قورئانا پیرۆز › سورەتا الزمر › ئایەتا ٢٩
سورەتا الزمر · ئایەتا ٢٩ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖ لَّعَلَّهُمۡ يَتَذَكَّرُونَ ﴿٢٧﴾
و ب ڕاستى بۆ ڤان بوتپه‌رێسان مه -بۆ ترساندن، د ڤێ قورئانێ دا- ژ هه‌مى ڕه‌نگێن مه‌ته‌لێن زه‌مانێن بۆرین ئيناينه؛ دا ئه‌و بيرا خۆ لێ بيننه‌ڤه وخۆ ژ وێ كوفرا ئه‌و ل سه‌ر بده‌نه پاش.
قُرۡءَانًا عَرَبِيًّا غَيۡرَ ذِي عِوَجٖ لَّعَلَّهُمۡ يَتَّقُونَ ﴿٢٨﴾
ومه ئه‌ڤ قورئانه كره قورئانه‌كا عه‌ره‌بى يا ئاشكه‌را وڕامان خۆش، چو خوارى وئالۆزى تێدا نينن؛ دا به‌لكى ئه‌و ته‌قوایا خودێ بكه‌ن وگوهدارییا فه‌رمانێن وى بكه‌ن.
ضَرَبَ ٱللَّهُ مَثَلٗا رَّجُلٗا فِيهِ شُرَكَآءُ مُتَشَٰكِسُونَ وَرَجُلٗا سَلَمٗا لِّرَجُلٍ هَلۡ يَسۡتَوِيَانِ مَثَلًاۚ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ ﴿٢٩﴾
خودێ مه‌ته‌له‌ك ب وى به‌نى ئينا يێ كو ملكێ هنده‌ك شريكێن لێككه‌فتى بت، ڤێجا ئه‌و د مه‌سه‌لا ڕازيكرنا وان دا حێبه‌تى بمينت، وبه‌نییه‌كێ دى يێ زه‌لامه‌كى ب تنێ بت، ڤێجا ئه‌و بزانت كانێ وى چ دڤێت وئه‌و وى ڕازى بكه‌ت، ئه‌رێ مه‌ته‌لا وان وه‌كى ئێكه؟ وه‌كى ئێك نينه، بوتپه‌رێس ژى يێ وه‌سايه ئه‌و د گومان وحێبه‌تییێ دا دژيت، وخودان باوه‌ر يێ ڕحه‌ت وته‌نايه. ڤێجا سوپاسى وحه‌مدا تمام بۆ خودێ ب تنێ بت، نێ بوتپه‌رێس حه‌قییێ نزانن حه‌تا ب دويڤ بكه‌ڤن.
إِنَّكَ مَيِّتٞ وَإِنَّهُم مَّيِّتُونَ ﴿٣٠﴾
هندى تويى -ئه‌ى پێغه‌مبه‌ر- تو دێ مرى، وهندى ئه‌ون ئه‌و ژى دێ مرن.
ثُمَّ إِنَّكُمۡ يَوۡمَ ٱلۡقِيَٰمَةِ عِندَ رَبِّكُمۡ تَخۡتَصِمُونَ ﴿٣١﴾
پاشى هوين هه‌مى -گه‌لی مرۆڤان- ل ڕۆژا قيامه‌تێ ل نك خودايێ خۆ دێ ب هه‌ڤڕكى چن، وئه‌و ب دادییێ دێ حوكمى د ناڤبه‌را هه‌وه دا كه‌ت.