قورئانا پیرۆز › سورەتا الشورى › ئایەتا ٤
سورەتا الشورى · ئایەتا ٤ ب تەفسیرا کوردی
Ash-Shura
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
عٓسٓقٓ ﴿٢﴾
(عسق) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه.
كَذَٰلِكَ يُوحِيٓ إِلَيۡكَ وَإِلَى ٱلَّذِينَ مِن قَبۡلِكَ ٱللَّهُ ٱلۡعَزِيزُ ٱلۡحَكِيمُ ﴿٣﴾
كانێ چاوا خودێ ئه‌ڤ قورئانه بۆ ته ئينايه خوارێ وه‌سا وى كيتاب وصوحوف بۆ پێغه‌مبه‌رێن به‌رى ته ژى يێن ئيناينه خوارێ، وئه‌و د تۆلڤه‌كرنا خۆ دا يێ زاله، و د گۆتن وكريارێن خۆ دا يێ كاربنه‌جهه.
لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۖ وَهُوَ ٱلۡعَلِيُّ ٱلۡعَظِيمُ ﴿٤﴾
هه‌ر تشته‌كێ ل عه‌سمانان وهه‌ر تشته‌كێ ل عه‌ردى بۆ خودێ ب تنێیه، وئه‌و ب ذات وهێز وشيانا خۆڤه يێ بلنده، ويێ مه‌زنه.
تَكَادُ ٱلسَّمَٰوَٰتُ يَتَفَطَّرۡنَ مِن فَوۡقِهِنَّۚ وَٱلۡمَلَـٰٓئِكَةُ يُسَبِّحُونَ بِحَمۡدِ رَبِّهِمۡ وَيَسۡتَغۡفِرُونَ لِمَن فِي ٱلۡأَرۡضِۗ أَلَآ إِنَّ ٱللَّهَ هُوَ ٱلۡغَفُورُ ٱلرَّحِيمُ ﴿٥﴾
نێزيكه ژ ترسێن خودێ دا عه‌سمان ئێك د سه‌ر يێ دى دا چڕچڕ ببن، وفريشته ب سۆپاسییا خودايێ خۆ ته‌سبيحا وى دكه‌ن، وئه‌و وى ژ هه‌ر تشته‌كێ نه بابه‌تى وى بت پاك دكه‌ن، وداخوازا ژێبرنا گونه‌هان بۆ هه‌ر يه‌كێ ل عه‌ردى ژ خودان باوه‌ران دكه‌ن. نێ هندى خودێیه باش گونه‌هـ ژێبرێ گونه‌هێن به‌نییێن خۆ يێن خودان باوه‌ره، ويێ دلۆڤانكاره ب وان.
وَٱلَّذِينَ ٱتَّخَذُواْ مِن دُونِهِۦٓ أَوۡلِيَآءَ ٱللَّهُ حَفِيظٌ عَلَيۡهِمۡ وَمَآ أَنتَ عَلَيۡهِم بِوَكِيلٖ ﴿٦﴾
وئه‌وێن ژبلی خودێ هنده‌ك خوداوه‌ندێن دى بۆ خۆ داناين؛ دا ئه‌و وان بۆ خۆ بكه‌نه سه‌ركار وپه‌رستنێ بۆ بكه‌ن، خودێ كارێن وان ل سه‌ر وان دهژمێرت ودپارێزت؛ دا ڕۆژا قيامه‌تێ ئه‌و وان پێ جزا بده‌ت، وتو ل سه‌ر وان وه‌كيل نينى كارێن وان بپارێزى، هه‌ما ب تنێ تو وان دترسينى، يا ته گه‌هاندنه وحسێبا وان ل سه‌ر مه‌يه.