قورئانا پیرۆز › سورەتا التوبة › ئایەتا ٥٨
سورەتا التوبة · ئایەتا ٥٨ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَحۡلِفُونَ بِٱللَّهِ إِنَّهُمۡ لَمِنكُمۡ وَمَا هُم مِّنكُمۡ وَلَٰكِنَّهُمۡ قَوۡمٞ يَفۡرَقُونَ ﴿٥٦﴾
وئه‌ڤ دوڕوییه ژ دره‌و بۆ هه‌وه سويندێ ب خودێ دخۆن گه‌لى خودان باوه‌ران كو ئه‌و ژ هه‌وه‌نه، وئه‌و ب خۆ نه ژ هه‌وه‌نه، به‌لێ ئه‌و ملله‌ته‌كێ ترسينۆكن له‌و ئه‌و سويندێ دخۆن دا خۆ ژ هه‌وه بپارێزن.
لَوۡ يَجِدُونَ مَلۡجَـًٔا أَوۡ مَغَٰرَٰتٍ أَوۡ مُدَّخَلٗا لَّوَلَّوۡاْ إِلَيۡهِ وَهُمۡ يَجۡمَحُونَ ﴿٥٧﴾
ئه‌گه‌ر ئه‌ڤ دوڕوییه جهه‌كێ ئاسێ ببينن خۆ لێ بپارێزن، يان شكه‌فته‌كا ل چيایه‌كى وان بحه‌وينت، يان كۆنه‌كا د عه‌ردى كو بچنه تێدا وخۆ ژ هه‌وه ڕزگار بكه‌ن، ئه‌و ب له‌ز دا چنێ وخۆ ڤێڕا گه‌هينن.
وَمِنۡهُم مَّن يَلۡمِزُكَ فِي ٱلصَّدَقَٰتِ فَإِنۡ أُعۡطُواْ مِنۡهَا رَضُواْ وَإِن لَّمۡ يُعۡطَوۡاْ مِنۡهَآ إِذَا هُمۡ يَسۡخَطُونَ ﴿٥٨﴾
و ژ دوڕوییان هه‌يه يێ عه‌يبان د لێكه‌ڤه‌كرنا ته دا بۆ خێران ده‌ردئێخت، ڤێجا ئه‌گه‌ر باره‌ك ژێ گه‌هشتێ دێ ڕازى بن وخۆ بێ ده‌نگ كه‌ن، وئه‌گه‌ر چو بار نه‌گه‌هشتێ ئه‌و دێ عێجز بن وخۆ نه‌ڕازى كه‌ن.
وَلَوۡ أَنَّهُمۡ رَضُواْ مَآ ءَاتَىٰهُمُ ٱللَّهُ وَرَسُولُهُۥ وَقَالُواْ حَسۡبُنَا ٱللَّهُ سَيُؤۡتِينَا ٱللَّهُ مِن فَضۡلِهِۦ وَرَسُولُهُۥٓ إِنَّآ إِلَى ٱللَّهِ رَٰغِبُونَ ﴿٥٩﴾
وئه‌وێن هه يێن عه‌يبان د لێكڤه‌كرنا ته دا بۆ خێران دئيننه ده‌ر ئه‌گه‌ر ب وێ ڕازى ببان يا خودێ وپێغه‌مبه‌رێ وى دايه وان، وگۆتبان: خودێ تێرا مه هه‌يه، وئه‌و ژ قه‌نجییا خۆ دێ ده‌ته مه، وپێغه‌مبه‌رێ وى ژ وێ دێ ده‌ته مه يا خودێ دايێ، هندى ئه‌مين مه دڤێت خودێ ل به‌ر ده‌ستێ مه فره‌هـ بكه‌ت، ومه ژ وه‌رگرتنا خێران بێ منه‌ت بكه‌ت. ئه‌گه‌ر وان ئه‌ڤ چه‌نده كربا بۆ وان باشتر وچێتر بوو.
۞إِنَّمَا ٱلصَّدَقَٰتُ لِلۡفُقَرَآءِ وَٱلۡمَسَٰكِينِ وَٱلۡعَٰمِلِينَ عَلَيۡهَا وَٱلۡمُؤَلَّفَةِ قُلُوبُهُمۡ وَفِي ٱلرِّقَابِ وَٱلۡغَٰرِمِينَ وَفِي سَبِيلِ ٱللَّهِ وَٱبۡنِ ٱلسَّبِيلِۖ فَرِيضَةٗ مِّنَ ٱللَّهِۗ وَٱللَّهُ عَلِيمٌ حَكِيمٞ ﴿٦٠﴾
زه‌كاتا واجب بۆ هه‌ژارێن پێتڤى يێن چو نه‌يى دئێته‌دان، وبۆ وان به‌رده‌ست ته‌نگان ژى يێن هند نه‌بت تێرا وان بكه‌ت، وبۆ وان يێن زه‌كاتێ كۆم دكه‌ن، وبۆ وان يێن هه‌وه دڤێت دلێن وان ب لايێ خۆ ڤه بكێشن يێن هه‌وه هيڤى هه‌ى كو موسلمان ببن يان باوه‌رییا وان ب هێز بكه‌ڤت يان مفاى بگه‌هيننه موسلمانان، يان ژى خرابییا ئێكى پێ ژ موسلمانان بده‌نه پاش، وزه‌كات بۆ ئازاكرنا گه‌رده‌نا به‌نییان دئێته‌دان، وبۆ هه‌ڤڕكان دا ئه‌و نه‌خۆشییا د ناڤبه‌را وان دا پێ بێته چاككرن، وبۆ وان يێن قه‌ردارییێ بارێ وان گرانكرى، وبۆ شه‌ڕكه‌رێن د ڕێكا خودێ دا، وبۆ وى ڕێڤنگى يێ مال د ده‌ستان دا نه‌مابت، ئه‌ڤ لێكڤه‌كرنه تشته‌كێ فه‌ره خودێ داناى. وخودێ يێ پڕزانايه ب وى تشتێ مفايێ به‌نییێن وى تێدا، يێ كاربنه‌جهه د ڕێڤه‌برن وشريعه‌تێ خۆ دا.