قورئانا پیرۆز › سورەتا التوبة › ئایەتا ٧٣
سورەتا التوبة · ئایەتا ٧٣ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلۡمُؤۡمِنُونَ وَٱلۡمُؤۡمِنَٰتُ بَعۡضُهُمۡ أَوۡلِيَآءُ بَعۡضٖۚ يَأۡمُرُونَ بِٱلۡمَعۡرُوفِ وَيَنۡهَوۡنَ عَنِ ٱلۡمُنكَرِ وَيُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَيُطِيعُونَ ٱللَّهَ وَرَسُولَهُۥٓۚ أُوْلَـٰٓئِكَ سَيَرۡحَمُهُمُ ٱللَّهُۗ إِنَّ ٱللَّهَ عَزِيزٌ حَكِيمٞ ﴿٧١﴾
ومێرێن خودان باوه‌ر وژنێن خودان باوه‌ر هنده‌ك ژ وان پشته‌ڤانێن هنده‌كانه، ئه‌و فه‌رمانێ ب باوه‌رییێ وكارێ چاك ل مرۆڤان دكه‌ن، ووان ژ كوفرێ وگونه‌هان دده‌نه پاش، وئه‌و نڤێژێ دكه‌ن، وزه‌كاتێ دده‌ن، وگوهدارییا خودێ وپێغه‌مبه‌رێ وى دكه‌ن، وخۆ ژ وى تشتى دده‌نه پاش يێ وان ئه‌و ژێ داينه پاش، ئه‌وان خودێ دێ دلۆڤانییێ پێ به‌ت، ووان ژ عه‌زابا خۆ ڕزگار كه‌ت وبه‌ته به‌حه‌شتا خۆ. هندى خودێیه د ملكێ خۆ دا يێ زاله، و د شريعه‌ت وئه‌حكامێن خۆ دا يێ كاربنه‌جهه.
وَعَدَ ٱللَّهُ ٱلۡمُؤۡمِنِينَ وَٱلۡمُؤۡمِنَٰتِ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا وَمَسَٰكِنَ طَيِّبَةٗ فِي جَنَّـٰتِ عَدۡنٖۚ وَرِضۡوَٰنٞ مِّنَ ٱللَّهِ أَكۡبَرُۚ ذَٰلِكَ هُوَ ٱلۡفَوۡزُ ٱلۡعَظِيمُ ﴿٧٢﴾
خودێ په‌يمان ب به‌حه‌شتێن ڕويبار د بن دا دچن يا دايه مێرێن خودان وژنێن خودان باوه‌ر، هه‌ر وهه‌ر ئه‌و دێ تێدا مينن، خۆشییا وان به‌حه‌شتان ژ وان خلاس نابت، ووى په‌يمان ب ئاڤاهییێن جوان وجهـ خۆش بۆ ئاكنجيبوونێ ل به‌حه‌شتان دايه وان، وڕازيبوونا خودێ ژ وێ خۆشییێ هه‌مییێ يا ئه‌و تێدا مه‌زنتره، ئه‌ڤ په‌يمانا ب خێرا ل ئاخره‌تێ سه‌ركه‌فتنا مه‌زنه.
يَـٰٓأَيُّهَا ٱلنَّبِيُّ جَٰهِدِ ٱلۡكُفَّارَ وَٱلۡمُنَٰفِقِينَ وَٱغۡلُظۡ عَلَيۡهِمۡۚ وَمَأۡوَىٰهُمۡ جَهَنَّمُۖ وَبِئۡسَ ٱلۡمَصِيرُ ﴿٧٣﴾
ئه‌ى پێغه‌مبه‌ر تو جيهادا كافران ب شيرى بكه، ویا دوڕوییان ب ئه‌زمانى، وتو ل سه‌ر هه‌ردو ده‌سته‌كان يێ دژوار به، وجهێ لێ ئاكنجيبوونا وان جه‌هنه‌مه، وپيسه جهه جهێ وان.
يَحۡلِفُونَ بِٱللَّهِ مَا قَالُواْ وَلَقَدۡ قَالُواْ كَلِمَةَ ٱلۡكُفۡرِ وَكَفَرُواْ بَعۡدَ إِسۡلَٰمِهِمۡ وَهَمُّواْ بِمَا لَمۡ يَنَالُواْۚ وَمَا نَقَمُوٓاْ إِلَّآ أَنۡ أَغۡنَىٰهُمُ ٱللَّهُ وَرَسُولُهُۥ مِن فَضۡلِهِۦۚ فَإِن يَتُوبُواْ يَكُ خَيۡرٗا لَّهُمۡۖ وَإِن يَتَوَلَّوۡاْ يُعَذِّبۡهُمُ ٱللَّهُ عَذَابًا أَلِيمٗا فِي ٱلدُّنۡيَا وَٱلۡأٓخِرَةِۚ وَمَا لَهُمۡ فِي ٱلۡأَرۡضِ مِن وَلِيّٖ وَلَا نَصِيرٖ ﴿٧٤﴾
دوڕوى ب خودێ سويند دخۆن كو وان تشته‌ك نه‌گۆتییه خرابى پێ بگه‌هته پێغه‌مبه‌رى وموسلمانان، وئه‌و دره‌وان دكه‌ن؛ چونكى وان ئاخفتنا كوفرێ يا گۆتى وئه‌و ب گۆتنێ ژ ئيسلامێ ده‌ركه‌فتينه، ووان به‌رگه‌ڕيان كربوو دا نه‌خۆشییێ بگه‌هيننه پێغه‌مبه‌رێ خودێ موحه‌ممه‌دى سلاڤ لێ بن، به‌لێ خودێ ئه‌و ب ده‌ست وان ڤه نه‌ئينا، ووان منافقان تشته‌ك ل نك پێغه‌مبه‌رى نه‌ديت كو ڕه‌خنێ پێ لێ بگرن وپێ بهاڤێنێ، ژ بلى كو خودێ قه‌نجى د گه‌ل وان كر، وئه‌و ژ وێ خێرێ زه‌نگين كرن يا وى ل سه‌ر پێغه‌مبه‌رێ خۆ ڤه‌كرى، ڤێجا ئه‌گه‌ر ئه‌ڤ كافره ل ئيمان وتۆبێ بزڤڕن ئه‌و دێ بۆ وان چێتر بت، ژ خۆ ئه‌گه‌ر وان پشت دا، و ل سه‌ر حالێ خۆ به‌رده‌وام مان، خودێ د دنيايێ دا عه‌زابه‌كا ب ئێش ب ده‌ستێ موسلمانان دێ ده‌ته وان، و ل ئاخره‌تێ ب ئاگرێ جه‌هنه‌مێ دێ وان عه‌زاب ده‌ت، وكه‌سه‌ك نابت وان ڕزگار بكه‌ت يان خرابییا عه‌زابێ ژ وان پاشڤه ببه‌ت.
۞وَمِنۡهُم مَّنۡ عَٰهَدَ ٱللَّهَ لَئِنۡ ءَاتَىٰنَا مِن فَضۡلِهِۦ لَنَصَّدَّقَنَّ وَلَنَكُونَنَّ مِنَ ٱلصَّـٰلِحِينَ ﴿٧٥﴾
و ژ منافقێن هه‌ژار هه‌يه يێ سۆزێ ل سه‌ر نه‌فسا خۆ دده‌ت: كو ئه‌گه‌ر خودێ هنده‌ك مالى بده‌تێ ئه‌و دێ خێران ژێ ده‌ت، ودێ وێ ب مالێ خۆ كه‌ت يا مرۆڤێن چاك پێ دكه‌ن، ودێ به‌رێ خۆ ده‌ته ڕێكا چاكییێ.