قورئانا پیرۆز › سورەتا فاطر › ئایەتا ٣٠
سورەتا فاطر · ئایەتا ٣٠ ب تەفسیرا کوردی
Fatir
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمِنَ ٱلنَّاسِ وَٱلدَّوَآبِّ وَٱلۡأَنۡعَٰمِ مُخۡتَلِفٌ أَلۡوَٰنُهُۥ كَذَٰلِكَۗ إِنَّمَا يَخۡشَى ٱللَّهَ مِنۡ عِبَادِهِ ٱلۡعُلَمَـٰٓؤُاْۗ إِنَّ ٱللَّهَ عَزِيزٌ غَفُورٌ ﴿٢٨﴾
و ژ مرۆڤ وده‌وار وحێشتر وچێل وپه‌زى مه گه‌له‌ك ڕه‌نگێن ژێك جودا ئافراندن، ژ وان هه‌يه يێ سۆر ويێ سپى ويێ ڕه‌ش وه‌كى ژێك جودابوونا ڕه‌نگێن فێقى وبه‌رێ داروبارى. هه‌ما ئه‌و ب دورستى ژ خودێ دترسن وكارى ب فه‌رمانا وى دكه‌ن يێن زانا ب خودێ وسالۆخه‌ت وى وشريعه‌تێ وى وكو ئه‌و ل سه‌ر هه‌ر تشته‌كى يێ خودان شيانه. هندى خودێیه زالێ ب هێزه يێ كه‌س نه‌شێتێ، يێ باش گونه‌هـ ژێبره بۆ عيباده‌تكه‌ران، و ل وان دبۆرت.
إِنَّ ٱلَّذِينَ يَتۡلُونَ كِتَٰبَ ٱللَّهِ وَأَقَامُواْ ٱلصَّلَوٰةَ وَأَنفَقُواْ مِمَّا رَزَقۡنَٰهُمۡ سِرّٗا وَعَلَانِيَةٗ يَرۡجُونَ تِجَٰرَةٗ لَّن تَبُورَ ﴿٢٩﴾
هندى ئه‌ون يێن قورئانێ دخوينن وكارى پێ دكه‌ن، وبه‌رده‌وامییێ ل سه‌ر كرنا نڤێژێ ل ده‌مێ وێ دكه‌ن، و ژ وى ڕزقێ مه دايێ ئاشكه‌را وڤه‌شارتى خێرێن واجب وسوننه‌ت دده‌ن، ئه‌و ب وێ چه‌ندێ چاڤه‌ڕێیى بازرگانییه‌كا كه‌ساد نه‌بت دكه‌ن، كو ڕازيبوونا خودێیه، و ب ده‌ستڤه‌ئينانا خێرا وییه.
لِيُوَفِّيَهُمۡ أُجُورَهُمۡ وَيَزِيدَهُم مِّن فَضۡلِهِۦٓۚ إِنَّهُۥ غَفُورٞ شَكُورٞ ﴿٣٠﴾
دا خودێ خێرا كريارێن وان بێ كێماسى بده‌تێ، و ژ قه‌نجییا خۆ خێرێن وان زێده بكه‌ت، هندى خودێیه باش گونه‌هـ ژێبرێ گونه‌هێن وانه، شوكردارێ باشییێن وانه، خێرێ سه‌را وان دده‌تێ.
وَٱلَّذِيٓ أَوۡحَيۡنَآ إِلَيۡكَ مِنَ ٱلۡكِتَٰبِ هُوَ ٱلۡحَقُّ مُصَدِّقٗا لِّمَا بَيۡنَ يَدَيۡهِۗ إِنَّ ٱللَّهَ بِعِبَادِهِۦ لَخَبِيرُۢ بَصِيرٞ ﴿٣١﴾
وئه‌وا مه بۆ ته -ئه‌ى پێغه‌مبه‌ر- ب وه‌حى ئينايه خوارێ ژ قورئانێ ئه‌وه حه‌قى يا كو ڕاستگۆيییا وان كيتابان ئاشكه‌را دكه‌ت يێن خودێ بۆ پێغه‌مبه‌رێن به‌رى ته ئيناينه خوارێ. هندى خودێیه ب به‌نییێن خۆ يێ شاره‌زا وبينه‌ره، تشته‌ك ل به‌ر وى به‌رزه نابت.
ثُمَّ أَوۡرَثۡنَا ٱلۡكِتَٰبَ ٱلَّذِينَ ٱصۡطَفَيۡنَا مِنۡ عِبَادِنَاۖ فَمِنۡهُمۡ ظَالِمٞ لِّنَفۡسِهِۦ وَمِنۡهُم مُّقۡتَصِدٞ وَمِنۡهُمۡ سَابِقُۢ بِٱلۡخَيۡرَٰتِ بِإِذۡنِ ٱللَّهِۚ ذَٰلِكَ هُوَ ٱلۡفَضۡلُ ٱلۡكَبِيرُ ﴿٣٢﴾
پاشى -پشتى تێبرنا ملله‌تان- مه قورئان دا وان يێن مه هلبژارتين ژ ئوممه‌تا موحه‌ممه‌دى سلاڤ لێ بن: ڤێجا ژ وان هه‌يه يێ ب كرنا گونه‌هان زۆردارییێ ل خۆ دكه‌ت، و ژ وان هه‌يه یێ واجبێ خۆ ب جهـ دئينت وخۆ ژ حه‌رامى دده‌ته پاش، و ژ وان هه‌يه يێ ب ئانه‌هییا خودێ له‌زێ د خێران دا دكه‌ت، يێن فه‌ر وسوننه‌ت، ئه‌ڤ دانا كيتابێ وهلبژارتنا ڤێ ئوممه‌تێ ئه‌وه قه‌نجییا مه‌زن.