قورئانا پیرۆز › سورەتا الزمر › ئایەتا ٤٠
سورەتا الزمر · ئایەتا ٤٠ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ ٱللَّهُۚ قُلۡ أَفَرَءَيۡتُم مَّا تَدۡعُونَ مِن دُونِ ٱللَّهِ إِنۡ أَرَادَنِيَ ٱللَّهُ بِضُرٍّ هَلۡ هُنَّ كَٰشِفَٰتُ ضُرِّهِۦٓ أَوۡ أَرَادَنِي بِرَحۡمَةٍ هَلۡ هُنَّ مُمۡسِكَٰتُ رَحۡمَتِهِۦۚ قُلۡ حَسۡبِيَ ٱللَّهُۖ عَلَيۡهِ يَتَوَكَّلُ ٱلۡمُتَوَكِّلُونَ ﴿٣٨﴾
وئه‌گه‌ر تو -ئه‌ى پێغه‌مبه‌ر- پسيارا ڤان بوتپه‌رێسان يێن شريكان بۆ خودێ چێ دكه‌ن بكه‌ى: كێ ئه‌ڤ عه‌سمان وعه‌رده ئافراندينه؟ مسوگه‌ر ئه‌و دێ بێژن: خودێ ئه‌و يێن ئافراندين، وئه‌و باوه‌رییێ ب ئافرانده‌رى دئينن. تو بێژه وان: ئه‌رێ ئه‌ڤ خوداوه‌ندێن هوين بۆ خودێ دكه‌نه شريك دێ شێن وێ نه‌خۆشییێ ژ من دويركه‌ن يا خودێ بۆ من حه‌زكرى، يان وێ ته‌نگاڤییێ ژ سه‌ر من ڕاكه‌ن يا ب سه‌ر من دا هاتى؟ يان ئه‌رێ ئه‌و دێ شێن مفايه‌كێ خودێ بۆ من حه‌زكرى وگه‌هاندییه من ژ من دويركه‌ن، يان ڕه‌حما خودێ ژ من گرن؟ ئه‌و دێ بێژن: نه. تو بێژه وان: خودێ تێرا من هه‌يه وئه‌و به‌سى منه، بۆ ب ده‌ستڤه‌ئينانا مفاى ودويركرنا زيانێ، هيڤيكار خۆ دهێلنه ب هيڤییا وى ڤه، ڤێجا ئه‌وێ ئه‌ڤ چه‌نده د ده‌ستێ وى ب تنێ دا ئه‌و تێرا من هه‌يه، وئه‌و دێ هه‌مى خه‌مان ژ من دويركه‌ت.
قُلۡ يَٰقَوۡمِ ٱعۡمَلُواْ عَلَىٰ مَكَانَتِكُمۡ إِنِّي عَٰمِلٞۖ فَسَوۡفَ تَعۡلَمُونَ ﴿٣٩﴾
تو -ئه‌ى پێغه‌مبه‌ر- بێژه ملله‌تێ خۆ يێ ڕكدار: هوين ل سه‌ر وى حالی بمينن يێ هه‌وه بۆ خۆ ڤياى كو په‌رستنا وان خوداوه‌ندانه يێن نه هێژاى په‌رستنێ، هندى ئه‌زم ئه‌ز دێ وى كارى كه‌م يێ فه‌رمان پێ ل من هاتییه‌كرن كو قه‌ستكرنا خودێ ب تنێیه، ڤێجا پاشى هوين دێ زانن.
مَن يَأۡتِيهِ عَذَابٞ يُخۡزِيهِ وَيَحِلُّ عَلَيۡهِ عَذَابٞ مُّقِيمٌ ﴿٤٠﴾
كانێ د دنيايێ دا عه‌زاب دێ ب سه‌ر كێ دا ئێت ووى ڕه‌زيل كه‌ت، وكانێ عه‌زابا به‌رده‌وام ل ئاخره‌تێ دێ ب سه‌ر كێ دا ئێت، و ژ سه‌ر نائێته لادان.
إِنَّآ أَنزَلۡنَا عَلَيۡكَ ٱلۡكِتَٰبَ لِلنَّاسِ بِٱلۡحَقِّۖ فَمَنِ ٱهۡتَدَىٰ فَلِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۖ وَمَآ أَنتَ عَلَيۡهِم بِوَكِيلٍ ﴿٤١﴾
هندى ئه‌مين مه قورئان ب حه‌قییێ بۆ ته -ئه‌ى پێغه‌مبه‌ر- ئينايه خوارێ ڕێنيشانده‌ر بۆ مرۆڤان، ڤێجا هه‌چییێ ب ڕۆناهییا وێ هاته سه‌ر ڕێ، مفايێ وێ چه‌ندێ هه‌ر دێ بۆ وى زڤڕت، وهه‌چییێ خۆ به‌رزه‌كر پشتى كو هيدايه‌ت بۆ ئاشكه‌را بووى، هه‌ما زيانا وێ بۆ وى دزڤڕت، وئه‌و چو زيانێ ل خودێ ناكه‌ت، وتو ل سه‌ر وان وه‌كيل نينى كريارێن وان بهژمێرى، وحسێبا وان سه‌را بكه‌ى، هه‌ما یا ل سه‌ر ته گه‌هاندنه.
ٱللَّهُ يَتَوَفَّى ٱلۡأَنفُسَ حِينَ مَوۡتِهَا وَٱلَّتِي لَمۡ تَمُتۡ فِي مَنَامِهَاۖ فَيُمۡسِكُ ٱلَّتِي قَضَىٰ عَلَيۡهَا ٱلۡمَوۡتَ وَيُرۡسِلُ ٱلۡأُخۡرَىٰٓ إِلَىٰٓ أَجَلٖ مُّسَمًّىۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ ﴿٤٢﴾
خودێیه نه‌فسان ل ده‌مێ مرنا وان دستينت، وئه‌ڤه مرنا مه‌زنه يا پشتى ب دويماهى هاتنا ژییێ مرۆڤى دئێت، وئه‌و وێ نه‌فسا نه‌مرى ژى ل ده‌مێ نڤستنێ دستينت، وئه‌ڤه مرنا بچويكه، ڤێجا ئه‌و ژ ڤان هه‌ردو نه‌فسان وێ دگرت يا مرن ل سه‌ر هاتییه نڤيسين، وئه‌و نه‌فسا وییه يێ دمرت، ونه‌فسا دى به‌ردده‌ت، ودزڤڕينته له‌شێ خودانێ وێ، حه‌تا ڕۆژا خۆ وڕزقێ خۆ تمام دكه‌ت، هندى د ستاندنا خودێ دايه بۆ نه‌فسا مرۆڤێ مرى ونڤستى، وبه‌ردانا وى بۆ نه‌فسا یێ نڤستى نيشانێن ئاشكه‌را ل سه‌ر شيانا خودێ هه‌نه بۆ وى يێ هزرا خۆ بكه‌ت.