surah009سورەتا التوبة · ئایەتا ٧٦ ب تەفسیرا کوردی

يَحۡلِفُونَ بِٱللَّهِ مَا قَالُواْ وَلَقَدۡ قَالُواْ كَلِمَةَ ٱلۡكُفۡرِ وَكَفَرُواْ بَعۡدَ إِسۡلَٰمِهِمۡ وَهَمُّواْ بِمَا لَمۡ يَنَالُواْۚ وَمَا نَقَمُوٓاْ إِلَّآ أَنۡ أَغۡنَىٰهُمُ ٱللَّهُ وَرَسُولُهُۥ مِن فَضۡلِهِۦۚ فَإِن يَتُوبُواْ يَكُ خَيۡرٗا لَّهُمۡۖ وَإِن يَتَوَلَّوۡاْ يُعَذِّبۡهُمُ ٱللَّهُ عَذَابًا أَلِيمٗا فِي ٱلدُّنۡيَا وَٱلۡأٓخِرَةِۚ وَمَا لَهُمۡ فِي ٱلۡأَرۡضِ مِن وَلِيّٖ وَلَا نَصِيرٖ ﴿٧٤﴾

دوڕوى ب خودێ سويند دخۆن كو وان تشته‌ك نه‌گۆتییه‌ خرابى پێ بگه‌هته‌ پێغه‌مبه‌رى وموسلمانان، وئه‌و دره‌وان دكه‌ن؛ چونكى وان ئاخفتنا كوفرێ يا گۆتى وئه‌و ب گۆتنێ ژ ئيسلامێ ده‌ركه‌فتينه‌، ووان به‌رگه‌ڕيان كربوو دا نه‌خۆشییێ بگه‌هيننه‌ پێغه‌مبه‌رێ خودێ موحه‌ممه‌دى سلاڤ لێ بن، به‌لێ خودێ ئه‌و ب ده‌ست وان ڤه‌ نه‌ئينا، ووان منافقان تشته‌ك ل نك پێغه‌مبه‌رى نه‌ديت كو ڕه‌خنێ پێ لێ بگرن وپێ بهاڤێنێ، ژ بلى كو خودێ قه‌نجى د گه‌ل وان كر، وئه‌و ژ وێ خێرێ زه‌نگين كرن يا وى ل سه‌ر پێغه‌مبه‌رێ خۆ ڤه‌كرى، ڤێجا ئه‌گه‌ر ئه‌ڤ كافره‌ ل ئيمان وتۆبێ بزڤڕن ئه‌و دێ بۆ وان چێتر بت، ژ خۆ ئه‌گه‌ر وان پشت دا، و ل سه‌ر حالێ خۆ به‌رده‌وام مان، خودێ د دنيايێ دا عه‌زابه‌كا ب ئێش ب ده‌ستێ موسلمانان دێ ده‌ته‌ وان، و ل ئاخره‌تێ ب ئاگرێ جه‌هنه‌مێ دێ وان عه‌زاب ده‌ت، وكه‌سه‌ك نابت وان ڕزگار بكه‌ت يان خرابییا عه‌زابێ ژ وان پاشڤه‌ ببه‌ت.

۞وَمِنۡهُم مَّنۡ عَٰهَدَ ٱللَّهَ لَئِنۡ ءَاتَىٰنَا مِن فَضۡلِهِۦ لَنَصَّدَّقَنَّ وَلَنَكُونَنَّ مِنَ ٱلصَّـٰلِحِينَ ﴿٧٥﴾

و ژ منافقێن هه‌ژار هه‌يه‌ يێ سۆزێ ل سه‌ر نه‌فسا خۆ دده‌ت: كو ئه‌گه‌ر خودێ هنده‌ك مالى بده‌تێ ئه‌و دێ خێران ژێ ده‌ت، ودێ وێ ب مالێ خۆ كه‌ت يا مرۆڤێن چاك پێ دكه‌ن، ودێ به‌رێ خۆ ده‌ته‌ ڕێكا چاكییێ.

فَلَمَّآ ءَاتَىٰهُم مِّن فَضۡلِهِۦ بَخِلُواْ بِهِۦ وَتَوَلَّواْ وَّهُم مُّعۡرِضُونَ ﴿٧٦﴾

ڤێجا ده‌مێ خودێ ژ قه‌نجییا خۆ دايێ وان قه‌لسى د دانا خێران دا كر، وچوون وپشت دانه‌ ئيسلامێ.

فَأَعۡقَبَهُمۡ نِفَاقٗا فِي قُلُوبِهِمۡ إِلَىٰ يَوۡمِ يَلۡقَوۡنَهُۥ بِمَآ أَخۡلَفُواْ ٱللَّهَ مَا وَعَدُوهُ وَبِمَا كَانُواْ يَكۡذِبُونَ ﴿٧٧﴾

ڤێجا جزايێ ڤێ كريارا وان ئه‌و بوو نفاقا وان زێده‌تر لێ هات، وحه‌تا ڕۆژا حسێبێ ئه‌و نه‌شێن خۆ ژێ قورتال بكه‌ن؛ ژ به‌ر كو وان سۆزا خۆ ب جهـ نه‌ئينا، و ژ به‌ر وێ نفاق ودره‌وا وان كرى.

أَلَمۡ يَعۡلَمُوٓاْ أَنَّ ٱللَّهَ يَعۡلَمُ سِرَّهُمۡ وَنَجۡوَىٰهُمۡ وَأَنَّ ٱللَّهَ عَلَّـٰمُ ٱلۡغُيُوبِ ﴿٧٨﴾

ئه‌رێ ما ڤان دوڕوییان نه‌زانییه‌ كو خودێ وێ دزانت يا ئه‌و د دلێ خۆ دا ڤه‌دشێرن و د ناڤبه‌را خۆ دا ل ديوانێن خۆ پێ دئاخڤن، وكو خودێ پڕزانايێ تشتێن نه‌به‌رچاڤه‌؟ ڤێجا ئه‌و دێ وان جزا ده‌ت سه‌را كريارێن وان يێن وى ل سه‌ر وان هژمارتين.