قورئانا پیرۆز › سورەتا السجدة › ئایەتا ٣
سورەتا السجدة · ئایەتا ٣ ب تەفسیرا کوردی
As-Sajdah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
الٓمٓ ﴿١﴾
(الم) گۆتن ل دۆر ڤان حه‌رفێن كه‌ركرى ل سه‌رێ سووره‌تا به‌قه‌ره بۆرییه.
تَنزِيلُ ٱلۡكِتَٰبِ لَا رَيۡبَ فِيهِ مِن رَّبِّ ٱلۡعَٰلَمِينَ ﴿٢﴾
گومان تێدا نينه كو ئه‌ڤ قورئانه یا موحه‌ممه‌د سلاڤ لێ بن پێ هاتى، ژ نك خودێ خودايێ هه‌مى چێكرییان هاتییه خوارێ.
أَمۡ يَقُولُونَ ٱفۡتَرَىٰهُۚ بَلۡ هُوَ ٱلۡحَقُّ مِن رَّبِّكَ لِتُنذِرَ قَوۡمٗا مَّآ أَتَىٰهُم مِّن نَّذِيرٖ مِّن قَبۡلِكَ لَعَلَّهُمۡ يَهۡتَدُونَ ﴿٣﴾
يان بوتپه‌رێس دبێژن: موحه‌ممه‌دى سلاڤ لێ بن قورئان ژ نك خۆ چێكرییه؟ ئه‌و دره‌وان دكه‌ن، به‌لكى ئه‌و حه‌قییه‌كا موكمه ژ نك خودايێ ته -ئه‌ى پێغه‌مبه‌ر- يا بۆ ته هاتییه خوارێ؛ دا تو وان مرۆڤان پێ بترسينى يێن كو به‌رى ته چو كه‌سه‌ك بۆ وان نه‌هاتییه وان بترسينت، دا به‌لكى ئه‌و ب هيدايه‌ت بێن، حه‌قییێ بنیاسن و باوه‌رییێ پێ بینن.
ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ مَا لَكُم مِّن دُونِهِۦ مِن وَلِيّٖ وَلَا شَفِيعٍۚ أَفَلَا تَتَذَكَّرُونَ ﴿٤﴾
خودێ ئه‌وه يێ عه‌سمان وعه‌رد وهه‌ر تشته‌كێ د ناڤبه‌رێ دا ژ به‌ر حكمه‌ته‌كا ئه‌و پێ دزانت د شه‌ش ڕۆژان دا ئافراندين، وئه‌وه يێ كو شياى ب په‌يڤا (ببه) وان بئافرينت، پاشى وى ئستوا ل سه‌ر عه‌رشى كر، یه‌عنى: بلندبوو سه‌ر عه‌رشى، ئستوائه‌كا بابه‌تى وى بت، يا چاواتییا وێ نه يا ده‌سنيشانكرى بت، ونه وه‌كى يا چێكرییان بت. هه‌وه -گه‌لی مرۆڤان- ژ وى پێڤه‌تر چو خودان نينن سه‌ركارییا هه‌وه بكه‌ن، وهه‌وه چو مه‌هده‌رچى ژى نينن مه‌هده‌رێ بۆ هه‌وه ل نك خودێ بكه‌ن؛ دا هوين ژ عه‌زابا وى ڕزگار ببن، ئه‌رێ ما ڤێجا هوين هزرا خۆ ناكه‌ن، كو په‌رستنا خودێ ب تنێ بكه‌ن؟
يُدَبِّرُ ٱلۡأَمۡرَ مِنَ ٱلسَّمَآءِ إِلَى ٱلۡأَرۡضِ ثُمَّ يَعۡرُجُ إِلَيۡهِ فِي يَوۡمٖ كَانَ مِقۡدَارُهُۥٓ أَلۡفَ سَنَةٖ مِّمَّا تَعُدُّونَ ﴿٥﴾
خودێ كارێ هه‌مى چێكرییان ب ڕێڤه دبه‌ت ژ عه‌سمانى حه‌تا عه‌ردى، پاشى ئه‌و كار وتداره‌ك ب نك وى ڤه بلند دبت، ل ڕۆژه‌كێ درێژییا وێ هندى درێژییا هزار سالێن هه‌وه يێن دنيايێنه يێن هوين دهژمێرن.