قورئانا پیرۆز › سورەتا الزمر › ئایەتا ٢٤
سورەتا الزمر · ئایەتا ٢٤ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَفَمَن شَرَحَ ٱللَّهُ صَدۡرَهُۥ لِلۡإِسۡلَٰمِ فَهُوَ عَلَىٰ نُورٖ مِّن رَّبِّهِۦۚ فَوَيۡلٞ لِّلۡقَٰسِيَةِ قُلُوبُهُم مِّن ذِكۡرِ ٱللَّهِۚ أُوْلَـٰٓئِكَ فِي ضَلَٰلٖ مُّبِينٍ ﴿٢٢﴾
ئه‌رێ وهه‌چییێ خودێ سنگێ وى فره‌هـ كربت، ڤێجا ئه‌و ب قه‌بويلكرنا ئيسلامێ وباوه‌رى ئينانێ دلخۆش ببت، و ل سه‌ر ڕێكه‌كا ڕوهن وهيدايه‌ته‌كا ژ خودايێ خۆ بت، ما دێ وه‌كى وى بت يێ نه وه‌سا بت؟ ئه‌و وه‌كى ئێك نابن. ڤێجا تێچوون بۆ وان بت يێن دلێن وان ڕه‌ق بووين، وپشت داينه زكرێ خودێ، ئه‌و يێن د به‌رزه‌بوونه‌كا ئاشكه‌را دا ژ حه‌قییێ.
ٱللَّهُ نَزَّلَ أَحۡسَنَ ٱلۡحَدِيثِ كِتَٰبٗا مُّتَشَٰبِهٗا مَّثَانِيَ تَقۡشَعِرُّ مِنۡهُ جُلُودُ ٱلَّذِينَ يَخۡشَوۡنَ رَبَّهُمۡ ثُمَّ تَلِينُ جُلُودُهُمۡ وَقُلُوبُهُمۡ إِلَىٰ ذِكۡرِ ٱللَّهِۚ ذَٰلِكَ هُدَى ٱللَّهِ يَهۡدِي بِهِۦ مَن يَشَآءُۚ وَمَن يُضۡلِلِ ٱللَّهُ فَمَا لَهُۥ مِنۡ هَادٍ ﴿٢٣﴾
خودێیه باشترين گۆتن ئينايه خوارێ، كو قورئانا مه‌زنه، د باشى وموكمى ونه‌بوونا ئختلافێ دا ئه‌و هه‌مى وه‌كى ئێكه، سه‌رهاتى وحوكم وده‌ليل ونيشان تێدا ب دويڤ ئێك ڤه دئێن ودوباره دبن، وئه‌وێن ژ خودايێ خۆ دترسن ژ به‌ر كارتێكرنا ب وێ گه‌فا تێدا موییێن وان قژ دبن، پاشى چه‌رمێ وان ودلێن وان ژ به‌ر وێ مزگينى وسۆزا تێدا هه‌ى نه‌رم دبنه‌ڤه، ئه‌ڤ كارتێكرنا ب قورئانێ هيدايه‌ته‌كه ژ خودێ بۆ به‌نییێن وى. وهه‌چییێ خودێ بڤێت ژ به‌نییێن خۆ ئه‌و ب قورئانێ به‌رێ وى دده‌ته ڕێكێ، وهه‌چییێ خودێ ژ به‌ر كوفر وڕكدارییا وى به‌رێ وى ژ باوه‌رى ئينانا ب ڤێ قورئانێ به‌رزه‌كه‌ت، وى چو رێنيشانده‌ر نابن به‌رێ وى بده‌نه هيدايه‌تێ.
أَفَمَن يَتَّقِي بِوَجۡهِهِۦ سُوٓءَ ٱلۡعَذَابِ يَوۡمَ ٱلۡقِيَٰمَةِۚ وَقِيلَ لِلظَّـٰلِمِينَ ذُوقُواْ مَا كُنتُمۡ تَكۡسِبُونَ ﴿٢٤﴾
ئه‌رێ وئه‌وێ گرێداى د ئاگرى دا بێته هاڤێتن -ڤێجا ژ به‌ر كوفرا خۆ ئه‌و نه‌شێت ب تشته‌كى ژبلی ڕوییێ خۆ خۆ ژ ئاگرى بپارێزت- ئه‌و چێتره يان ئه‌وێ د به‌حه‌شتێ دا خۆشییێ دبه‌ت؛ چونكى خودێ به‌رێ وى دابوو هيدايه‌تێ؟ ووێ ڕۆژێ بۆ زۆرداران هاته گۆتن: هوين تام بكه‌نه خرابییا وێ كه‌دا هه‌وه د دنيايێ دا ب ده‌ست خۆ ڤه دئينا.
كَذَّبَ ٱلَّذِينَ مِن قَبۡلِهِمۡ فَأَتَىٰهُمُ ٱلۡعَذَابُ مِنۡ حَيۡثُ لَا يَشۡعُرُونَ ﴿٢٥﴾
ئه‌وێن به‌رى ملله‌تێ ته -ئه‌ى پێغه‌مبه‌ر- دره‌و ب پێغه‌مبه‌ران كرى، عه‌زاب ژ جهه‌كێ وان چو هزر بۆ نه‌كرى ب سه‌ر وان دا هات.
فَأَذَاقَهُمُ ٱللَّهُ ٱلۡخِزۡيَ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ ﴿٢٦﴾
و د دنيايێ دا خودێ عه‌زاب وشه‌رمزارى ب وان دا تامكرن، و ل ئاخره‌تێ ژى عه‌زابه‌كا دژوارتر ونه‌خۆشتر بۆ وان ئاماده‌كر، ئه‌گه‌ر ڤان بوتپه‌رێسان زانيبا كو ئه‌ڤا ب سه‌رێ وان هاتى؛ ژ به‌ر كوفر ودره‌وپێكرنا وان بوو ئه‌و دا خۆ ژێ ده‌نه پاش.