قورئانا پیرۆز › سورەتا الطلاق › ئایەتا ١٢
سورەتا الطلاق · ئایەتا ١٢ ب تەفسیرا کوردی
At-Talaq
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَعَدَّ ٱللَّهُ لَهُمۡ عَذَابٗا شَدِيدٗاۖ فَٱتَّقُواْ ٱللَّهَ يَـٰٓأُوْلِي ٱلۡأَلۡبَٰبِ ٱلَّذِينَ ءَامَنُواْۚ قَدۡ أَنزَلَ ٱللَّهُ إِلَيۡكُمۡ ذِكۡرٗا ﴿١٠﴾
خودێ عه‌زابه‌كا دژوار بۆ ڤان ملله‌تێن سه‌رداچووين وبێ ئه‌مرییا وى وپێغه‌مبه‌رێ وى كرى ئاماده كربوو، ڤێجا هوين ته‌قوایا خودێ بكه‌ن و ژ غه‌زه‌با وى بترسن گه‌لی خودان عه‌قلان يێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى. ب ڕاستى خودێ بيرئينانه‌ك بۆ هه‌وه -گه‌لی خودان باوه‌ران- ئينا خوارێ بيرا هه‌وه پێ بێته ڤه، وهه‌وه ل بارا هه‌وه ژ باوه‌رییێ وگوهدانێ ئاگه‌هدار بكه‌ت.
رَّسُولٗا يَتۡلُواْ عَلَيۡكُمۡ ءَايَٰتِ ٱللَّهِ مُبَيِّنَٰتٖ لِّيُخۡرِجَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ مِنَ ٱلظُّلُمَٰتِ إِلَى ٱلنُّورِۚ وَمَن يُؤۡمِنۢ بِٱللَّهِ وَيَعۡمَلۡ صَٰلِحٗا يُدۡخِلۡهُ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدٗاۖ قَدۡ أَحۡسَنَ ٱللَّهُ لَهُۥ رِزۡقًا ﴿١١﴾
وئه‌ڤ بيرئينانه ئه‌و پێغه‌مبه‌ره يێ وان ئايه‌تێن خودێ بۆ هه‌وه بخوينت يێن حه‌قییێ ئاشكه‌را دكه‌ن؛ دا ئه‌و وان يێن باوه‌رى ب خودێ وپێغه‌مبه‌رێ وى ئيناى، وكار ب ئه‌مر وفه‌رمانا وى كرى ژ تارییێن كوفرێ ده‌ربێخته ڕۆناهییا باوه‌رییێ، وهه‌چییێ باوه‌رییێ ب خودێ بينت وكاره‌كێ چاك بكه‌ت، ئه‌و دێ وى كه‌ته د وان به‌حه‌شتان دا يێن ڕويبار د بن دار وبارێن وان دا دچن، هه‌روهه‌ر دێ تێدا مينن، ب ڕاستى خودێ ڕزقه‌كێ باش د به‌حه‌شتێ دا يێ دايه مرۆڤێ چاك.
ٱللَّهُ ٱلَّذِي خَلَقَ سَبۡعَ سَمَٰوَٰتٖ وَمِنَ ٱلۡأَرۡضِ مِثۡلَهُنَّۖ يَتَنَزَّلُ ٱلۡأَمۡرُ بَيۡنَهُنَّ لِتَعۡلَمُوٓاْ أَنَّ ٱللَّهَ عَلَىٰ كُلِّ شَيۡءٖ قَدِيرٞ وَأَنَّ ٱللَّهَ قَدۡ أَحَاطَ بِكُلِّ شَيۡءٍ عِلۡمَۢا ﴿١٢﴾
خودێ ب تنێیه يێ حه‌فت عه‌سمان ئافراندين، و ژ عه‌ردى ژى حه‌فت ئافراندين، ووى فه‌رمان ب وێ ئينايه خوارێ يا وى بۆ پێغه‌مبه‌رێن خۆ هنارتى و ب وێ يا ئه‌و د ناڤبه‌را عه‌سمانان وعه‌ردى دا خه‌لكى پێ ب ڕێڤه دبه‌ت؛ دا هوين -گه‌لی مرۆڤان- بزانن كو خودێ ل سه‌ر هه‌ر تشته‌كى يێ خودان شيانه چو تشت ل به‌ر وى ئاسێ نابت، وكو خودێ ب زانينێ دۆر ل هه‌ر تشته‌كى گرتییه، ڤێجا تشته‌ك ژ بن زانين وشيانا وى ده‌رناكه‌ڤت.