قورئانا پیرۆز › سورەتا الزمر › ئایەتا ١٦
سورەتا الزمر · ئایەتا ١٦ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلِ ٱللَّهَ أَعۡبُدُ مُخۡلِصٗا لَّهُۥ دِينِي ﴿١٤﴾
تو -ئه‌ى پێغه‌مبه‌ر- بێژه: هندى ئه‌زم ئه‌ز ب ئيخلاص په‌رستنا خودێ ب تنێ دكه‌م وگوهدارییا وى دكه‌م.
فَٱعۡبُدُواْ مَا شِئۡتُم مِّن دُونِهِۦۗ قُلۡ إِنَّ ٱلۡخَٰسِرِينَ ٱلَّذِينَ خَسِرُوٓاْ أَنفُسَهُمۡ وَأَهۡلِيهِمۡ يَوۡمَ ٱلۡقِيَٰمَةِۗ أَلَا ذَٰلِكَ هُوَ ٱلۡخُسۡرَانُ ٱلۡمُبِينُ ﴿١٥﴾
ڤێجا تشتێ هه‌وه بڤێت -گه‌لی بوتپه‌رێسان- ژبلی خودێ هوين په‌رستنێ بۆ بكه‌ن، ئه‌و چو زيانێ ناگه‌هينته من. وئه‌ڤه گه‌ف وگوڕه‌كه ل وى يێ په‌رستنا ئێكێ دى ژبلی خودێ بكه‌ت. تو -ئه‌ى پێغه‌مبه‌ر- بێژه: هندى زيانكارێن ژ ڕاستانه ئه‌ون يێن خۆ ومرۆڤێن خۆ ل ڕۆژا قيامه‌تێ خوساره‌ت كرين، كو د دنيايێ دا ئه‌و د سه‌ر دا برين و ژ باوه‌رى ئينانێ پاشڤه‌برین. نێ ئه‌ڤ زيانا بوتپه‌رێسان ل ڕۆژا قيامه‌تێ داى ئه‌وه زيانا ئاشكه‌را.
لَهُم مِّن فَوۡقِهِمۡ ظُلَلٞ مِّنَ ٱلنَّارِ وَمِن تَحۡتِهِمۡ ظُلَلٞۚ ذَٰلِكَ يُخَوِّفُ ٱللَّهُ بِهِۦ عِبَادَهُۥۚ يَٰعِبَادِ فَٱتَّقُونِ ﴿١٦﴾
ڕۆژا قيامه‌تێ بۆ وان زيانكاران د جه‌هنه‌مێ دا هنده‌ك پارچه‌يێن عه‌زابێ ژ ئاگرى د سه‌ر وان دا هه‌نه وه‌كى عه‌ورێن ل سه‌رێك، و د بن وان ژى دا هنده‌ك پارچه هه‌نه. ب ڤێ عه‌زابا ژێگۆتى خودێ به‌نییێن خۆ دترسينت؛ دا ئه‌و هشيار ببن. ئه‌ى به‌نییێن من ڤێجا هوين ب گوهدارییا من ته‌قوایا من بكه‌ن.
وَٱلَّذِينَ ٱجۡتَنَبُواْ ٱلطَّـٰغُوتَ أَن يَعۡبُدُوهَا وَأَنَابُوٓاْ إِلَى ٱللَّهِ لَهُمُ ٱلۡبُشۡرَىٰۚ فَبَشِّرۡ عِبَادِ ﴿١٧﴾
وئه‌وێن خۆ ژ گوهدارییا شه‌يتانى وپه‌رستنا خوداوه‌ندان دايه پاش، وتۆبه كرى و ب ئيخلاص په‌رستنا خودێ كرى، د دنيايێ دا مزگينییا ب ته‌وفيقێ وناڤ وده‌نگێن باش بۆ وان هه‌يه، و ل ئاخره‌تێ ژى مزگينییا ب ڕازيبوونا خودێ وخۆشییا به‌رده‌واما د به‌حه‌شتێ دا بۆ وان هه‌يه. ڤێجا تو -ئه‌ى پێغه‌مبه‌ر- مزگينییێ بده به‌نیيێن من.
ٱلَّذِينَ يَسۡتَمِعُونَ ٱلۡقَوۡلَ فَيَتَّبِعُونَ أَحۡسَنَهُۥٓۚ أُوْلَـٰٓئِكَ ٱلَّذِينَ هَدَىٰهُمُ ٱللَّهُۖ وَأُوْلَـٰٓئِكَ هُمۡ أُوْلُواْ ٱلۡأَلۡبَٰبِ ﴿١٨﴾
ئه‌وێن گوهێ خۆ دده‌نه گۆتنێ ودويكه‌فتنا گۆتنا باشتر ودورستتر دكه‌ن. وباشترين ودورستترين گۆتن گۆتنا خودێیه پاشى گۆتنا پێغه‌مبه‌رێ وییه. ئه‌و ئه‌ون يێن خودێ به‌رێ وان دايه ڕێكا ڕاست، وبه‌رێ وان دايه ئه‌خلاق وكارێ باش، وئه‌ون خودان عه‌قلێن دورست وساخله‌م.