قورئانا پیرۆز › سورەتا السجدة › ئایەتا ١١
سورەتا السجدة · ئایەتا ١١ ب تەفسیرا کوردی
As-Sajdah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ثُمَّ سَوَّىٰهُ وَنَفَخَ فِيهِ مِن رُّوحِهِۦۖ وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ ﴿٩﴾
پاشى وى ئافراندنا مرۆڤى تمامكر، وئه‌و جوان چێكر، ووى ژ جانێ خۆ پفكرێ ب ڕێكا هنارتنا ملياكه‌تى بۆ نك وى؛ دا ڕحێ بده‌تێ، ووى نعمه‌تا گوهـ وچاڤان دا هه‌وه؛ دا هوين ده‌نگ وڕه‌نگان پێ ژێك جودا بكه‌ن، ووى نعمه‌تا عه‌قلی ژى دا هه‌وه؛ دا هوين باشى وخرابییێ پێ ژێك ڤاڤێرن. كێمه‌كێ هوين شوكرا خودايێ خۆ دكه‌ن سه‌را وان قه‌نجییێن وى داينه هه‌وه.
وَقَالُوٓاْ أَءِذَا ضَلَلۡنَا فِي ٱلۡأَرۡضِ أَءِنَّا لَفِي خَلۡقٖ جَدِيدِۭۚ بَلۡ هُم بِلِقَآءِ رَبِّهِمۡ كَٰفِرُونَ ﴿١٠﴾
وئه‌و بوتپه‌رێسێن باوه‌رییێ ب قيامه‌تێ نه‌ئينن دبێژن: ئه‌رێ ئه‌گه‌ر گۆشت وهه‌ستییێ مه ل بن عه‌درى بوونه ئاخ ئه‌رێ ئه‌م دێ ژ نوى چێبينه‌ڤه؟ ئه‌و وێ چه‌ندێ دوير دبينن نه‌كو وان دڤێت حه‌قییێ بزانن، به‌لكى هه‌ما ئه‌و زۆردارى وڕكدارییه‌كه ژ وان؛ چونكى ئه‌و ب ديدارا خودايێ خۆ -ل ڕۆژا قيامه‌تێ- دكافرن.
۞قُلۡ يَتَوَفَّىٰكُم مَّلَكُ ٱلۡمَوۡتِ ٱلَّذِي وُكِّلَ بِكُمۡ ثُمَّ إِلَىٰ رَبِّكُمۡ تُرۡجَعُونَ ﴿١١﴾
تو -ئه‌ى پێغه‌مبه‌ر- بێژه ڤان بوتپه‌رێسان: ملياكه‌تێ مرنێ يێ كو بۆ ستاندنا ڕحا هه‌وه ب وكيلی هاتییه دانان دێ هه‌وه مرينت، وئه‌گه‌ر ڕۆژا هه‌وه هات ئه‌و دێ جانێ هه‌وه ستينت، وده‌ليڤه‌يه‌كا ب تنێ ژى هوين نائێنه پاشڤه‌هێلان، پاشى هوين بۆ نك خودايێ خۆ دێ ئێنه زڤڕاندن، ڤێجا ئه‌و دێ هه‌وه سه‌را هه‌مى كريارێن هه‌وه جزا ده‌ت.
وَلَوۡ تَرَىٰٓ إِذِ ٱلۡمُجۡرِمُونَ نَاكِسُواْ رُءُوسِهِمۡ عِندَ رَبِّهِمۡ رَبَّنَآ أَبۡصَرۡنَا وَسَمِعۡنَا فَٱرۡجِعۡنَا نَعۡمَلۡ صَٰلِحًا إِنَّا مُوقِنُونَ ﴿١٢﴾
وئه‌گه‌ر تو -ئه‌ى گوهدێر- ببينى ده‌مێ ئه‌و تاوانبارێن باوه‌رییێ ب ڕابوونا پشتى مرنێ نائينن سه‌رێ خۆ ژ شه‌رمزارى وڕویڕه‌شییان دا ل نك خودايێ خۆ شۆڕ دكه‌ن ودبێژن: خودايێ مه مه كرێتییێن خۆ ديتن، ومه ژ ته گوهـ ل ڕاستییا وێ بوو يا پێغه‌مبه‌رێن ته د دنيايێ دا فه‌رمان پێ ل مه دكر، ومه تۆبه‌يه، ڤێجا تو مه بزڤڕينه دنيايێ ئه‌م دێ گوهدارییا ته كه‌ين، نوكه مه ب دورستى باوه‌ر ژ وێ كر يا مه د دنيايێ دا دره‌و پێ كرى ژ ته‌وحيدا ته، وكو تو مرییان ژ قه‌بران ڕادكه‌ى. وئه‌گه‌ر تو -ئه‌ى گوهدێر- وێ چه‌ندێ ببينى، تو دێ مه‌سه‌له‌كا مه‌زن بينى.
وَلَوۡ شِئۡنَا لَأٓتَيۡنَا كُلَّ نَفۡسٍ هُدَىٰهَا وَلَٰكِنۡ حَقَّ ٱلۡقَوۡلُ مِنِّي لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ ﴿١٣﴾
وئه‌گه‌ر مه ڤيابا ئه‌م دا ته‌وفيقا ڤان بوتپه‌رێسان بۆ ئيمانێ ده‌ين، به‌لێ گۆتن ب ڕاستى ژ من ده‌ركه‌فت وحه‌ق بوو كو ئه‌ز دێ جه‌هنه‌مێ ب كافر وگونه‌هكارێن ئه‌جنه ومرۆڤان هه‌مییان تژى كه‌م؛ چونكى وان سه‌رداچوون بۆ خۆ هلبژارت.