surah030سورەتا الروم · ئایەتا ٥ ب تەفسیرا کوردی

فِيٓ أَدۡنَى ٱلۡأَرۡضِ وَهُم مِّنۢ بَعۡدِ غَلَبِهِمۡ سَيَغۡلِبُونَ ﴿٣﴾

ل سه‌ر عه‌ردێ ((شامێ)) يێ نێزيك بۆ وه‌لاتێ ((فارسان)) پاشى پشتى ده‌مه‌كێ دى ڕۆمى دێ شێنه‌ فورسێ.

فِي بِضۡعِ سِنِينَۗ لِلَّهِ ٱلۡأَمۡرُ مِن قَبۡلُ وَمِنۢ بَعۡدُۚ وَيَوۡمَئِذٖ يَفۡرَحُ ٱلۡمُؤۡمِنُونَ ﴿٤﴾

ده‌مه‌كێ ژ سێ سالان كێمتر نه‌بت و ژ ده‌هـ سالان پتر نه‌بت. وبه‌رى ڕۆمى ب سه‌ركه‌ڤن وپشتى ب سه‌ردكه‌ڤن ژى مه‌سه‌له‌ هه‌مى د ده‌ستێ خودێ دايه‌، وڕۆژا ڕۆمى دشێنه‌ فورسێ كه‌يفا خودان باوه‌ران دێ ب سه‌ركه‌فتنا ڕۆمییان ل سه‌ر فورسێ ئێت.

بِنَصۡرِ ٱللَّهِۚ يَنصُرُ مَن يَشَآءُۖ وَهُوَ ٱلۡعَزِيزُ ٱلرَّحِيمُ ﴿٥﴾

وهه‌چییێ خودێ بڤێت دێ وى ب سه‌رئێخت، ويێ وى بڤێت دێ شه‌رمزار كه‌ت، وئه‌وه‌ خودايێ زال ودلۆڤانكار. وئه‌و چێبوو يا خودێ گۆتى وپشتى حه‌فت سالان ڕۆمى شيانه‌ فورسێ، وكه‌يفا موسلمانان ب وێ چه‌ندێ هات؛ چونكى ڕۆمى خودان كيتاب بوون، هه‌ر چه‌نده‌ وان ئه‌و گوهاڕتبوو ژى.

وَعۡدَ ٱللَّهِۖ لَا يُخۡلِفُ ٱللَّهُ وَعۡدَهُۥ وَلَٰكِنَّ أَكۡثَرَ ٱلنَّاسِ لَا يَعۡلَمُونَ ﴿٦﴾

خودێ سۆزه‌كا بنه‌جهـ دايه‌ خودان باوه‌ران، كو ڕۆمییێن فه‌له‌ ب سه‌ر فارسێن بوتپه‌رێس بێخت، به‌لێ پترییا كافرێن (مه‌كه‌هێ) نزانن كو ئه‌و سۆزا خودێ داى حه‌قییه‌.

يَعۡلَمُونَ ظَٰهِرٗا مِّنَ ٱلۡحَيَوٰةِ ٱلدُّنۡيَا وَهُمۡ عَنِ ٱلۡأٓخِرَةِ هُمۡ غَٰفِلُونَ ﴿٧﴾

وهه‌ما ب تنێ ئه‌و تشتێ دنيايێ يێ ب سه‌رڤه‌ وجوانییا وێ دزانن، وئه‌و ژ مه‌سه‌لێن ئاخره‌تێ وتشتێ مفاى تێدا بگه‌هينته‌ وان دبێ ئاگه‌هن، ئه‌و هزرا خۆ تێدا ناكه‌ن.