‌ڤه وبۆ حسێبێ وجزادانێ هه‌وه ژ گۆڕان ڕادكه‌ت، ئه‌رێ ژ هه‌ڤپشكێن هه‌وه ئێك هه‌يه تشته‌كى ژ وێ چه‌ندێ بكه‌ت؟ يێ پاك وبلند بت خودێ ژ شركا ڤان بوتپه‌رێسان.