قورئانا پیرۆز › سورەتا الزمر › ئایەتا ٥١
سورەتا الزمر · ئایەتا ٥١ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَإِذَا مَسَّ ٱلۡإِنسَٰنَ ضُرّٞ دَعَانَا ثُمَّ إِذَا خَوَّلۡنَٰهُ نِعۡمَةٗ مِّنَّا قَالَ إِنَّمَآ أُوتِيتُهُۥ عَلَىٰ عِلۡمِۭۚ بَلۡ هِيَ فِتۡنَةٞ وَلَٰكِنَّ أَكۡثَرَهُمۡ لَا يَعۡلَمُونَ ﴿٤٩﴾
وئه‌گه‌ر نه‌خۆشى وته‌نگاڤییه‌ك گه‌هشته مرۆڤى، ئه‌و دێ ژ خودايێ خۆ خوازت كو وێ ته‌نگاڤییێ ژ سه‌ر وى ڕاكه‌ت، ڤێجا ئه‌گه‌ر مه ئه‌و ژ سه‌ر وى ڕاكر وقه‌نجییه‌ك ژ نك خۆ دايێ، ئه‌و دێ زڤڕت كوفرێ ب خودايێ خۆ كه‌ت، وبێژت: هندى ئه‌وه يا بۆ من هاتییه‌دان هه‌ما ژ به‌ر هندێیه چونكى خودێ دزانت ئه‌ز يێ هه‌ژيمه، به‌لكى ئه‌و جه‌ڕباندنه‌كه خودێ به‌نییێن خۆ پێ دجه‌ڕبينت، به‌لێ پترییا وان -ژ به‌ر نه‌زانين وهزرا وان يا خه‌له‌ت- نزانن كو ئه‌و ل دویڤ به‌ردانه، وئمتحانه‌كه ژ خودێ ب وان.
قَدۡ قَالَهَا ٱلَّذِينَ مِن قَبۡلِهِمۡ فَمَآ أَغۡنَىٰ عَنۡهُم مَّا كَانُواْ يَكۡسِبُونَ ﴿٥٠﴾
ب ڕاستى به‌رى وان ئه‌و ملله‌تێن بۆرین يێن دره‌وپێكه‌ر ژى وه‌كى ڤێ گۆتنا وان گۆتبوو، ڤێجا ده‌مێ عه‌زاب ب سه‌ر وان دا هاتى ئه‌و كه‌دا وان دكر وئه‌و مال وعه‌يالێ وان هه‌ى چو مفا نه‌گه‌هانده وان.
فَأَصَابَهُمۡ سَيِّـَٔاتُ مَا كَسَبُواْۚ وَٱلَّذِينَ ظَلَمُواْ مِنۡ هَـٰٓؤُلَآءِ سَيُصِيبُهُمۡ سَيِّـَٔاتُ مَا كَسَبُواْ وَمَا هُم بِمُعۡجِزِينَ ﴿٥١﴾
وئه‌وێن ئه‌ڤ گۆتنه گۆتى ژ ملله‌تێن بۆرین خرابییا كارێ وان كرى ب سه‌رێ وان دا شكه‌ست، ڤێجا هێشتا د دنيايێ دا ئه‌و هاتنه شه‌رمزاركرن، وئه‌وێن زۆردارى ل خۆ كرى ژ ملله‌تێ ته -ئه‌ى پێغه‌مبه‌ر- وئه‌ڤ گۆتنه گۆتى، خرابییا كارێ وان ژى دێ ب سه‌رێ وان دا شكێت، وه‌كى يێن به‌رى وان، وئه‌و خودێ بێزار ناكه‌ن، و ژ ده‌ستێ وى خلاس نابن.
أَوَلَمۡ يَعۡلَمُوٓاْ أَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ ﴿٥٢﴾
ئه‌رێ وما ئه‌ڤه نزانن كو دانا خودێ بۆ ئێكى نه نيشانا هندێیه كو ئه‌و كه‌سه‌كێ باشه، وهندى خودێیه ژ به‌ر حكمه‌ته‌كا خۆ ڕزقى بۆ وى به‌رفه‌ره دكه‌ت يێ وى بڤێت، يێ باش بت يان يێ خراب بت، وڕزقێ وى به‌رته‌نگ دكه‌ت يێ وى بڤێت؟ هندى د وێ چه‌ندێ دايه نيشانێن ئاشكه‌را بۆ وى ملله‌تى هه‌نه يێ باوه‌رییێ ب حوكمێ خودێ دئينت وكارى پێ دكه‌ت.
۞قُلۡ يَٰعِبَادِيَ ٱلَّذِينَ أَسۡرَفُواْ عَلَىٰٓ أَنفُسِهِمۡ لَا تَقۡنَطُواْ مِن رَّحۡمَةِ ٱللَّهِۚ إِنَّ ٱللَّهَ يَغۡفِرُ ٱلذُّنُوبَ جَمِيعًاۚ إِنَّهُۥ هُوَ ٱلۡغَفُورُ ٱلرَّحِيمُ ﴿٥٣﴾
تو -ئه‌ى پێغه‌مبه‌ر- بێژه وان به‌نییێن من يێن گه‌له‌ك ب ناڤ گونه‌هێ ڤه چووين، و ب كرنا خرابییان ته‌عدايى ل خۆ كرى: ژ به‌ر گونه‌هێن خۆ يێن مشه هوين ژ دلۆڤانییا خودێ بێ هيڤى نه‌بن، هندى خودێیه گونه‌هان هه‌مییان ژێ دبه‌ت بۆ وى يێ ژێ تۆبه بكه‌ت و ل خۆ بزڤڕت، هندى ئه‌وه ئه‌و باش گونه‌هـ ژێبرێ گونه‌هێن به‌نییێن خۆ يێن تۆبه‌كه‌ره، ويێ دلۆڤانكاره ب وان.