قورئانا پیرۆز › سورەتا الزمر › ئایەتا ٨
سورەتا الزمر · ئایەتا ٨ ب تەفسیرا کوردی
Az-Zumar
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
خَلَقَكُم مِّن نَّفۡسٖ وَٰحِدَةٖ ثُمَّ جَعَلَ مِنۡهَا زَوۡجَهَا وَأَنزَلَ لَكُم مِّنَ ٱلۡأَنۡعَٰمِ ثَمَٰنِيَةَ أَزۡوَٰجٖۚ يَخۡلُقُكُمۡ فِي بُطُونِ أُمَّهَٰتِكُمۡ خَلۡقٗا مِّنۢ بَعۡدِ خَلۡقٖ فِي ظُلُمَٰتٖ ثَلَٰثٖۚ ذَٰلِكُمُ ٱللَّهُ رَبُّكُمۡ لَهُ ٱلۡمُلۡكُۖ لَآ إِلَٰهَ إِلَّا هُوَۖ فَأَنَّىٰ تُصۡرَفُونَ ﴿٦﴾
خودايێ هه‌وه هوين -گه‌لی مرۆڤان- ژ ئاده‌مى ئافراندن، وجۆتێ وى ژ وى دورستكر، ووى هه‌شت جۆتێن نێر ومێ ژ حه‌يوانان ژ حێشتر وچێل وميه وپه‌زان بۆ هه‌وه ئافراندن، قويناغ ل دويڤ قويناغێ ئه‌و هه‌وه د زكێن داێكێن هه‌وه دا دئافرينت، د تارییا زكى ومالبچويكى وپسدانكى دا، ئه‌و خودايێ ئه‌ڤ تشته ئافراندين، خودايێ هه‌وه‌يه يێ كو ملك وخوداينى يا وى ب تنێیه وئه‌و ب تنێیه يێ هێژاى په‌رستنێ، ڤێجا چاوا هوين به‌رێ خۆ ژ په‌رستنا وى بۆ په‌رستنا هنده‌ك ژ چێكرییێن وى وه‌ردگێڕن؟
إِن تَكۡفُرُواْ فَإِنَّ ٱللَّهَ غَنِيٌّ عَنكُمۡۖ وَلَا يَرۡضَىٰ لِعِبَادِهِ ٱلۡكُفۡرَۖ وَإِن تَشۡكُرُواْ يَرۡضَهُ لَكُمۡۗ وَلَا تَزِرُ وَازِرَةٞ وِزۡرَ أُخۡرَىٰۚ ثُمَّ إِلَىٰ رَبِّكُم مَّرۡجِعُكُمۡ فَيُنَبِّئُكُم بِمَا كُنتُمۡ تَعۡمَلُونَۚ إِنَّهُۥ عَلِيمُۢ بِذَاتِ ٱلصُّدُورِ ﴿٧﴾
ئه‌گه‌ر هوين -گه‌لی مرۆڤان- كافرییێ ب خودايێ خۆ بكه‌ن وباوه‌رییێ پێ نه‌ئينن، ودويكه‌فتنا پێغه‌مبه‌رێن وى نه‌كه‌ن، هندى ئه‌وه ئه‌و يێ بێ منه‌ته ژ هه‌وه، وى چو پێتڤى ب هه‌وه نينه، وهوين دهه‌وجه‌ى وينه، وئه‌و بۆ به‌نییێن خۆ ب كوفرێ ڕازى نابت، وفه‌رمانێ ژى ب كوفرێ ناكه‌ت، به‌لكى ئه‌و ب هندێ ڕازى دبت كو هوين سوپاسییا قه‌نجییێن وى ل سه‌ر خۆ بكه‌ن. ونه‌فسه‌ك بارێ گونه‌ها نه‌فسه‌كا دى هل ناگرت، پاشى زڤڕينا هه‌وه بۆ نك خودايێ هه‌وه‌يه، ڤێجا ئه‌و دێ به‌حسێ كريارێن هه‌وه بۆ هه‌وه كه‌ت، ودێ حسێبێ سه‌را وان د گه‌ل هه‌وه كه‌ت. هندى ئه‌وه ئه‌و ب نهێنییێن نه‌فسێ يێ پڕزانايه ودزانت كانێ چ د سنگان دا يێ ڤه‌شارتییه.
۞وَإِذَا مَسَّ ٱلۡإِنسَٰنَ ضُرّٞ دَعَا رَبَّهُۥ مُنِيبًا إِلَيۡهِ ثُمَّ إِذَا خَوَّلَهُۥ نِعۡمَةٗ مِّنۡهُ نَسِيَ مَا كَانَ يَدۡعُوٓاْ إِلَيۡهِ مِن قَبۡلُ وَجَعَلَ لِلَّهِ أَندَادٗا لِّيُضِلَّ عَن سَبِيلِهِۦۚ قُلۡ تَمَتَّعۡ بِكُفۡرِكَ قَلِيلًا إِنَّكَ مِنۡ أَصۡحَٰبِ ٱلنَّارِ ﴿٨﴾
وئه‌گه‌ر ته‌نگاڤى ونه‌خۆشییه‌ك گه‌هشته مرۆڤى ئه‌و دێ خودايێ خۆ ل بيرا خۆ ئينته‌ڤه، ودێ هاوار ودوعايان ژێ كه‌ت، پاشى ئه‌گه‌ر خودێ د به‌رسڤا وى هات وئه‌و ته‌نگاڤى ژ سه‌ر ڕاكر، وقه‌نجى د گه‌ل كر، ئه‌و دێ دوعايا خۆ ژ بيركه‌ت، ودێ شريكان بۆ خودايێ خۆ دانت؛ دا به‌رێ خه‌لكێ دى ژى ژ باوه‌رییا ب خودێ وگوهدارییا وى وه‌رگێڕت، تو -ئه‌ى پێغه‌مبه‌ر- ب گه‌فكرن ڤه بێژه وى: كێمه‌كێ تو خۆشییێ ب كوفرا خۆ ببه حه‌تا ڕۆژا ته دئێت وتو دمرى، هندى تويى تو ژ خه‌لكێ ئاگرییى يێن هه‌ر تێدا دمينن.
أَمَّنۡ هُوَ قَٰنِتٌ ءَانَآءَ ٱلَّيۡلِ سَاجِدٗا وَقَآئِمٗا يَحۡذَرُ ٱلۡأٓخِرَةَ وَيَرۡجُواْ رَحۡمَةَ رَبِّهِۦۗ قُلۡ هَلۡ يَسۡتَوِي ٱلَّذِينَ يَعۡلَمُونَ وَٱلَّذِينَ لَا يَعۡلَمُونَۗ إِنَّمَا يَتَذَكَّرُ أُوْلُواْ ٱلۡأَلۡبَٰبِ ﴿٩﴾
ئه‌رێ ئه‌ڤ كافرێ خۆشییێ ب كوفرا خۆ دبه‌ت چێتره يان ئه‌وێ په‌رستنا خودايێ خۆ دكه‌ت وگوهدارییا وى دكه‌ت، ده‌مێ شه‌ڤێ ب كرنا نڤێژان ڤه دبۆرينت بۆ خودێ ڕابت ودڕوينت، ژ عه‌زابا ئاخره‌تێ دترست، وهيڤییا دلۆڤانییا خودايێ خۆ دكه‌ت؟ تو -ئه‌ى پێغه‌مبه‌ر- بێژه: ئه‌رێ ما ئه‌وێن خودايێ خۆ دنیاسن ودينێ وى يێ ڕاست دزانن وه‌كى وانه يێن تشته‌كى ژ وێ چه‌ندێ نه‌زانن؟ نه، ئه‌و وه‌كى ئێك نابن. هه‌ما ئه‌و ل بيرا خۆ دئينن وفه‌رقێ دزانن يێن خودان عه‌قلێن ساخله‌م بن.
قُلۡ يَٰعِبَادِ ٱلَّذِينَ ءَامَنُواْ ٱتَّقُواْ رَبَّكُمۡۚ لِلَّذِينَ أَحۡسَنُواْ فِي هَٰذِهِ ٱلدُّنۡيَا حَسَنَةٞۗ وَأَرۡضُ ٱللَّهِ وَٰسِعَةٌۗ إِنَّمَا يُوَفَّى ٱلصَّـٰبِرُونَ أَجۡرَهُم بِغَيۡرِ حِسَابٖ ﴿١٠﴾
تو -ئه‌ى پێغه‌مبه‌ر- بێژه به‌نییێن من يێن باوه‌رى ب خودێ وپێغه‌مبه‌رێ وى هه‌ى: هوين ته‌قوایا خودايێ خۆ بكه‌ن وگوهدارییا وى بكه‌ن. بۆ ئه‌وێن د ڤێ دنيايێ دا ب باشى په‌رستنا خودايێ خۆ كرى باشییه‌ك ل ئاخره‌تێ -كو به‌حه‌شته- وباشییه‌ك ل دنيايێ ژى -كو سه‌ركه‌فتنه- هه‌يه. وعه‌درێ خودێ يێ به‌رفره‌هه، ڤێجا هوين تێدا مشه‌خت ببنه وى جهى يێ هوين بشێن په‌رستنا خودايێ خۆ لێ بكه‌ن، ودينێ وى ب كار بينن. ل ئاخره‌تێ خێره‌كا بێ حسێب بۆ وان يێن صه‌برێ دكێشن دێ ئێته‌دان.