قورئانا پیرۆز › سورەتا الروم › ئایەتا ٤٥
سورەتا الروم · ئایەتا ٤٥ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَأَقِمۡ وَجۡهَكَ لِلدِّينِ ٱلۡقَيِّمِ مِن قَبۡلِ أَن يَأۡتِيَ يَوۡمٞ لَّا مَرَدَّ لَهُۥ مِنَ ٱللَّهِۖ يَوۡمَئِذٖ يَصَّدَّعُونَ ﴿٤٣﴾
ڤێجا تو -ئه‌ى پێغه‌مبه‌ر- به‌رێ خۆ بده دينێ ڕاست، كو ئيسلامه، فه‌رمانێن وى ب جهـ بينه، وتو خۆ پێڤه بگره به‌رى كو ڕۆژا قيامه‌تێ بێت؛ چونكى ئه‌گه‌ر ئه‌و ڕۆژ هات كه‌سه‌ك نابت بشێت وێ ڤه‌گه‌ڕينت، خه‌لك ژێك دئێنه ڤه‌قه‌تاندن ودبنه گه‌له‌ك ڕه‌نگ؛ دا كريارێن وان بۆ بێنه پێشچاڤكرن.
مَن كَفَرَ فَعَلَيۡهِ كُفۡرُهُۥۖ وَمَنۡ عَمِلَ صَٰلِحٗا فَلِأَنفُسِهِمۡ يَمۡهَدُونَ ﴿٤٤﴾
هه‌چییێ كافر ببت جزايێ كوفرا وى بۆ وییه، كو هه‌رمانا د ئاگرى دايه، وهه‌چییێ باوه‌رییێ بينت وكارێ چاك بكه‌ت ئه‌و جهى بۆ خۆ د به‌حه‌شتێ دا خۆش دكه‌ت؛ ژ به‌ر كو وان گوهدارییا خودێ كربوو.
لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ مِن فَضۡلِهِۦٓۚ إِنَّهُۥ لَا يُحِبُّ ٱلۡكَٰفِرِينَ ﴿٤٥﴾
دا خودێ ژ قه‌نجییا خۆ جزايێ وان بده‌تێ يێن باوه‌رى ب خودێ وپێغه‌مبه‌رێ وى ئيناى وكريارێن چاك كرين. هندى ئه‌وه ئه‌و حه‌ز ژ كافران ناكه‌ت.
وَمِنۡ ءَايَٰتِهِۦٓ أَن يُرۡسِلَ ٱلرِّيَاحَ مُبَشِّرَٰتٖ وَلِيُذِيقَكُم مِّن رَّحۡمَتِهِۦ وَلِتَجۡرِيَ ٱلۡفُلۡكُ بِأَمۡرِهِۦ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ ﴿٤٦﴾
و ژ ئايه‌تێن خودێ يێن دبنه نيشان ل سه‌ر ته‌وحيد وشيانا وى ئه‌وه ئه‌و دشێت به‌رى بارانێ بۆ مزگينى باى بهنێرت دا عه‌وران بهاژۆت، ڤێجا خه‌لكى ب وێ چه‌ندێ خۆش دبت؛ ودا ئه‌و ژ دلۆڤانییا خۆ وێ بارانێ بده‌ته هه‌وه يا وار ومرۆڤ پێ زێندى دبن، ودا گه‌مى ب فه‌رمانا خودێ د ده‌ريايێ دا ب ڕێڤه بچن، ودا هوين ب ڕێكا بازرگانییێ ژ قه‌نجییا وى بخوازن؛ دا به‌لكى هوين شوكرا قه‌نجییا خودێ بكه‌ن.
وَلَقَدۡ أَرۡسَلۡنَا مِن قَبۡلِكَ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَٱنتَقَمۡنَا مِنَ ٱلَّذِينَ أَجۡرَمُواْۖ وَكَانَ حَقًّا عَلَيۡنَا نَصۡرُ ٱلۡمُؤۡمِنِينَ ﴿٤٧﴾
و ب ڕاستى مه به‌رى ته -ئه‌ى پێغه‌مبه‌ر- هنده‌ك پێغه‌مبه‌ر بۆ ملله‌تێن وان هنارتبوون دا ئه‌و وان بترسينن ومزگينییێ بده‌نێ وبه‌رێ وان بده‌نه ته‌وحيدێ ووان ژ شركێ پاشڤه‌ببه‌ن، ڤێجا ئه‌و ب موعجزه ونيشانێن ئاشكه‌را ڤه بۆ وان هاتن، به‌لێ پترییا وان كوفر ب خودايێ خۆ كر، ئينا مه تۆل ژ وان يێن خرابى كرين ڤه‌كر، ومه ئه‌و تێبرن، ومه ئه‌و خودان باوه‌رێن دويكه‌فتنا پێغه‌مبه‌ران كرى ب سه‌رئێخستن، وئه‌م وه‌سا د گه‌ل وان دكه‌ين يێن دره‌وێ ب ته دكه‌ن ئه‌گه‌ر ئه‌و ل سه‌ر دروپێكرنا خۆ به‌رده‌وام بمينن، وباوه‌رییێ نه‌ئينن.