قورئانا پیرۆز › سورەتا التوبة › ئایەتا ١٨
سورەتا التوبة · ئایەتا ١٨ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَمۡ حَسِبۡتُمۡ أَن تُتۡرَكُواْ وَلَمَّا يَعۡلَمِ ٱللَّهُ ٱلَّذِينَ جَٰهَدُواْ مِنكُمۡ وَلَمۡ يَتَّخِذُواْ مِن دُونِ ٱللَّهِ وَلَا رَسُولِهِۦ وَلَا ٱلۡمُؤۡمِنِينَ وَلِيجَةٗۚ وَٱللَّهُ خَبِيرُۢ بِمَا تَعۡمَلُونَ ﴿١٦﴾
به‌لا وجه‌رباندن ژ سوننه‌تا خودێیه، ڤێجا هوين -گه‌لى خودان باوه‌ران- هزر نه‌كه‌ن كو خودێ بێ جه‌رباندن دێ هه‌وه هێلت؛ خودێ دێ هه‌وه جه‌ڕبينت دا ئه‌و ل به‌ر چاڤ وان ب خه‌لكى بده‌ته نیاسین يێن د جيهادا خۆ دا ددلسۆز، و ژ بلى خودێ وپێغه‌مبه‌رێ وى وخودان باوه‌ران چو سه‌ركار وخودان بۆ خۆ نه‌گرتين. وخودێ ب هه‌مى كريارێن هه‌وه يێ شاره‌زايه وئه‌و دێ هه‌وه سه‌را وان جزا ده‌ت.
مَا كَانَ لِلۡمُشۡرِكِينَ أَن يَعۡمُرُواْ مَسَٰجِدَ ٱللَّهِ شَٰهِدِينَ عَلَىٰٓ أَنفُسِهِم بِٱلۡكُفۡرِۚ أُوْلَـٰٓئِكَ حَبِطَتۡ أَعۡمَٰلُهُمۡ وَفِي ٱلنَّارِ هُمۡ خَٰلِدُونَ ﴿١٧﴾
نه‌بابه‌تى بوتپه‌ريسانه كو ئه‌و مالێن خودێ (مزگه‌فتان) ئاڤا بكه‌ن، وئه‌و كوفرا خۆ ب خودێ ئاشكه‌را دكه‌ن وشريكان بۆ وى ددانن. كارێ ڤان بوتپه‌رێسان ل ڕۆژا قيامه‌تێ پويچ بوو، ودويماهییا وان هه‌رمانا د ئاگرى دايه.
إِنَّمَا يَعۡمُرُ مَسَٰجِدَ ٱللَّهِ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَأَقَامَ ٱلصَّلَوٰةَ وَءَاتَى ٱلزَّكَوٰةَ وَلَمۡ يَخۡشَ إِلَّا ٱللَّهَۖ فَعَسَىٰٓ أُوْلَـٰٓئِكَ أَن يَكُونُواْ مِنَ ٱلۡمُهۡتَدِينَ ﴿١٨﴾
هه‌ما هه‌ر ئه‌و خه‌مێ ژ مالێن خودێ دخۆن ووان ئاڤا دكه‌ن يێن باوه‌رى ب خودێ وڕۆژا دويماهییێ هه‌ى، ونڤێژان دكه‌ن وزه‌كاتێ دده‌ن، و د ده‌رحه‌قا خودێ دا ژ لۆمه‌كرنا چو لۆمه‌كه‌ران ناترسن، ئه‌ڤ ئاڤاكه‌ره‌نه يێن به‌رێ وان بۆ حه‌قییێ هاتییه دان.
۞أَجَعَلۡتُمۡ سِقَايَةَ ٱلۡحَآجِّ وَعِمَارَةَ ٱلۡمَسۡجِدِ ٱلۡحَرَامِ كَمَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَجَٰهَدَ فِي سَبِيلِ ٱللَّهِۚ لَا يَسۡتَوُۥنَ عِندَ ٱللَّهِۗ وَٱللَّهُ لَا يَهۡدِي ٱلۡقَوۡمَ ٱلظَّـٰلِمِينَ ﴿١٩﴾
ئه‌ى ملله‌تۆ، ئه‌رێ ما هه‌وه ئاڤدانا حه‌جییان وئاڤاكرنا مزگه‌فتا حه‌رام وه‌كى باوه‌رییا وى لێ كر يێ باوه‌رى ب خودێ وڕۆژا دويماهییێ ئيناى، وجيهاد د ڕێكا خودێ دا كرى؟ حالێ خودان باوه‌ران ويێ كافران ل نك خودێ وه‌كى ئێك نينه؛ چونكى خودێ كاره‌كى ژ بێ باوه‌رى قه‌بويل ناكه‌ت. وخودێ به‌رێ ملله‌تێ زۆردار ناده‌ته كرنا چاكییان.
ٱلَّذِينَ ءَامَنُواْ وَهَاجَرُواْ وَجَٰهَدُواْ فِي سَبِيلِ ٱللَّهِ بِأَمۡوَٰلِهِمۡ وَأَنفُسِهِمۡ أَعۡظَمُ دَرَجَةً عِندَ ٱللَّهِۚ وَأُوْلَـٰٓئِكَ هُمُ ٱلۡفَآئِزُونَ ﴿٢٠﴾
ئه‌وێن باوه‌رى ب خودێ ئيناى و ژ جهێ كوفرێ قه‌ستا جهێ ئيسلامێ كرى، ومال وجانێ خۆ پێخه‌مه‌ت بلندكرنا په‌يڤا خودێ داين، ئه‌ڤان ده‌ره‌جێن وان ل نك خودێ دمه‌زنترن، وئه‌ون يێن ب ڕازيبوونا وى دسه‌ركه‌فتى.