قورئانا پیرۆز › سورەتا التوبة › ئایەتا ٧
سورەتا التوبة · ئایەتا ٧ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَإِذَا ٱنسَلَخَ ٱلۡأَشۡهُرُ ٱلۡحُرُمُ فَٱقۡتُلُواْ ٱلۡمُشۡرِكِينَ حَيۡثُ وَجَدتُّمُوهُمۡ وَخُذُوهُمۡ وَٱحۡصُرُوهُمۡ وَٱقۡعُدُواْ لَهُمۡ كُلَّ مَرۡصَدٖۚ فَإِن تَابُواْ وَأَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ فَخَلُّواْ سَبِيلَهُمۡۚ إِنَّ ٱللَّهَ غَفُورٞ رَّحِيمٞ ﴿٥﴾
ڤێجا ئه‌گه‌ر ئه‌و چار هه‌يڤێن هه‌وه بوتپه‌رێس تێدا پشت ڕاست كرين ب دويماهى هاتن، هوين ده‌سپێكرنا شه‌ڕى د گه‌ل نه‌يارێن خودێ ل هه‌ر جهه‌كێ ئه‌و لێ بن ڕابگه‌هينن، وهوين ل جهێن وان قه‌ستا وان بكه‌ن، ودۆرێ ل وان بگرن، وڕێكان ل به‌ر بگرن، ڤێجا ئه‌گه‌ر ئه‌و ژ كوفرا خۆ زڤڕين وهاتنه د ئيسلامێ دا وپێگيرى ب ئه‌حكامێن ئيسلامێ كر وه‌كى كرنا نڤێژێ ودانا زه‌كاتێ، هوين وان بهێلن، ئێدى ئه‌و بوونه برايێن هه‌وه د ئيسلامێ دا. هندى خودێیه باش گونه‌هـ ژێبره بۆ وان يێن تۆبه دكه‌ن، يێ دلۆڤانكاره ب وان.
وَإِنۡ أَحَدٞ مِّنَ ٱلۡمُشۡرِكِينَ ٱسۡتَجَارَكَ فَأَجِرۡهُ حَتَّىٰ يَسۡمَعَ كَلَٰمَ ٱللَّهِ ثُمَّ أَبۡلِغۡهُ مَأۡمَنَهُۥۚ ذَٰلِكَ بِأَنَّهُمۡ قَوۡمٞ لَّا يَعۡلَمُونَ ﴿٦﴾
وئه‌گه‌ر ئێك ژ وان بوتپه‌ريسێن خوين ومالێ وان هاتییه حه‌لالكرن داخواز كر كو ل سه‌ر به‌ختێ ته بت -ئه‌ى پێغه‌مبه‌ر- تو به‌ختێ خۆ بدێ، حه‌تا وى گوهـ ل قورئانێ ببت و ب باوه‌رییێ ئاگه‌هدار بت، پاشى تو وى ب سلامه‌تى ڤه‌گه‌ڕينه وى جهێ ئه‌و ژێ هاتى؛ دا وى چو هێجه‌ت نه‌مينن؛ ئه‌ڤه ژ به‌ر هندێیه چونكى هندى كافرن ملله‌ته‌كێ نه‌زانن ب ڕاستییێن ئيسلامێ، وبه‌لكى ئه‌و ئيسلامێ هلبژێرن ئه‌گه‌ر وان ب دورستى ئه‌و نیاسى.
كَيۡفَ يَكُونُ لِلۡمُشۡرِكِينَ عَهۡدٌ عِندَ ٱللَّهِ وَعِندَ رَسُولِهِۦٓ إِلَّا ٱلَّذِينَ عَٰهَدتُّمۡ عِندَ ٱلۡمَسۡجِدِ ٱلۡحَرَامِۖ فَمَا ٱسۡتَقَٰمُواْ لَكُمۡ فَٱسۡتَقِيمُواْ لَهُمۡۚ إِنَّ ٱللَّهَ يُحِبُّ ٱلۡمُتَّقِينَ ﴿٧﴾
نابت كو بوتپه‌رێسان په‌يمانه‌ك ل نك خودێ و ل نك پێغه‌مبه‌رێ وى هه‌بت، ئه‌و تێ نه‌بن يێن هه‌و ل نك مزگه‌فتا حه‌رام د ڕێككه‌فتنا (حوده‌يبیێ) دا په‌يمان د گه‌ل وان به‌ستى، ڤێجا هندى ئه‌و ل سه‌ر په‌يمانا خۆ بمينن هوين ژى وه‌كى وان ل سه‌ر په‌يمانا خۆ بمينن. هندى خودێیه حه‌ز ژ وان ته‌قواداران دكه‌ت يێن سۆزێن خۆ ب جهـ دئينن.
كَيۡفَ وَإِن يَظۡهَرُواْ عَلَيۡكُمۡ لَا يَرۡقُبُواْ فِيكُمۡ إِلّٗا وَلَا ذِمَّةٗۚ يُرۡضُونَكُم بِأَفۡوَٰهِهِمۡ وَتَأۡبَىٰ قُلُوبُهُمۡ وَأَكۡثَرُهُمۡ فَٰسِقُونَ ﴿٨﴾
حالێ بوتپه‌رێسان ئه‌وه هندى سه‌ركه‌فتن يا وان نه‌بت ئه‌و پێگيرییێ ب په‌يمانا خۆ دكه‌ن، به‌لێ گاڤا وان ديت ئه‌و ل سه‌ر خودان باوه‌ران ب هێز كه‌فتن نه وان ئاگه‌هـ ژ مرۆڤاينییێ دمينت نه ژ چو په‌يمانان، ڤێجا هشيار بن هوین ب وێ سه‌ره‌ده‌رییا ل ده‌مێ ترسێ ئه‌و د گه‌ل هه‌وه دكه‌ن نه‌ئێنه خاپاندن، هندى ئه‌ون ئه‌و ب ئه‌زمانێن خۆ وێ گۆتنێ دبێژن يا هوين پێ ڕازى ببن، به‌لێ دلێن وان ب وێ گۆتنێ ناكه‌ن، وپترییا وان ژ ڕێكێ دده‌ركه‌فتينه وپه‌يمانان دشكێنن.
ٱشۡتَرَوۡاْ بِـَٔايَٰتِ ٱللَّهِ ثَمَنٗا قَلِيلٗا فَصَدُّواْ عَن سَبِيلِهِۦٓۚ إِنَّهُمۡ سَآءَ مَا كَانُواْ يَعۡمَلُونَ ﴿٩﴾
وان ئايه‌تێن خودێ ب په‌رتاله‌كێ دنيايێ يێ بێ خێر گوهاڕت، وڕێ ل وان مرۆڤان گرت يێن حه‌ز دكر بێنه د ئيسلامێ دا، ب ڕاستى كاره‌كێ كرێت بوو وان كرى، وشۆله‌كا خراب بوو.