قورئانا پیرۆز › سورەتا الزمر › ئایەتا ٥٥
سورەتا الزمر · ئایەتا ٥٥ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞قُلۡ يَٰعِبَادِيَ ٱلَّذِينَ أَسۡرَفُواْ عَلَىٰٓ أَنفُسِهِمۡ لَا تَقۡنَطُواْ مِن رَّحۡمَةِ ٱللَّهِۚ إِنَّ ٱللَّهَ يَغۡفِرُ ٱلذُّنُوبَ جَمِيعًاۚ إِنَّهُۥ هُوَ ٱلۡغَفُورُ ٱلرَّحِيمُ ﴿٥٣﴾
تو -ئه‌ى پێغه‌مبه‌ر- بێژه وان به‌نییێن من يێن گه‌له‌ك ب ناڤ گونه‌هێ ڤه چووين، و ب كرنا خرابییان ته‌عدايى ل خۆ كرى: ژ به‌ر گونه‌هێن خۆ يێن مشه هوين ژ دلۆڤانییا خودێ بێ هيڤى نه‌بن، هندى خودێیه گونه‌هان هه‌مییان ژێ دبه‌ت بۆ وى يێ ژێ تۆبه بكه‌ت و ل خۆ بزڤڕت، هندى ئه‌وه ئه‌و باش گونه‌هـ ژێبرێ گونه‌هێن به‌نییێن خۆ يێن تۆبه‌كه‌ره، ويێ دلۆڤانكاره ب وان.
وَأَنِيبُوٓاْ إِلَىٰ رَبِّكُمۡ وَأَسۡلِمُواْ لَهُۥ مِن قَبۡلِ أَن يَأۡتِيَكُمُ ٱلۡعَذَابُ ثُمَّ لَا تُنصَرُونَ ﴿٥٤﴾
وهوين -گه‌لی مرۆڤان- ب گوهدارى وتۆبه‌كرنێ ل خودايێ خۆ بزڤڕن، وخۆ ب ده‌ست وى ڤه به‌رده‌ن به‌رى عه‌زابا وى ب سه‌ر هه‌وه دا بێت، پاشى ژبلی خودێ كه‌س نابت هه‌وه ب سه‌ربێخت.
وَٱتَّبِعُوٓاْ أَحۡسَنَ مَآ أُنزِلَ إِلَيۡكُم مِّن رَّبِّكُم مِّن قَبۡلِ أَن يَأۡتِيَكُمُ ٱلۡعَذَابُ بَغۡتَةٗ وَأَنتُمۡ لَا تَشۡعُرُونَ ﴿٥٥﴾
و ژ وێ يا بۆ هه‌وه ژ نك خودايێ هه‌وه هاتییه خوارێ هوين دويكه‌فتنا تشتێ باشتر بكه‌ن، كو قورئانا مه‌زنه وئه‌و هه‌مى يا باشه، ڤێجا هوين پێگيرییێ ب فه‌رمانێن وى بكه‌ن، به‌رى عه‌زاب ژ نشكه‌كێ ڤه ب سه‌ر هه‌وه دا بێت، وهوين بێ ناحه‌سیێن.
أَن تَقُولَ نَفۡسٞ يَٰحَسۡرَتَىٰ عَلَىٰ مَا فَرَّطتُ فِي جَنۢبِ ٱللَّهِ وَإِن كُنتُ لَمِنَ ٱلسَّـٰخِرِينَ ﴿٥٦﴾
وهوين گوهدارییا خودايێ خۆ بكه‌ن و ل وى بزڤڕن دا نه‌فسه‌ك په‌شێمان نه‌بت وبێژت: وه‌ى بۆ كۆڤانا من ل سه‌ر وى كارێ من د دنيايێ دا ژ ده‌ست خۆ كرى يێ خودێ فه‌رمان پێ كرى، ومن ته‌خسيرى د گوهدارییا وى دا كر، وئه‌ز د دنيايێ دا ژ وان بووم يێن تڕانه بۆ خۆ ب كيتابا خودێ وپێغه‌مبه‌رێ وى وخودان باوه‌ران دكر.
أَوۡ تَقُولَ لَوۡ أَنَّ ٱللَّهَ هَدَىٰنِي لَكُنتُ مِنَ ٱلۡمُتَّقِينَ ﴿٥٧﴾
يان ژى بێژت: ئه‌گه‌ر خودێ به‌رێ من دابا دينێ خۆ، ئه‌ز دا ژ وان بم يێن خۆ ژ شركێ وگونه‌هان دده‌نه پاش.