قورئانا پیرۆز › سورەتا فصلت › ئایەتا ٢١
سورەتا فصلت · ئایەتا ٢١ ب تەفسیرا کوردی
Fussilat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَوۡمَ يُحۡشَرُ أَعۡدَآءُ ٱللَّهِ إِلَى ٱلنَّارِ فَهُمۡ يُوزَعُونَ ﴿١٩﴾
وڕۆژا دوژمنێن خودێ بۆ ئاگرێ جه‌هنه‌مێ دئێنه كۆمكرن، زه‌بانییێن عه‌زابێ وان كۆم دكه‌نه سه‌رێك.
حَتَّىٰٓ إِذَا مَا جَآءُوهَا شَهِدَ عَلَيۡهِمۡ سَمۡعُهُمۡ وَأَبۡصَٰرُهُمۡ وَجُلُودُهُم بِمَا كَانُواْ يَعۡمَلُونَ ﴿٢٠﴾
حه‌تا ئه‌گه‌ر هه‌مى هاتنه د ئاگرى دا، ووان حاشاتییا تاوانێن خۆ كر گوهـ وچاڤ وچه‌رمێ وان شاهده‌يى ب وان گونه‌هێن وان د دنيايێ دا دكرن ل سه‌ر وان دا.
وَقَالُواْ لِجُلُودِهِمۡ لِمَ شَهِدتُّمۡ عَلَيۡنَاۖ قَالُوٓاْ أَنطَقَنَا ٱللَّهُ ٱلَّذِيٓ أَنطَقَ كُلَّ شَيۡءٖۚ وَهُوَ خَلَقَكُمۡ أَوَّلَ مَرَّةٖ وَإِلَيۡهِ تُرۡجَعُونَ ﴿٢١﴾
وئه‌وێن هه يێن بۆ ئاگرى دئێنه كۆمكرن ژ دوژمنێن خودێ ب لۆمه‌كرن ڤه دبێژنه چه‌رمێ خۆ: بۆچى هه‌وه شاهده‌يى ل سه‌ر مه دا؟ ئينا چه‌رمێ وان به‌رسڤێ دده‌ت ودبێژت: ئه‌و خودايێ هه‌ر تشته‌ك ب ئه‌زمان ئێخستى ئه‌م ژى ب ئه‌زمان ئێخستين، وئه‌وه يێ هوين بۆ جارا ئێكێ ئافراندين وهوين چونه بوون، ودويماهییا هه‌وه پشتى مرنێ بۆ حسێب وجزادانێ بۆ نك وییه.
وَمَا كُنتُمۡ تَسۡتَتِرُونَ أَن يَشۡهَدَ عَلَيۡكُمۡ سَمۡعُكُمۡ وَلَآ أَبۡصَٰرُكُمۡ وَلَا جُلُودُكُمۡ وَلَٰكِن ظَنَنتُمۡ أَنَّ ٱللَّهَ لَا يَعۡلَمُ كَثِيرٗا مِّمَّا تَعۡمَلُونَ ﴿٢٢﴾
وده‌مێ هه‌وه گونه‌هـ دكرن هه‌وه هزر نه‌دكر گوهـ وچاڤ وچه‌رمێ هه‌وه ڕۆژا قيامه‌تێ شاهده‌يێ دێ ل سه‌ر هه‌وه ده‌ن، له‌و هه‌وه خۆ ژێ نه‌ڤه‌دشارت، به‌لكى ب كرنا گونه‌هان هه‌وه هزر دكر كو خودێ گه‌له‌كێ ژ كريارێن هوين بێ ئه‌مرییا وى پێ دكه‌ن نزانت.
وَذَٰلِكُمۡ ظَنُّكُمُ ٱلَّذِي ظَنَنتُم بِرَبِّكُمۡ أَرۡدَىٰكُمۡ فَأَصۡبَحۡتُم مِّنَ ٱلۡخَٰسِرِينَ ﴿٢٣﴾
وئه‌و هزرا هه‌وه يا خراب يا كو هه‌وه ب خودايێ خۆ دبر هوين تێبرن، ڤێجا هوين ئه‌ڤرۆ بوونه ژ وان يێن خۆ وعه‌يالێ خۆ ب زيان داين.