قورئانا پیرۆز › سورەتا الشورى › ئایەتا ٣٨
سورەتا الشورى · ئایەتا ٣٨ ب تەفسیرا کوردی
Ash-Shura
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَمَآ أُوتِيتُم مِّن شَيۡءٖ فَمَتَٰعُ ٱلۡحَيَوٰةِ ٱلدُّنۡيَاۚ وَمَا عِندَ ٱللَّهِ خَيۡرٞ وَأَبۡقَىٰ لِلَّذِينَ ءَامَنُواْ وَعَلَىٰ رَبِّهِمۡ يَتَوَكَّلُونَ ﴿٣٦﴾
ڤێجا هه‌ر تشته‌كێ بۆ هه‌وه -گه‌لى مرۆڤان- هاتییه‌دان ژ مال وعه‌يالی وتشتێن دى خۆشییا ژينا دنيايێیه، زوى دێ چت ونامينت، وئه‌و تشتێ ل نك خودێ هه‌ى ژ خۆشییا به‌حه‌شتێ چێتر وبه‌رده‌وامتره بۆ وان يێن باوه‌رى ئيناى، وخۆ دهێلنه ب هيڤییا خودايێ خۆ ڤه.
وَٱلَّذِينَ يَجۡتَنِبُونَ كَبَـٰٓئِرَ ٱلۡإِثۡمِ وَٱلۡفَوَٰحِشَ وَإِذَا مَا غَضِبُواْ هُمۡ يَغۡفِرُونَ ﴿٣٧﴾
وئه‌وێن خۆ ژ وان گونه‌هێن مه‌زن دده‌نه پاش يێن خودێ ئه‌و ژێ داينه پاش، وخۆ ژ گونه‌هێن كرێت وپيس دده‌نه پاش، وئه‌گه‌ر كه‌ربێن وان ڤه‌بوون ل وان یێن نه‌خۆشى گه‌هاندیێ دبۆرن، پێخه‌مه‌ت رازیبوونا خودێ، وئه‌ڤه ژ ئه‌خلاقێ باشه.
وَٱلَّذِينَ ٱسۡتَجَابُواْ لِرَبِّهِمۡ وَأَقَامُواْ ٱلصَّلَوٰةَ وَأَمۡرُهُمۡ شُورَىٰ بَيۡنَهُمۡ وَمِمَّا رَزَقۡنَٰهُمۡ يُنفِقُونَ ﴿٣٨﴾
وئه‌وێن د به‌رسڤا خودايێ خۆ هاتين ده‌مى وى ئه‌و بۆ ته‌وحيدا خۆ گازى كرين، و ب دورستى ب كرنا نڤێژێن فه‌ر ڕابووين، وئه‌گه‌ر وان ڤيا ب كاره‌كى ڕاببن ئه‌و مشێوره‌تێ د گه‌ل ئێك ودو دكه‌ن، و ژ وى مالێ مه دايێ ئه‌و خێران دده‌ن.
وَٱلَّذِينَ إِذَآ أَصَابَهُمُ ٱلۡبَغۡيُ هُمۡ يَنتَصِرُونَ ﴿٣٩﴾
وئه‌وێن ئه‌گه‌ر كه‌سه‌كى ته‌عدايى لێ كر ئه‌و تۆلا خۆ ژێ دستينن بێى كو زۆردارییێ بكه‌ن، وئه‌گه‌ر ئه‌و صه‌برێ بكێشن دويماهییا صه‌برا وان دێ خێر تێدا هه‌بت.
وَجَزَـٰٓؤُاْ سَيِّئَةٖ سَيِّئَةٞ مِّثۡلُهَاۖ فَمَنۡ عَفَا وَأَصۡلَحَ فَأَجۡرُهُۥ عَلَى ٱللَّهِۚ إِنَّهُۥ لَا يُحِبُّ ٱلظَّـٰلِمِينَ ﴿٤٠﴾
وجزايێ خرابییا خرابكارى ئه‌وه ب كاره‌كێ وه‌كى يێ وى تۆل ژێ بێته ستاندن، وهه‌چییێ ل خرابكارى ببۆرت، وتۆلا خۆ ژێ ڤه‌نه‌كه‌ت، وبۆ كنارێ خودێ د ناڤبه‌را خۆ ووى دا چاك بكه‌ت، خێرا كارێ وى ل سه‌ر خودێیه. هندى خودێیه حه‌ز ژ وان زۆرداران ناكه‌ت يێن ته‌عدايییێ ل خه‌لكى دكه‌ن وخرابییێ دگه‌هيننێ.