قورئانا پیرۆز › سورەتا الزمر › ئایەتا ١
سورەتا الزمر · ئایەتا ١ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ ﴿١﴾
ئينانه خوارا قورئانێ ژ نك خودێیه، ئه‌و خودايێ د شيان وتۆلستاندنا خۆ دا يێ زال، و د ڕێڤه‌برن وئه‌حكامێن خۆ دا يێ كاربنه‌جهـ.
إِنَّآ أَنزَلۡنَآ إِلَيۡكَ ٱلۡكِتَٰبَ بِٱلۡحَقِّ فَٱعۡبُدِ ٱللَّهَ مُخۡلِصٗا لَّهُ ٱلدِّينَ ﴿٢﴾
هندى ئه‌مين مه قورئان ب ڕاستى ودادى بۆ ته -ئه‌ى پێغه‌مبه‌ر- ئينا خوارێ، ڤێجا تو په‌رستنا خودێ ب تنێ بكه، وتو د هه‌مى دينێ خۆ دا ئيخلاصێ بۆ وى بكه.
أَلَا لِلَّهِ ٱلدِّينُ ٱلۡخَالِصُۚ وَٱلَّذِينَ ٱتَّخَذُواْ مِن دُونِهِۦٓ أَوۡلِيَآءَ مَا نَعۡبُدُهُمۡ إِلَّا لِيُقَرِّبُونَآ إِلَى ٱللَّهِ زُلۡفَىٰٓ إِنَّ ٱللَّهَ يَحۡكُمُ بَيۡنَهُمۡ فِي مَا هُمۡ فِيهِ يَخۡتَلِفُونَۗ إِنَّ ٱللَّهَ لَا يَهۡدِي مَنۡ هُوَ كَٰذِبٞ كَفَّارٞ ﴿٣﴾
نێ گوهدانا ساخله‌م وپاراستى ژ شركێ بۆ خودێ ب تنێیه، وئه‌وێن شرك ب خودێ كرى وژبلی وى هنده‌ك سه‌ركار بۆ خۆ داناين، ئه‌و دبێژن: هه‌ما ئه‌م په‌رستنا ڤان خوداوه‌ندان د گه‌ل خودێ دكه‌ين دا ئه‌و مه‌هده‌رێ بۆ مه ل نك خودێ بكه‌ن، ودا ئه‌و مه نێزيكى وى بكه‌ن، ڤێجا ب وێ چه‌ندێ ئه‌و كافر بوون؛ چونكى په‌رستن ومه‌هده‌ر بۆ خودێ ب تنێیه، هندى خودێیه ئه‌وه ل ڕۆژا قيامه‌تى حوكمى د ناڤبه‌را خودان باوه‌رێن دلساخ وبوتپه‌رێسان دا د وى تشتى دا دكه‌ت يێ ئه‌و تێدا ژێك جودا دبن، ڤێجا ئه‌و جزايێ هه‌ر ئێكى يێ هێژاى وى بت دده‌تێ. هندى خودێیه به‌رێ وى ناده‌ته ڕێكا ڕاست يێ دره‌وێ ل سه‌ر ناڤێ خودێ بكه‌ت، وگه‌له‌ك كوفرێ ب ئايه‌ت وهێجه‌تێن وى بكه‌ت.