قورئانا پیرۆز › سورەتا التوبة › ئایەتا ٨٩
سورەتا التوبة · ئایەتا ٨٩ ب تەفسیرا کوردی
At-Tawbah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
رَضُواْ بِأَن يَكُونُواْ مَعَ ٱلۡخَوَالِفِ وَطُبِعَ عَلَىٰ قُلُوبِهِمۡ فَهُمۡ لَا يَفۡقَهُونَ ﴿٨٧﴾
ئه‌ڤ دوڕوییه ب فهێتییێ ڕازيبوون، كو د گه‌ل ژن وزارۆك وخودان عوزران د مالان دا بمينن، وخودێ خه‌تم يا ل سه‌ر دلێن وان داى؛ ژ به‌ر نفاقا وان وخۆڤه‌كێشانا وان ژ جيهادێ وده‌ركه‌فتنا د ڕێكا خودێ دا د گه‌ل پێغه‌مبه‌رى سلاڤ لێ بن، ڤێجا ئه‌و د وى تشتى ناگه‌هن يێ باشى ومفايێ وان تێدا.
لَٰكِنِ ٱلرَّسُولُ وَٱلَّذِينَ ءَامَنُواْ مَعَهُۥ جَٰهَدُواْ بِأَمۡوَٰلِهِمۡ وَأَنفُسِهِمۡۚ وَأُوْلَـٰٓئِكَ لَهُمُ ٱلۡخَيۡرَٰتُۖ وَأُوْلَـٰٓئِكَ هُمُ ٱلۡمُفۡلِحُونَ ﴿٨٨﴾
ئه‌گه‌ر ئه‌ڤ دوڕوییێن هه ژ غه‌زايێ پاشڤه‌مابن، پێغه‌مبه‌رى سلاڤ لێ بن وخودان باوه‌ران د گه‌ل وى ب مال وجانێ خۆ جيهادكر، وئه‌وان سه‌ركه‌فتن وده‌سكه‌فتى د دنيايێ دا بۆ هه‌نه، وبه‌حه‌شت وقه‌درگرتن ل ئاخره‌تێ، وئه‌ون يێن سه‌ركه‌فتى.
أَعَدَّ ٱللَّهُ لَهُمۡ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ ذَٰلِكَ ٱلۡفَوۡزُ ٱلۡعَظِيمُ ﴿٨٩﴾
خودێ ل ڕۆژا قيامه‌تێ به‌حه‌شتێن ڕويبار د بن قه‌سر وداروبارێن وان دا بچن بۆ وان ئاماده‌كرينه هه‌ر وهه‌ر ئه‌و دێ تێدا بن. وئه‌ڤه‌يه سه‌ركه‌فتنا مه‌زن.
وَجَآءَ ٱلۡمُعَذِّرُونَ مِنَ ٱلۡأَعۡرَابِ لِيُؤۡذَنَ لَهُمۡ وَقَعَدَ ٱلَّذِينَ كَذَبُواْ ٱللَّهَ وَرَسُولَهُۥۚ سَيُصِيبُ ٱلَّذِينَ كَفَرُواْ مِنۡهُمۡ عَذَابٌ أَلِيمٞ ﴿٩٠﴾
وكۆمه‌ك ژ ئويجاخێن عه‌ره‌بان يێن ل دۆر وبه‌رێن (مه‌دينێ) هاتنه نك پێغه‌مبه‌رێ خودێ سلاڤ لێ بن؛ دا عوزرێ بۆ خۆ ڤه‌خوازن، وبۆ وى ئاشكه‌را بكه‌ن كو ئه‌و دلاوازن ونه‌شێن بۆ غه‌زايێ ده‌ركه‌ڤن، وهنده‌ك بێى عوزه‌ركێ بۆ خۆ ڤه‌خوازن ڕوينشتن وه‌ك خۆبسته‌كرن ل سه‌ر پێغه‌مبه‌رێ خودێ سلاڤ لێ بن. ئه‌وێن كافربووين ژ ڤان عه‌زابه‌كا ب ئێش د دنيايێ دا ب كوشتنێ دێ گه‌هتێ، و ل ئاخره‌تێ ب ئاگرى.
لَّيۡسَ عَلَى ٱلضُّعَفَآءِ وَلَا عَلَى ٱلۡمَرۡضَىٰ وَلَا عَلَى ٱلَّذِينَ لَا يَجِدُونَ مَا يُنفِقُونَ حَرَجٌ إِذَا نَصَحُواْ لِلَّهِ وَرَسُولِهِۦۚ مَا عَلَى ٱلۡمُحۡسِنِينَ مِن سَبِيلٖۚ وَٱللَّهُ غَفُورٞ رَّحِيمٞ ﴿٩١﴾
چو گونه‌هـ ل سه‌ر خودان عوزران ژ لاواز ونه‌ساخ وهه‌ژارێن مال نه‌بت پێ ده‌ركه‌ڤنه جيهادێ نينه كو ئه‌و ده‌رنه‌كه‌ڤن ئه‌گه‌ر ئه‌و دلێ خۆ بۆ خودێ وپێغه‌مبه‌رێ وى صافى بكه‌ن، وكارى ب شريعه‌تێ وى بكه‌ن، وچو ل سه‌ر وى نینه ئه‌وێ قه‌نجییێ بكه‌ت ژ وان يێن ب عوزر د گه‌ل پێغه‌مبه‌رى سلاڤ لێ بن ده‌رنه‌كه‌فتينه جيهادێ كو پێ لێ بێته‌گرتن وجزادان، ئه‌گه‌ر ئه‌و شيره‌تێ بۆ خودێ وپێغه‌مبه‌رێ وى بكه‌ت. وخودێ باش گونه‌هـ ژێبره بۆ قه‌نجيكاران، ويێ دلۆڤانكاره ب وان.