قورئانا پیرۆز › سورەتا الشورى › ئایەتا ٢٠
سورەتا الشورى · ئایەتا ٢٠ ب تەفسیرا کوردی
Ash-Shura
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَسۡتَعۡجِلُ بِهَا ٱلَّذِينَ لَا يُؤۡمِنُونَ بِهَاۖ وَٱلَّذِينَ ءَامَنُواْ مُشۡفِقُونَ مِنۡهَا وَيَعۡلَمُونَ أَنَّهَا ٱلۡحَقُّۗ أَلَآ إِنَّ ٱلَّذِينَ يُمَارُونَ فِي ٱلسَّاعَةِ لَفِي ضَلَٰلِۭ بَعِيدٍ ﴿١٨﴾
ئه‌وێن باوه‌رییێ ب قيامه‌تێ نه‌ئينن بۆ تڕانه له‌زێ ل هاتنا وێ دكه‌ن، وئه‌وێن باوه‌رى پێ ئيناى ژ هاتنا وێ ب ترسن، وئه‌و دزانن كو ئه‌و ڕاستییه‌كا بێ گومانه. نێ هندى ئه‌ون يێن هه‌ڤڕكییێ د مه‌سه‌لا هاتنا قيامه‌تێ دا دكه‌ن ئه‌و د به‌رزه‌بوونه‌كا دوير ژ حه‌قییێ دانه.
ٱللَّهُ لَطِيفُۢ بِعِبَادِهِۦ يَرۡزُقُ مَن يَشَآءُۖ وَهُوَ ٱلۡقَوِيُّ ٱلۡعَزِيزُ ﴿١٩﴾
خودێ ب به‌نییێن خۆ يێ هووربينه، يێ وى بڤێت ئه‌و ڕزقى لێ به‌رفره‌هـ دكه‌ت، ويێ وى بڤێت ئه‌و وى لێ به‌رته‌نگ دكه‌ت ل دويڤ حكمه‌ته‌كا ئه‌و پێ دزانت، وئه‌وه هێزدارێ هێز هه‌مى يا وى، يێ زال د تۆلڤه‌كرنا خۆ دا.
مَن كَانَ يُرِيدُ حَرۡثَ ٱلۡأٓخِرَةِ نَزِدۡ لَهُۥ فِي حَرۡثِهِۦۖ وَمَن كَانَ يُرِيدُ حَرۡثَ ٱلدُّنۡيَا نُؤۡتِهِۦ مِنۡهَا وَمَا لَهُۥ فِي ٱلۡأٓخِرَةِ مِن نَّصِيبٍ ﴿٢٠﴾
هه‌چییێ ب كارێ خۆ خێرا ئاخره‌تێ بخوازت وحه‌قێ خودێ ژ سه‌ر خۆ ڕاكه‌ت ومالی د ڕێكا دينى دا خه‌رج بكه‌ت، ئه‌م دێ به‌ره‌كه‌تێ بۆ وى هاڤێينه كارێ وى يێ باش، ودێ خێرێن باشییا وى بۆ وى ده‌هـ جاركى زێده كه‌ين وهێشتا زێده‌تر ژى بۆ وى يێ مه بڤێت، وهه‌چییێ ب كارێ خۆ داخوازا دنيايێ ب تنێ بكه‌ت، ئه‌م دێ وێ ژێ ده‌ينێ يا مه بۆ وى كرییه پشك وبار، و ل ئاخره‌تێ تشته‌ك بۆ وى نابت.
أَمۡ لَهُمۡ شُرَكَـٰٓؤُاْ شَرَعُواْ لَهُم مِّنَ ٱلدِّينِ مَا لَمۡ يَأۡذَنۢ بِهِ ٱللَّهُۚ وَلَوۡلَا كَلِمَةُ ٱلۡفَصۡلِ لَقُضِيَ بَيۡنَهُمۡۗ وَإِنَّ ٱلظَّـٰلِمِينَ لَهُمۡ عَذَابٌ أَلِيمٞ ﴿٢١﴾
يان ئه‌رێ ما ڤان بوتپه‌رێسان د شرك وسه‌رداچوونا خۆ دا هنده‌ك هه‌ڤپشك هه‌نه وى تشتێ خودێ ده‌ستويرى پێ نه‌داى ژ دينى وشركێ بۆ وان ددانن؟ وئه‌گه‌ر ژ به‌ر قه‌ده‌را خودێ نه‌بايه كو وى حه‌زكرییه ئه‌و وان پاشڤه بهێلت، وله‌زێ ل عه‌زابدانا وان د دنيايێ دا نه‌كه‌ت، دا حوكم ب پێشخستنا عه‌زابێ د ناڤبه‌را وان دا ئێته پێكئينان. وهندى ئه‌ون يێن كوفر ب خودێ كرى ڕۆژا قيامه‌تێ عه‌زابه‌كا ب ئێش ونه‌خۆش بۆ وان هه‌يه.
تَرَى ٱلظَّـٰلِمِينَ مُشۡفِقِينَ مِمَّا كَسَبُواْ وَهُوَ وَاقِعُۢ بِهِمۡۗ وَٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ فِي رَوۡضَاتِ ٱلۡجَنَّاتِۖ لَهُم مَّا يَشَآءُونَ عِندَ رَبِّهِمۡۚ ذَٰلِكَ هُوَ ٱلۡفَضۡلُ ٱلۡكَبِيرُ ﴿٢٢﴾
تو -ئه‌ى پێغه‌مبه‌ر- ڕۆژا قيامه‌تێ دێ كافران بينى ژ به‌ر كارێن خراب يێن وان د دنيايێ دا كرين ئه‌و ژ جزادانێ دترسن، وعه‌زاب دێ ب سه‌ر وان دا ئێت، ووان بڤێت نه‌ڤێت ئه‌و دێ تام كه‌نێ. وئه‌وێن باوه‌رى ب خودێ ئيناى وگوهدارییا وى كرى د باغ وبيستانێن به‌حه‌شتێ و د قه‌سر وخۆشییان دانه، تشتێ دلێ وان بخوازت بۆ وان ل نك خودايێ وان هه‌يه، ئه‌و قه‌نجى وقه‌درێ هه يێ خودێ دايه وان ئه‌و قه‌نجی وسه‌راتییه يا نه‌ئێته سالۆخدان، و ژ به‌ر مه‌زنییا وێ عه‌قل ناگه‌هتێ.