قورئانا پیرۆز › سورەتا الزمر › ئایەتا ٧٥
سورەتا الزمر · ئایەتا ٧٥ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَسِيقَ ٱلَّذِينَ ٱتَّقَوۡاْ رَبَّهُمۡ إِلَى ٱلۡجَنَّةِ زُمَرًاۖ حَتَّىٰٓ إِذَا جَآءُوهَا وَفُتِحَتۡ أَبۡوَٰبُهَا وَقَالَ لَهُمۡ خَزَنَتُهَا سَلَٰمٌ عَلَيۡكُمۡ طِبۡتُمۡ فَٱدۡخُلُوهَا خَٰلِدِينَ ﴿٧٣﴾
وئه‌وێن ته‌قوایا خودايێ خۆ كرى وگوهدارییا وى كرى كۆم كۆمه بۆ به‌حشتێ هاتنه هاژۆتن، حه‌تا ده‌مێ ئه‌و دگه‌هنێ دێ بينن ده‌رگه‌هێن وێ دڤه‌كرينه، ڤێجا ملياكه‌ت ب خێرهاتنا وان دكه‌ن، و ب كه‌يف وگڕنژين ڤه پێشوازيێ ل وان دكه‌ن؛ چونكى ئه‌و ژ گونه‌هان دپاقژن، ودبێژنێ: سلامه‌تییا ژ هه‌مى نه‌خۆشییان بۆ هه‌وه بت، هوين دخۆش بن، ڤێجا هوين وه‌رنه د به‌حه‌شتێ دا وهه‌ر وهه‌ر تێدا بن.
وَقَالُواْ ٱلۡحَمۡدُ لِلَّهِ ٱلَّذِي صَدَقَنَا وَعۡدَهُۥ وَأَوۡرَثَنَا ٱلۡأَرۡضَ نَتَبَوَّأُ مِنَ ٱلۡجَنَّةِ حَيۡثُ نَشَآءُۖ فَنِعۡمَ أَجۡرُ ٱلۡعَٰمِلِينَ ﴿٧٤﴾
وخودان باوه‌ران گۆت: حه‌مد بۆ وى خودايى بت يێ سۆزا خۆ د گه‌ل مه ب جهـ ئيناى ئه‌و سۆزا وى ل سه‌ر ئه‌زمانێ پێغه‌مبه‌رێن خۆ دايه مه، وئه‌م ل عه‌ردێ به‌حه‌شتێ كرينه ميراتگر چى جهێ مه بڤێت ئه‌م لێ ددانين، ڤێجا چ باشه خێره بۆ وان دئێته‌دان يێن د گوهدارییا خودايێ خۆ دا قه‌نجى كرى.
وَتَرَى ٱلۡمَلَـٰٓئِكَةَ حَآفِّينَ مِنۡ حَوۡلِ ٱلۡعَرۡشِ يُسَبِّحُونَ بِحَمۡدِ رَبِّهِمۡۚ وَقُضِيَ بَيۡنَهُم بِٱلۡحَقِّۚ وَقِيلَ ٱلۡحَمۡدُ لِلَّهِ رَبِّ ٱلۡعَٰلَمِينَ ﴿٧٥﴾
وتو -ئه‌ى پێغه‌مبه‌ر- دێ فريشته‌يان بينى دۆرا ل عه‌رشێ خودێ گرتى، ئه‌و خودايێ خۆ ژ هه‌ر تشته‌كێ بابه‌تى وى نه‌بت پاك دكه‌ن، وخودێ ب ڕاستى ودادییێ حوكم د ناڤبه‌را خه‌لكى دا كر، ڤێجا خودان باوه‌ر ل به‌حه‌شتێ ئاكنجى كرن، وكافر دانانه ئاگرى، وهاته گۆتن: حه‌مد بۆ خودێ بت، خودايێ هه‌مى چێكرییان سه‌را وى حوكمێ وى كرى.