قورئانا پیرۆز › سورەتا الزمر › ئایەتا ٦١
سورەتا الزمر · ئایەتا ٦١ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
بَلَىٰ قَدۡ جَآءَتۡكَ ءَايَٰتِي فَكَذَّبۡتَ بِهَا وَٱسۡتَكۡبَرۡتَ وَكُنتَ مِنَ ٱلۡكَٰفِرِينَ ﴿٥٩﴾
وه نينه وه‌كى تو دبێژى، ب ڕاستى ئايه‌تێن من يێن حه‌قییێ ئاشكه‌را دكه‌ن بۆ ته هاتبوون، ڤێجا ته دره‌و پێ كر، وته خۆ ژێ مه‌زنتر ديت وته دويكه‌فتنا وان نه‌كر، وتو ژ وان بووى يێن كوفر ب خودێ وپێغه‌مبه‌رێ وى كرى.
وَيَوۡمَ ٱلۡقِيَٰمَةِ تَرَى ٱلَّذِينَ كَذَبُواْ عَلَى ٱللَّهِ وُجُوهُهُم مُّسۡوَدَّةٌۚ أَلَيۡسَ فِي جَهَنَّمَ مَثۡوٗى لِّلۡمُتَكَبِّرِينَ ﴿٦٠﴾
وڕۆژا قيامه‌تێ تو دێ بينى ڕوییێن ڤان دره‌وپێكه‌رێن كو ژ دره‌و هنده‌ك سالۆخه‌تێن نه‌هێژاى خودايێ خۆ ب دويڤ وى ڤه‌ناين ڕه‌ش دبن. ئه‌رێ ما د جه‌هنه‌مێ دا جهه‌ك بۆ وى نينه يێ خۆ ژ خودێ مه‌زنتر دبينت، وباوه‌رییێ ب ته‌وحيدا وى نه‌ئينت وگوهدارییا وى نه‌كه‌ت؟ به‌لێ.
وَيُنَجِّي ٱللَّهُ ٱلَّذِينَ ٱتَّقَوۡاْ بِمَفَازَتِهِمۡ لَا يَمَسُّهُمُ ٱلسُّوٓءُ وَلَا هُمۡ يَحۡزَنُونَ ﴿٦١﴾
وخودێ وان ژ جه‌هنه‌مێ وعه‌زابا وێ ڕزگار دكه‌ت يێن ته‌قوایا خودايێ خۆ كرى وكار ب فه‌رمانێن وى كرى، وئه‌و وان ب سه‌ر دئێخت وهيڤییا وان ب جهـ دئينت، كو چوونا به‌حه‌شتێیه، تشته‌ك ژ عه‌زابا جه‌هنه‌مێ ناگه‌هته وان، وئه‌و ل سه‌ر وێ بارێ ب خه‌م ناكه‌ڤن يا نه‌گه‌هشتییه وان ژ دنيايێ.
ٱللَّهُ خَٰلِقُ كُلِّ شَيۡءٖۖ وَهُوَ عَلَىٰ كُلِّ شَيۡءٖ وَكِيلٞ ﴿٦٢﴾
خودێیه ئافرانده‌رێ هه‌مى تشتان، وئه‌وه خودانێ وان يێ وان ب ڕێڤه‌دبه‌ت، وئه‌و هه‌مى ل بن ده‌ستێ وينه، وئه‌و بۆ هه‌ر تشته‌كى پارێزه، كارێ چێكرییێن خۆ ب ڕێڤه دبه‌ت.
لَّهُۥ مَقَالِيدُ ٱلسَّمَٰوَٰتِ وَٱلۡأَرۡضِۗ وَٱلَّذِينَ كَفَرُواْ بِـَٔايَٰتِ ٱللَّهِ أُوْلَـٰٓئِكَ هُمُ ٱلۡخَٰسِرُونَ ﴿٦٣﴾
كليلێن گه‌نجينه‌يێن عه‌سمانان وعه‌ردى يێن خودێنه، چاوا وى دڤێت ئه‌و وه‌سا ژێ دده‌ته خه‌لكى. وئه‌وێن كوفر ب ئايه‌تێن قورئانێ ووان نيشانێن ئاشكه‌را يێن تێدا هاتين كرى، ئه‌و ئه‌ون يێن د دنيايێ دا زيان كرى كو ژ باوه‌رییێ دويركه‌فتين، و ل ئاخره‌تێ كو هه‌ر وهه‌ر ماينه د ئاگرى دا.