قورئانا پیرۆز › سورەتا فاطر › ئایەتا ٣٨
سورەتا فاطر · ئایەتا ٣٨ ب تەفسیرا کوردی
Fatir
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلَّذِينَ كَفَرُواْ لَهُمۡ نَارُ جَهَنَّمَ لَا يُقۡضَىٰ عَلَيۡهِمۡ فَيَمُوتُواْ وَلَا يُخَفَّفُ عَنۡهُم مِّنۡ عَذَابِهَاۚ كَذَٰلِكَ نَجۡزِي كُلَّ كَفُورٖ ﴿٣٦﴾
وئه‌وێن كوفر ب خودێ وپێغه‌مبه‌رێ وى كرى ئاگرێ جه‌هنه‌مێ يێ هلكرى بۆ وان هه‌يه، نه ئه‌و تێدا دئێنه مراندن، دا ڕحه‌ت ببن، ونه عه‌زابا وێ ل وان دئێته سڤككرن، وڤى ڕه‌نگێ جزاى خودێ دده‌ته هه‌ر ئێكێ زێده ب ناڤ كوفرێ ڤه دچت وڕژدییێ ل سه‌ر دكه‌ت.
وَهُمۡ يَصۡطَرِخُونَ فِيهَا رَبَّنَآ أَخۡرِجۡنَا نَعۡمَلۡ صَٰلِحًا غَيۡرَ ٱلَّذِي كُنَّا نَعۡمَلُۚ أَوَلَمۡ نُعَمِّرۡكُم مَّا يَتَذَكَّرُ فِيهِ مَن تَذَكَّرَ وَجَآءَكُمُ ٱلنَّذِيرُۖ فَذُوقُواْ فَمَا لِلظَّـٰلِمِينَ مِن نَّصِيرٍ ﴿٣٧﴾
وئه‌ڤ كافره د ئاگرێ جه‌هنه‌مێ دا ژ به‌ر عه‌زابا دژوار دكه‌نه هاوار: خودايێ مه تو مه ژ ئاگرێ جه‌هنه‌مێ ده‌ربێخه، ومه بزڤڕينه دنيايێ ئه‌م دێ چاكییێ كه‌ين ودێ وێ هێلين يا مه د دنيايێ دا كرى، ئه‌م دێ باوه‌رییێ ئينين وكافر نابين، ڤێجا ئه‌و دێ بێژته وان: ئه‌رێ ما د دنيايێ دا ژییه‌كێ تێرا هه‌وه بكه‌ت مه نه‌دابوو هه‌وه، ئه‌و تێدا شيره‌ته‌كى بۆ خۆ دگرت يێ بگرت، وپێغه‌مبه‌ر سلاڤ لێ بن بۆ هه‌وه هاتبوو، و د گه‌ل هندێ ژى هه‌وه شيره‌ته‌ك بۆ خۆ ژێ وه‌رنه‌گرت؟ ڤێجا هوين تام بكه‌نه عه‌زابا جه‌هنه‌مێ، وكافران پشته‌ڤانه‌ك نينه وان ژ عه‌زابا خودێ ڕزگار بكه‌ت.
إِنَّ ٱللَّهَ عَٰلِمُ غَيۡبِ ٱلسَّمَٰوَٰتِ وَٱلۡأَرۡضِۚ إِنَّهُۥ عَلِيمُۢ بِذَاتِ ٱلصُّدُورِ ﴿٣٨﴾
هندى خودێیه ب هه‌ر تشته‌كێ نه يێ به‌رچاڤ بت يێ ل عه‌سمانان وعه‌درى يێ ئاگه‌هداره، وهندى ئه‌وه ئه‌و ب وى تشتێ د دلان دا ڤه‌شارتى يێ پڕزانايه، ڤێجا هوين ژ وى بترسن كو ئه‌و يا دلێ هه‌وه بزانت، ژ گومانێ يان شركا ب ئێكينییا وى، يان گومانا د پێغه‌مبه‌رينییا موحه‌ممه‌دى دا سلاڤ لێ بن، يان ژى كو هوين بێ ئه‌مرییه‌كا وى يا كێمتر بكه‌ن.
هُوَ ٱلَّذِي جَعَلَكُمۡ خَلَـٰٓئِفَ فِي ٱلۡأَرۡضِۚ فَمَن كَفَرَ فَعَلَيۡهِ كُفۡرُهُۥۖ وَلَا يَزِيدُ ٱلۡكَٰفِرِينَ كُفۡرُهُمۡ عِندَ رَبِّهِمۡ إِلَّا مَقۡتٗاۖ وَلَا يَزِيدُ ٱلۡكَٰفِرِينَ كُفۡرُهُمۡ إِلَّا خَسَارٗا ﴿٣٩﴾
ئه‌وه يێ وه كرى كو هنده‌ك ژ هه‌وه - گه‌لی مرۆڤان- پشتى هنده‌كان جێگرییا د عه‌ردى دا بكه‌ن، ڤێجا هه‌چییێ ب خودێ كافربووى ژ هه‌وه، ئه‌و كافرى وزيانا وى بۆ وى ب خۆيه، وكافرییا ئه‌وێن كافربووين ل نك خودايێ وان ژبلی نه‌ڤيانێ وغه‌زه‌بێ تشته‌كى ل وان زێده ناكه‌ت، وكافرییا وان ب خودێ ژ زيانێ وتێچوونێ پێڤه‌تر تشته‌كى ل وان زێده ناكه‌ت.
قُلۡ أَرَءَيۡتُمۡ شُرَكَآءَكُمُ ٱلَّذِينَ تَدۡعُونَ مِن دُونِ ٱللَّهِ أَرُونِي مَاذَا خَلَقُواْ مِنَ ٱلۡأَرۡضِ أَمۡ لَهُمۡ شِرۡكٞ فِي ٱلسَّمَٰوَٰتِ أَمۡ ءَاتَيۡنَٰهُمۡ كِتَٰبٗا فَهُمۡ عَلَىٰ بَيِّنَتٖ مِّنۡهُۚ بَلۡ إِن يَعِدُ ٱلظَّـٰلِمُونَ بَعۡضُهُم بَعۡضًا إِلَّا غُرُورًا ﴿٤٠﴾
تو -ئه‌ى پێغه‌مبه‌ر- بێژه بوتپه‌رێسان: هوين بێژنه من ئه‌و شريكێن هه‌وه داناين چ تشت ژ عه‌ردى ئافراندییه، يان شريكێن هه‌وه يێن هوين ژبلی خودێ په‌رستنێ بۆ دكه‌ن پشكدارییه‌ك د گه‌ل خودێ د ئافراندنا عه‌سمانان دا هه‌يه، يان مه كيتابه‌ك دايه وان ڤێجا ئه‌و ژێ ب هێجه‌تن؟ نه‌خێر، به‌لكى هه‌ما كافر ژڤانى ب خاپاندنێ دده‌نه ئێك ودو.