قورئانا پیرۆز › سورەتا الزمر › ئایەتا ٦٦
سورەتا الزمر · ئایەتا ٦٦ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ أَفَغَيۡرَ ٱللَّهِ تَأۡمُرُوٓنِّيٓ أَعۡبُدُ أَيُّهَا ٱلۡجَٰهِلُونَ ﴿٦٤﴾
تو -ئه‌ى پێغه‌مبه‌ر- بێژه بوتپه‌رێسێن ملله‌تێ خۆ: گه‌لی نه‌زانان ئه‌رێ هوين فه‌رمانێ ل من دكه‌ن كو ئه‌ز ژبلی خودێ په‌رستنا تشته‌كێ دى بكه‌م، و ژ وى پێڤه‌تر په‌رستن بۆ كه‌سه‌كێ چێ نابت؟
وَلَقَدۡ أُوحِيَ إِلَيۡكَ وَإِلَى ٱلَّذِينَ مِن قَبۡلِكَ لَئِنۡ أَشۡرَكۡتَ لَيَحۡبَطَنَّ عَمَلُكَ وَلَتَكُونَنَّ مِنَ ٱلۡخَٰسِرِينَ ﴿٦٥﴾
و ب ڕاستى وه‌حى بۆ ته -ئه‌ى پێغه‌مبه‌ر- وبۆ پێغه‌مبه‌رێن به‌رى ته ژى هاتییه: كو ئه‌گه‌ر تو شريكه‌كى بۆ خودێ بدانى كارێ ته دێ پويچ بت، وتو دێ ژ وان بى يێن تێ دچن ودنيا وئاخره‌تا خۆ ب زيان دده‌ن؛ چونكى د گه‌ل شركێ چو كارێن چاك قه‌بويل نابن.
بَلِ ٱللَّهَ فَٱعۡبُدۡ وَكُن مِّنَ ٱلشَّـٰكِرِينَ ﴿٦٦﴾
به‌لێ تو -ئه‌ى پێغه‌مبه‌ر- ژ دل په‌رستنا خودێ ب تنێ بكه، وچو شريكان بۆ وى نه‌دانه، وتو ژ وان به يێن شوكرا قه‌نجییا خودێ دكه‌ن.
وَمَا قَدَرُواْ ٱللَّهَ حَقَّ قَدۡرِهِۦ وَٱلۡأَرۡضُ جَمِيعٗا قَبۡضَتُهُۥ يَوۡمَ ٱلۡقِيَٰمَةِ وَٱلسَّمَٰوَٰتُ مَطۡوِيَّـٰتُۢ بِيَمِينِهِۦۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ ﴿٦٧﴾
وڤان بوتپه‌رێسان خودێ ب دورستى مه‌زن نه‌كرییه وه‌كى ئه‌و يێ ژ هه‌ژى؛ چونكى وان د گه‌ل وى په‌رستنا وى تشتى كر يێ نه مفاى ونه زيانێ نه‌گه‌هينت، ڤێجا وان ئه‌و ئافراندى ئينا ڕێزا ئافرانده‌رى، ئه‌وێ ژ شيانا خۆ يا مه‌زن ڕۆژا قيامه‌تێ عه‌درى هه‌مییێ ب مسته‌كێ دگرت، وعه‌سمان د ده‌ستێ وى يێ ڕاستێ دا دپێچاينه، خودێ يێ پاك وپيرۆز بت ژ وێ شركا ئه‌ڤ بوتپه‌رێسه پێ دكه‌ن. وئه‌ڤ ئايه‌ته ده‌ليله ل سه‌ر هه‌بوونا مستێ وده‌ستێ ڕاستێ وپێچانێ بۆ خودێ ب ڕه‌نگه‌كێ بابه‌تى وى بت، بێى چاوانییه‌ك يان وه‌كهه‌ڤییه‌ك بۆ بێته ده‌سنيشانكرن.
وَنُفِخَ فِي ٱلصُّورِ فَصَعِقَ مَن فِي ٱلسَّمَٰوَٰتِ وَمَن فِي ٱلۡأَرۡضِ إِلَّا مَن شَآءَ ٱللَّهُۖ ثُمَّ نُفِخَ فِيهِ أُخۡرَىٰ فَإِذَا هُمۡ قِيَامٞ يَنظُرُونَ ﴿٦٨﴾
و د (بۆڕى)يێ دا هاته‌لێدان، ڤێجا هه‌ر كه‌سه‌كێ ل عه‌سمانان وعه‌ردى مر، ئه‌و تێ نه‌بت يێ خودێ حه‌ز نه‌كربت بمرت، پاشى دوباره ملياكه‌تى بڤكرێ؛ دا چێكرى هه‌مى بۆ حسێبێ جاره‌كا دى به‌رانبه‌ر خودايێ خۆ ڕاببنه‌ڤه، ڤێجا هنگى ئه‌و ژ گۆڕێن خۆ ڕادبن وبه‌رێ خۆ دده‌نێ كانێ خودێ دێ چ ئينته سه‌رى.