قورئانا پیرۆز › سورەتا الروم › ئایەتا ٥٦
سورەتا الروم · ئایەتا ٥٦ ب تەفسیرا کوردی
Ar-Rum
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞ٱللَّهُ ٱلَّذِي خَلَقَكُم مِّن ضَعۡفٖ ثُمَّ جَعَلَ مِنۢ بَعۡدِ ضَعۡفٖ قُوَّةٗ ثُمَّ جَعَلَ مِنۢ بَعۡدِ قُوَّةٖ ضَعۡفٗا وَشَيۡبَةٗۚ يَخۡلُقُ مَا يَشَآءُۚ وَهُوَ ٱلۡعَلِيمُ ٱلۡقَدِيرُ ﴿٥٤﴾
خودێیه هوين ژ چپكه‌كا لاواز وبێ بها ئافراندين، پاشى پشتى لاوازییا زارۆكينییێ وى هێزا زه‌لامينییێ دا، پاشى پشتى ڤێ هێزێ وى لاوازییا پيرییێ دا، تشتێ خودێ بڤێت ژ لاوازى وهێزێ ئه‌و دئافرينت، وئه‌وه يێ پڕزانا ب به‌نییێن خۆ، يێ خودان شيان ل سه‌ر هه‌ر تشته‌كى.
وَيَوۡمَ تَقُومُ ٱلسَّاعَةُ يُقۡسِمُ ٱلۡمُجۡرِمُونَ مَا لَبِثُواْ غَيۡرَ سَاعَةٖۚ كَذَٰلِكَ كَانُواْ يُؤۡفَكُونَ ﴿٥٥﴾
وڕۆژا قيامه‌ت دئێت وخودێ خه‌لكى ژ گۆڕێن وان ڕادكه‌ته‌ڤه بوتپه‌رێس سويندێ دخۆن كو ئه‌و ژ ده‌مه‌كێ كێم پێڤه‌تر ل دنيايێ نه‌مابوون، ئه‌و د سويندا خۆ دا ددره‌وينن، كا چاوا وان د دنيايێ دا دره‌و دكرن، وباوه‌رى ب وێ حه‌قییێ نه‌دئينا يا پێغه‌مبه‌ر پێ هاتين.
وَقَالَ ٱلَّذِينَ أُوتُواْ ٱلۡعِلۡمَ وَٱلۡإِيمَٰنَ لَقَدۡ لَبِثۡتُمۡ فِي كِتَٰبِ ٱللَّهِ إِلَىٰ يَوۡمِ ٱلۡبَعۡثِۖ فَهَٰذَا يَوۡمُ ٱلۡبَعۡثِ وَلَٰكِنَّكُمۡ كُنتُمۡ لَا تَعۡلَمُونَ ﴿٥٦﴾
وئه‌وێن زانين وباوره‌ى بۆ هاتییه‌دان ژ فريشته وپێغه‌مبه‌ر وخودان باوه‌ران گۆتن: ب ڕاستى هوين هند يێن ماين هندى خودێ دزانت ونڤيسى ژ ڕۆژا ئافراندنا هه‌وه وحه‌تا ڕاكرنا هه‌وه ژ گۆڕان، ڤێجا ئه‌ڤه ڕۆژا ڤه‌ژينكرنێیه، به‌لێ هه‌وه نه‌دزانى، له‌و هه‌وه د دنيايێ دا كوفر ودره‌و پێ دكر.
فَيَوۡمَئِذٖ لَّا يَنفَعُ ٱلَّذِينَ ظَلَمُواْ مَعۡذِرَتُهُمۡ وَلَا هُمۡ يُسۡتَعۡتَبُونَ ﴿٥٧﴾
ڤێجا ڕۆژا قيامه‌تێ عوزرڤه‌خواستنا زۆرداران چو مفاى ناگه‌هينته وان، و ژ وان نائێته داخوازكرن كو ئه‌و ب تۆبه‌كرنێ خودێ ژ خۆ ڕازى بكه‌ن، به‌لكى ئه‌و ب گونه‌هێن وان دئێنه جزادان.
وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖۚ وَلَئِن جِئۡتَهُم بِـَٔايَةٖ لَّيَقُولَنَّ ٱلَّذِينَ كَفَرُوٓاْ إِنۡ أَنتُمۡ إِلَّا مُبۡطِلُونَ ﴿٥٨﴾
و ب ڕاستى مه بۆ مرۆڤان د ڤێ قورئانێ دا ژ هه‌مى مه‌ته‌لان ئاشكه‌را كرينه دا وان چو هێجه‌ت نه‌مينن، وئه‌گه‌ر تو -ئه‌ى پێغه‌مبه‌ر- چ هێجه‌ته‌كا ڕاستگۆيیا ته ئاشكه‌را بكه‌ت بۆ وان بينى، مسوگه‌ر ئه‌وێن كوفر ب ته كرى دێ بێژن: هه‌ما هوين -ئه‌ى پێغه‌مبه‌ر ودويكه‌فتییێن وى- د وى تشتى دا يێ هوين بۆ مه دئينن دنه‌حه‌قن.