قورئانا پیرۆز › سورەتا فاطر › ئایەتا ٤٣
سورەتا فاطر · ئایەتا ٤٣ ب تەفسیرا کوردی
Fatir
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞إِنَّ ٱللَّهَ يُمۡسِكُ ٱلسَّمَٰوَٰتِ وَٱلۡأَرۡضَ أَن تَزُولَاۚ وَلَئِن زَالَتَآ إِنۡ أَمۡسَكَهُمَا مِنۡ أَحَدٖ مِّنۢ بَعۡدِهِۦٓۚ إِنَّهُۥ كَانَ حَلِيمًا غَفُورٗا ﴿٤١﴾
هندى خودێیه عه‌سمانان وعه‌درى دگرت دا نه‌كه‌ڤن، وئه‌گه‌ر ئه‌و كه‌فتبان ژ وى پێڤه‌تر كه‌س نه‌بوو وان بگرت. هندى خودێیه د پاشخستنا عه‌زابدانا كافر وگونه‌هكاران دا يێ ئارام بوويه، وبۆ وى يێ تۆبه بكه‌ت باش گونه‌هـ ژێبر بوويه.
وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَئِن جَآءَهُمۡ نَذِيرٞ لَّيَكُونُنَّ أَهۡدَىٰ مِنۡ إِحۡدَى ٱلۡأُمَمِۖ فَلَمَّا جَآءَهُمۡ نَذِيرٞ مَّا زَادَهُمۡ إِلَّا نُفُورًا ﴿٤٢﴾
وكافرێن قوره‌يشییان موكم ب خودێ سويند خوار: كو ئه‌گه‌ر پێغه‌مبه‌ره‌ك ژ نك خودێ بۆ وان بێت وان ژ عه‌زابا خودێ بترسينت، ئه‌و ژ جوهى وفه‌لان پتر دێ دويكه‌فتنا حه‌قییێ كه‌ن، وده‌مێ موحه‌ممه‌د -سلاڤ لێ بن- بۆ وان هاتى ڤێ چه‌ندێ ئه‌و پتر ژ حه‌قییێ دويرخستن وئه‌و ژێ ڕه‌ڤين.
ٱسۡتِكۡبَارٗا فِي ٱلۡأَرۡضِ وَمَكۡرَ ٱلسَّيِّيِٕۚ وَلَا يَحِيقُ ٱلۡمَكۡرُ ٱلسَّيِّئُ إِلَّا بِأَهۡلِهِۦۚ فَهَلۡ يَنظُرُونَ إِلَّا سُنَّتَ ٱلۡأَوَّلِينَۚ فَلَن تَجِدَ لِسُنَّتِ ٱللَّهِ تَبۡدِيلٗاۖ وَلَن تَجِدَ لِسُنَّتِ ٱللَّهِ تَحۡوِيلًا ﴿٤٣﴾
وان مه‌خسه‌ده‌كا باش ب سويندا خۆ نه‌بوو، وداخوازا وان حه‌قى ژى نه‌بوو، به‌لكى ئه‌و خۆمه‌زنكرنه‌ك بوو وان د عه‌درى دا دكر، مه‌خسه‌دا وان پێ فه‌ند وفێل وخرابى بوو، وهه‌ما فه‌ند وفێلا خراب د سه‌رێ خودانێ خۆ ڕا دشكێت، ئه‌رێ ڤێجا ئه‌وێن خۆ مه‌زن دكه‌ن وفه‌ند وفێلان دكه‌ن ل هيڤییا چنه ژبلی هندێ كو ئه‌و عه‌زاب ب سه‌ر وان دا بێت يا كو به‌رێ ب سه‌ر يێن وه‌كى وان دا هاتى، ڤێجا تو چو گوهۆڕينان بۆ ڕێبازا خودێ نابينى، وكه‌س نه‌شێت وێ عه‌زابێ بگوهۆڕت يان ژ خۆ لاده‌ت يا خودێ ب سه‌ر دا دئينت.
أَوَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡ وَكَانُوٓاْ أَشَدَّ مِنۡهُمۡ قُوَّةٗۚ وَمَا كَانَ ٱللَّهُ لِيُعۡجِزَهُۥ مِن شَيۡءٖ فِي ٱلسَّمَٰوَٰتِ وَلَا فِي ٱلۡأَرۡضِۚ إِنَّهُۥ كَانَ عَلِيمٗا قَدِيرٗا ﴿٤٤﴾
ئه‌رێ وما كافرێن (مه‌كه‌هێ) ل عه‌ردى نه‌گه‌ڕياينه، دا به‌رێ خو بده‌نێ كانێ دويماهییا ملله‌تێن به‌رى وان وه‌كى عادى وثه‌موودی چاوا بوويه، وكانێ چ وێرانكرن ب سه‌ر وان ووه‌لاتێن وان دا هاتبوو ده‌مێ وان پێغه‌مبه‌ر دره‌وين ده‌رێخستين، وئه‌و كافر ژ كافرێن (مه‌كه‌هێ) ب هێزتر ودژوارتر بوون؟ ونه‌بوويه كو تشته‌ك نه ل عه‌سمانان ونه ل عه‌ردى خودێ بێزار بكه‌ت يان ژ ده‌ستان ده‌ركه‌ڤت، هندى ئه‌وه ئه‌و ب كريارێن وان يێ پڕزانا بوويه، و ل سه‌ر تێبرنا وان يێ خودان شيان بوويه.
وَلَوۡ يُؤَاخِذُ ٱللَّهُ ٱلنَّاسَ بِمَا كَسَبُواْ مَا تَرَكَ عَلَىٰ ظَهۡرِهَا مِن دَآبَّةٖ وَلَٰكِن يُؤَخِّرُهُمۡ إِلَىٰٓ أَجَلٖ مُّسَمّٗىۖ فَإِذَا جَآءَ أَجَلُهُمۡ فَإِنَّ ٱللَّهَ كَانَ بِعِبَادِهِۦ بَصِيرَۢا ﴿٤٥﴾
وئه‌گه‌ر خودێ مرۆڤان ب وان گونه‌هان عه‌زاب بده‌ت يێن وان كرين ئه‌و كه‌سه‌كێ خودان رح ناهێلت كو ل سه‌ر پشتا عه‌ردى ب ڕێڤه بچت، به‌لێ ئه‌و وان پاشدا دهێلت وحه‌تا ده‌مه‌كێ ده‌سنيشانكرى عه‌زابا وان پاش دئێخت، ڤێجا ئه‌گه‌ر ده‌مێ عه‌زابدانا وان هات هندى خودێیه ب به‌نییێن خۆ بينه‌ر بوويه، وزانينا تشته‌كى ژ كارێن وان ل وى نائێته ڤه‌شارتن.