قورئانا پیرۆز › سورەتا السجدة › ئایەتا ٢٠
سورەتا السجدة · ئایەتا ٢٠ ب تەفسیرا کوردی
As-Sajdah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَفَمَن كَانَ مُؤۡمِنٗا كَمَن كَانَ فَاسِقٗاۚ لَّا يَسۡتَوُۥنَ ﴿١٨﴾
ئه‌رێ ڤێجا ما ئه‌وێ گوهدارییا خودێ وپێغه‌مبه‌رێ وى كر بت وباوه‌رى ب سۆز وگه‌فا وى ئينا بت، وه‌كى وییه يێ كوفر ب خودێ وپێغه‌مبه‌رێ وى كرى، وباوه‌رى ب ڕۆژا دويماهییێ نه‌ئيناى؟ ئه‌و ل نك خودێ وه‌كى ئێك نابن.
أَمَّا ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ فَلَهُمۡ جَنَّـٰتُ ٱلۡمَأۡوَىٰ نُزُلَۢا بِمَا كَانُواْ يَعۡمَلُونَ ﴿١٩﴾
هندى ئه‌ون يێن باوه‌رى ب خودێ ئيناى وئه‌و كار كرى يێ فه‌رمان پێ ل وان هاتییه‌كرن جزايێ وان به‌حه‌شتن ئه‌و دچنێ، وهه‌روهه‌ر ئه‌و د خۆشییێن وان دا دمينن؛ ژ به‌ر كارێ وان د دنيايێ دا دكر.
وَأَمَّا ٱلَّذِينَ فَسَقُواْ فَمَأۡوَىٰهُمُ ٱلنَّارُۖ كُلَّمَآ أَرَادُوٓاْ أَن يَخۡرُجُواْ مِنۡهَآ أُعِيدُواْ فِيهَا وَقِيلَ لَهُمۡ ذُوقُواْ عَذَابَ ٱلنَّارِ ٱلَّذِي كُنتُم بِهِۦ تُكَذِّبُونَ ﴿٢٠﴾
وهندى ئه‌ون يێن ژ بن ئه‌مرێ خودێ ده‌ركه‌فتين وگونه‌هـ كرين جهێ ئه‌و لێ ئاكنجى دبن جه‌هنه‌مه، هه‌ر جاره‌كا وان ڤيا ژێ ده‌ركه‌ڤن جاره‌كا دى دێ لێ ئێنه زڤڕاندن، وبۆ پاشڤه‌برن دێ بۆ وان ئێته گۆتن: هوين تام بكه‌نه وێ عه‌زابا ئاگرى يا هه‌وه د دنيايێ دا دره‌و پێ دكر.
وَلَنُذِيقَنَّهُم مِّنَ ٱلۡعَذَابِ ٱلۡأَدۡنَىٰ دُونَ ٱلۡعَذَابِ ٱلۡأَكۡبَرِ لَعَلَّهُمۡ يَرۡجِعُونَ ﴿٢١﴾
ومسۆگه‌ر ئه‌م ژ عه‌زابا كێم يا كو د دنيايێ دا هه‌ى به‌رى عه‌زابا مه‌زنتر يا ڕۆژا قيامه‌تێ هه‌ى دێ ب ڤان سه‌رداچوويێن دره‌وپێكه‌ر ده‌ينه تامكرن؛ دا به‌لكى ئه‌و ل خۆ بزڤڕن و ژ گونه‌هێن خۆ تۆبه بكه‌ن.
وَمَنۡ أَظۡلَمُ مِمَّن ذُكِّرَ بِـَٔايَٰتِ رَبِّهِۦ ثُمَّ أَعۡرَضَ عَنۡهَآۚ إِنَّا مِنَ ٱلۡمُجۡرِمِينَ مُنتَقِمُونَ ﴿٢٢﴾
وكه‌س ژ وى زۆردارتر نينه يێ ب ئايه‌تێن خودى شيره‌ت لێ بێنه‌كرن، پاشى ئه‌و پشت بده‌ته وێ هه‌مییێ، ووجه‌كێ بۆ خۆ ژێ نه‌گرت، وخۆ دفنبلند بكه‌ت، هندى ئه‌مين ئه‌م تۆلێ ژ وان تاونباران دستينين يێن پشت دده‌نه ئايه‌ت وده‌ليلێن خودێ، ومفاى بۆ خۆ ژێ وه‌رنه‌گرن.