قورئانا پیرۆز › سورەتا الصافات › ئایەتا ٦٢
سورەتا الصافات · ئایەتا ٦٢ ب تەفسیرا کوردی
As-Saffat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ هَٰذَا لَهُوَ ٱلۡفَوۡزُ ٱلۡعَظِيمُ ﴿٦٠﴾
ب ڕاستى ئه‌ڤ خۆشییا ئه‌م تێدا ئه‌وه سه‌ركه‌فتنا مه‌زن.
لِمِثۡلِ هَٰذَا فَلۡيَعۡمَلِ ٱلۡعَٰمِلُونَ ﴿٦١﴾
بۆ ڤێ خۆشییا تمام، ومانا هه‌ر وهه‌ر، وسه‌ركه‌فتنا مه‌زن، بلا خودان كار د دنيايێ دا كارى بكه‌ن؛ دا ئه‌و ل ئاخره‌تێ بگه‌هنه ڤێ چه‌ندێ.
أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ ﴿٦٢﴾
ئه‌رێ ئه‌وا بۆرى ژ به‌حسێ به‌حه‌شتێ دان ومێڤاندارییه‌كا چێتره، يان دارا زه‌ققومێ يا پيس، كو دێ بته خوارنا جه‌هنه‌مییان؟
إِنَّا جَعَلۡنَٰهَا فِتۡنَةٗ لِّلظَّـٰلِمِينَ ﴿٦٣﴾
هندى ئه‌مين مه ئه‌و دار يا كرییه فتنه وجه‌ڕباندن بۆ وان كه‌سێن ب كوفرێ وگونه‌هان زۆردارى ل خۆ كرى، ووان ب خۆمه‌زنكرن ڤه گۆت: هه‌ڤالێ هه‌وه دبێژت داره‌ك د ئاگرى دا هه‌يه، وئه‌و ب خۆ ئاگر دارى دخۆت.
إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ ﴿٦٤﴾
هندى دارا زه‌ققومێیه داره‌كه د بنێ جه‌هنه‌مێ دا شين دبت.