قورئانا پیرۆز › سورەتا التحريم › ئایەتا ٣
سورەتا التحريم · ئایەتا ٣ ب تەفسیرا کوردی
At-Tahrim
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَـٰٓأَيُّهَا ٱلنَّبِيُّ لِمَ تُحَرِّمُ مَآ أَحَلَّ ٱللَّهُ لَكَۖ تَبۡتَغِي مَرۡضَاتَ أَزۡوَٰجِكَۚ وَٱللَّهُ غَفُورٞ رَّحِيمٞ ﴿١﴾
ئه‌ى پێغه‌مبه‌ر بۆچى تو وى تشتێ خودێ بۆ ته حه‌لالكرى ل سه‌ر خۆ حه‌رام دكه‌ى؟ تو دخوازى ژنكێن ته ژ ته ڕازى ببن؟ وخودێ باش گونه‌هـ ژێبره بۆ ته، ويێ دلۆڤانكاره ب ته.
قَدۡ فَرَضَ ٱللَّهُ لَكُمۡ تَحِلَّةَ أَيۡمَٰنِكُمۡۚ وَٱللَّهُ مَوۡلَىٰكُمۡۖ وَهُوَ ٱلۡعَلِيمُ ٱلۡحَكِيمُ ﴿٢﴾
گه‌لی خودان باوه‌ران خودێ كفاره‌تا سويندێ بۆ وى دانايه يێ بڤێت سويندا خۆ بشكێنت، وئه‌ڤ كفاره‌ته ئه‌ڤه‌يه: ئه‌و خوارنێ بده‌ته ده‌هـ فه‌قيران، يان جلكى بده‌ته وان، يان عه‌بده‌كى ئازا بكه‌ت، ويێ نه‌شێت چو ژ ڤان هه‌ر سێیان بكه‌ت دێ سێ ڕۆژییان گرت. وخودێ سه‌ركارێ هه‌وه‌يه وئه‌وه هه‌وه ب سه‌ردئێخت، وئه‌و يێ پڕزانايه ب وى تشتێ ب كێر هه‌وه بێت له‌و ئه‌و وى بۆ هه‌وه دكه‌ته شريعه‌ت، د كار وگۆتنێن خۆ دا يێ كاربنه‌جهه.
وَإِذۡ أَسَرَّ ٱلنَّبِيُّ إِلَىٰ بَعۡضِ أَزۡوَٰجِهِۦ حَدِيثٗا فَلَمَّا نَبَّأَتۡ بِهِۦ وَأَظۡهَرَهُ ٱللَّهُ عَلَيۡهِ عَرَّفَ بَعۡضَهُۥ وَأَعۡرَضَ عَنۢ بَعۡضٖۖ فَلَمَّا نَبَّأَهَا بِهِۦ قَالَتۡ مَنۡ أَنۢبَأَكَ هَٰذَاۖ قَالَ نَبَّأَنِيَ ٱلۡعَلِيمُ ٱلۡخَبِيرُ ﴿٣﴾
وده‌مێ پێغه‌مبه‌رى گۆتنه‌ك ب نه‌په‌نى ڤه گه‌هاندییه ژنكا خۆ حه‌فصايێ -خودێ ژێ ڕازى بت-، ڤێجا ده‌مێ وێ ئه‌و گۆتن بۆ عائيشايێ -خودێ ژێ ڕازى بت- گۆتى، وخودێ ئه‌و ئاگه‌هداركرى كو وێ سررا وى ئاشكه‌راكرییه، وى هنده‌ك ژ وێ گۆتنا عائيشايێ گۆتییێ بۆ حه‌فصايێ گۆت، وهنده‌ك هێلا بۆ نه‌گۆت، ڤێجا ده‌مێ وى ئه‌و ئاگه‌هدار كرى كو وى يێ زانى كو وێ سررا وى يا ئاشكه‌راكرى، حه‌فصايێ گۆتێ: كێ ئه‌ڤه بۆ ته گۆتییه؟ وى گۆت: خودايێ پڕزانا وشاره‌زا، يێ چو تشت ل به‌ر وى نه‌ئێنه ڤه‌شارتن، يێ گۆتییه من.
إِن تَتُوبَآ إِلَى ٱللَّهِ فَقَدۡ صَغَتۡ قُلُوبُكُمَاۖ وَإِن تَظَٰهَرَا عَلَيۡهِ فَإِنَّ ٱللَّهَ هُوَ مَوۡلَىٰهُ وَجِبۡرِيلُ وَصَٰلِحُ ٱلۡمُؤۡمِنِينَۖ وَٱلۡمَلَـٰٓئِكَةُ بَعۡدَ ذَٰلِكَ ظَهِيرٌ ﴿٤﴾
ئه‌گه‌ر هوين هه‌ردو (حه‌فصا وعائيشا) ل خۆ بزڤڕن وتۆبه بكه‌ن، ب ڕاستى هه‌وه ئه‌و كرییه يا پێتڤییه تۆبه ژێ بێته‌كرن، ده‌مێ هه‌وه دلێ خۆ برییه وى تشتى يێ پێغه‌مبه‌رێ خودێ -سلاڤ لێ بن- نه‌ڤياى، كو سررا وى به‌لاڤ ببت، وهوين هاريكارییا ئێك ودو بكه‌ن ل سه‌ر وى تشتێ وى پێ نه‌خۆش، ڤێجا هندى خودێیه سه‌ركار وپشته‌ڤانێ وییه، وجبريل وچاكێن خودان باوه‌ران ژى، وفريشته ژى پشتى خودێ پشته‌ڤان وهاريكارێن وينه دژى هه‌ر كه‌سه‌كێ نه‌ياره‌تییا وى بكه‌ت ووى بێشينت.
عَسَىٰ رَبُّهُۥٓ إِن طَلَّقَكُنَّ أَن يُبۡدِلَهُۥٓ أَزۡوَٰجًا خَيۡرٗا مِّنكُنَّ مُسۡلِمَٰتٖ مُّؤۡمِنَٰتٖ قَٰنِتَٰتٖ تَـٰٓئِبَٰتٍ عَٰبِدَٰتٖ سَـٰٓئِحَٰتٖ ثَيِّبَٰتٖ وَأَبۡكَارٗا ﴿٥﴾
ئه‌گه‌ر وى هوين -گه‌لی ژنكان- به‌ردان به‌لكى خودايێ وى هنده‌ك ژنێن دى بكه‌ته ڕزقێ وى هه‌رده‌م ئه‌و د فه‌رمانا خودێ دا بن، وباوه‌رییێ ب خودێ وپێغه‌مبه‌رێ وى بينن، د عيباده‌تكه‌ر بن، ل وى تشتى بزڤڕن يێ خودێ دڤێت، وگه‌له‌ك په‌رستنا وى بكه‌ن، دڕۆژيگر بن، هنده‌ك بيژن بن، وهنده‌ك كچ بن.