قورئانا پیرۆز › سورەتا الزمر › ئایەتا ٧١
سورەتا الزمر · ئایەتا ٧١ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأَشۡرَقَتِ ٱلۡأَرۡضُ بِنُورِ رَبِّهَا وَوُضِعَ ٱلۡكِتَٰبُ وَجِاْيٓءَ بِٱلنَّبِيِّـۧنَ وَٱلشُّهَدَآءِ وَقُضِيَ بَيۡنَهُم بِٱلۡحَقِّ وَهُمۡ لَا يُظۡلَمُونَ ﴿٦٩﴾
وڕۆژا قيامه‌تێ ده‌مێ خودايێ پاك وبلند دئێته هنداڤى چێكرییان؛ دا حوكمى بكه‌ت عه‌رد ڕوهن دبت، وملياكه‌ت كيتابا هه‌ر ئێكى ڤه‌دكه‌ت، وپێغه‌مبه‌ر وشاهد ل سه‌ر ملله‌تان هاتنه ئينان؛ دا خودێ پسيارا گه‌هاندنێ ژ پێغه‌مبه‌ران بكه‌ت وكانێ ملله‌تێن وان چ به‌رسڤ دابوو وان، هه‌ر وه‌سا ئوممه‌تا موحه‌ممه‌دى -سلاڤ لێ بن- دئێت؛ دا شاهده‌يیێ بده‌ت كو پێغه‌مبه‌رێن به‌رێ په‌يام گه‌هاندبوونه ملله‌تێن خۆ، ئه‌گه‌ر هات وان ملله‌تان حاشاتى كر، ڤێجا وان چو هێجه‌ت نامينن، وخودێ ب دادییا تمام حوكم د ناڤبه‌را وان دا كر، وچو زۆردارى ل وان نائێته‌كرن كو خێرێن وان بێنه كێمكرن يان گونه‌هێن وان بێنه زێده‌كرن.
وَوُفِّيَتۡ كُلُّ نَفۡسٖ مَّا عَمِلَتۡ وَهُوَ أَعۡلَمُ بِمَا يَفۡعَلُونَ ﴿٧٠﴾
وخودێ جزايێ هه‌ر نه‌فسه‌كێ ب دورستى دايێ چ باشى بت چ خرابى، وئه‌و ب وى كارێ وان د دنيايێ دا دكر ژ باشى وخرابییان زاناتره.
وَسِيقَ ٱلَّذِينَ كَفَرُوٓاْ إِلَىٰ جَهَنَّمَ زُمَرًاۖ حَتَّىٰٓ إِذَا جَآءُوهَا فُتِحَتۡ أَبۡوَٰبُهَا وَقَالَ لَهُمۡ خَزَنَتُهَآ أَلَمۡ يَأۡتِكُمۡ رُسُلٞ مِّنكُمۡ يَتۡلُونَ عَلَيۡكُمۡ ءَايَٰتِ رَبِّكُمۡ وَيُنذِرُونَكُمۡ لِقَآءَ يَوۡمِكُمۡ هَٰذَاۚ قَالُواْ بَلَىٰ وَلَٰكِنۡ حَقَّتۡ كَلِمَةُ ٱلۡعَذَابِ عَلَى ٱلۡكَٰفِرِينَ ﴿٧١﴾
وئه‌وێن كوفر ب خودێ وپێغه‌مبه‌رێ وى كرى كۆم كۆمه بۆ جه‌هنه‌مێ هاتنه هاژۆتن، حه‌تا ئه‌گه‌ر ئه‌و هاتنه نك ملياكه‌تێن په‌يوه‌نديدار ئه‌و هه‌ر حه‌فت ده‌رگه‌هێن وێ ڤه‌دكه‌ن، و ب پاشڤه‌برن ڤه دبێژنه وان: چاوا هوين گوهدارییا خودێ ناكه‌ن وباوه‌رییێ ب خوداينییا وى نائينن؟ ئه‌رێ ما هنده‌ك پێغه‌مبه‌ر ژ هه‌وه ب خۆ بۆ هه‌وه نه‌هاتبوونه هنارتن ئايه‌تێن خودايێ هه‌وه بۆ هه‌وه بخوينن، وهه‌وه ژ سه‌هما ڤێ ڕۆژێ بترسينن؟ ڤێجا وان ئعتراف ب گونه‌ها خۆ كر وگۆت: به‌لێ پێغه‌مبه‌رێن خودايێ مه ب حه‌قییێ هاتبوون، وئه‌م ژ ڤێ ڕۆژێ ترساندبووين، به‌لێ په‌يڤا خودێ ب جهـ هات كو عه‌زابا وى دێ ب سه‌ر كافران دا ئێت.
قِيلَ ٱدۡخُلُوٓاْ أَبۡوَٰبَ جَهَنَّمَ خَٰلِدِينَ فِيهَاۖ فَبِئۡسَ مَثۡوَى ٱلۡمُتَكَبِّرِينَ ﴿٧٢﴾
بۆ شكاندن وڕه‌زيلكرن بۆ كافران هاته گۆتن: هوين د ده‌رگه‌هێن جه‌هنه‌مێ ڕا ب ژۆركه‌ڤن وهه‌ر وهه‌ر لێ بمينن، ڤێجا پيسه دويماهییه ئه‌و دگه‌هنێ يێن خۆ ژ باوه‌رییا ب خودێ مه‌زنتر دبينن.
وَسِيقَ ٱلَّذِينَ ٱتَّقَوۡاْ رَبَّهُمۡ إِلَى ٱلۡجَنَّةِ زُمَرًاۖ حَتَّىٰٓ إِذَا جَآءُوهَا وَفُتِحَتۡ أَبۡوَٰبُهَا وَقَالَ لَهُمۡ خَزَنَتُهَا سَلَٰمٌ عَلَيۡكُمۡ طِبۡتُمۡ فَٱدۡخُلُوهَا خَٰلِدِينَ ﴿٧٣﴾
وئه‌وێن ته‌قوایا خودايێ خۆ كرى وگوهدارییا وى كرى كۆم كۆمه بۆ به‌حشتێ هاتنه هاژۆتن، حه‌تا ده‌مێ ئه‌و دگه‌هنێ دێ بينن ده‌رگه‌هێن وێ دڤه‌كرينه، ڤێجا ملياكه‌ت ب خێرهاتنا وان دكه‌ن، و ب كه‌يف وگڕنژين ڤه پێشوازيێ ل وان دكه‌ن؛ چونكى ئه‌و ژ گونه‌هان دپاقژن، ودبێژنێ: سلامه‌تییا ژ هه‌مى نه‌خۆشییان بۆ هه‌وه بت، هوين دخۆش بن، ڤێجا هوين وه‌رنه د به‌حه‌شتێ دا وهه‌ر وهه‌ر تێدا بن.