قورئانا پیرۆز › سورەتا فصلت › ئایەتا ٢٧
سورەتا فصلت · ئایەتا ٢٧ ب تەفسیرا کوردی
Fussilat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞وَقَيَّضۡنَا لَهُمۡ قُرَنَآءَ فَزَيَّنُواْ لَهُم مَّا بَيۡنَ أَيۡدِيهِمۡ وَمَا خَلۡفَهُمۡ وَحَقَّ عَلَيۡهِمُ ٱلۡقَوۡلُ فِيٓ أُمَمٖ قَدۡ خَلَتۡ مِن قَبۡلِهِم مِّنَ ٱلۡجِنِّ وَٱلۡإِنسِۖ إِنَّهُمۡ كَانُواْ خَٰسِرِينَ ﴿٢٥﴾
ومه هنده‌ك هه‌ڤالێن خراب ژ شه‌يتانێن مرۆڤ وئه‌جنان بۆ ڤان كافرێن زۆردار چێكرن، ڤێجا وان كريارێن وان يێن كرێت د دنيايێ دا ل به‌ر وان خه‌ملاندن، وبه‌رێ وان دا خۆشییێن دنيايێ يێن حه‌رام، وكاروبارێن ئاخره‌تێ ژ بيرا وان برن، وبه‌رێ وان دا دره‌وپێكرنا ب ڕابوونا پشتى مرنێ، و ب وێ چه‌ندێ چوونا د ئاگرى دا د گه‌ل ملله‌تێن كافر ژ ئه‌جنه ومرۆڤان ل سه‌ر وان فه‌ركر، هندى ئه‌و بوون ئه‌و ل دنيايێ ب كارێن خۆ دخوساره‌ت بوون، و ل ئاخره‌تێ ب خۆ ومرۆڤێن خۆ.
وَقَالَ ٱلَّذِينَ كَفَرُواْ لَا تَسۡمَعُواْ لِهَٰذَا ٱلۡقُرۡءَانِ وَٱلۡغَوۡاْ فِيهِ لَعَلَّكُمۡ تَغۡلِبُونَ ﴿٢٦﴾
وكافران شيره‌ت ل ئێك ودو كرن وگۆتن: هوين گوهدارییا ڤێ قورئانێ نه‌كه‌ن، وپێگيرییا ب فه‌رمانێن وێ نه‌كه‌ن، وده‌مێ موحه‌ممه‌د قورئانێ دخوينت هوين ده‌نگێ خۆ ب قێرى وهه‌وار وفيتكان ل سه‌ر ده‌نگێ وى بلند كه‌ن؛ دا هوين بشێنێ، وبه‌لكى ئه‌و خواندنێ به‌س كه‌ت.
فَلَنُذِيقَنَّ ٱلَّذِينَ كَفَرُواْ عَذَابٗا شَدِيدٗا وَلَنَجۡزِيَنَّهُمۡ أَسۡوَأَ ٱلَّذِي كَانُواْ يَعۡمَلُونَ ﴿٢٧﴾
ڤێجا سويند بت ئه‌وێن ئه‌ڤ گۆتنه كرى ئه‌م ل دنيايێ وئاخره‌تێ عه‌زابه‌كا دژوار دێ ب وان ده‌ينه تامكرن، وب خرابترين جزاى سه‌را گونه‌هێن وان كرين ئه‌م دێ وان جزا ده‌ين.
ذَٰلِكَ جَزَآءُ أَعۡدَآءِ ٱللَّهِ ٱلنَّارُۖ لَهُمۡ فِيهَا دَارُ ٱلۡخُلۡدِ جَزَآءَۢ بِمَا كَانُواْ بِـَٔايَٰتِنَا يَجۡحَدُونَ ﴿٢٨﴾
ئاگره ئه‌و جزا يێ ئه‌ڤ كافره پێ دئێنه جزادان، جزايێ دوژمنێن خودێ، جهێ هه‌رمانێ بۆ وان تێدا هه‌يه، ژ به‌ر وێ كوفرا وان د دنيايێ دا ب هێجه‌ت وده‌ليلێن مه دكر. وئه‌ڤ ئايه‌ته ده‌ليله ل سه‌ر مه‌زنییا تاوانا وى يێ به‌رێ خه‌لكى ژ قورئانێ وه‌رگێڕت، ب چى ڕێكا هه‌بت.
وَقَالَ ٱلَّذِينَ كَفَرُواْ رَبَّنَآ أَرِنَا ٱلَّذَيۡنِ أَضَلَّانَا مِنَ ٱلۡجِنِّ وَٱلۡإِنسِ نَجۡعَلۡهُمَا تَحۡتَ أَقۡدَامِنَا لِيَكُونَا مِنَ ٱلۡأَسۡفَلِينَ ﴿٢٩﴾
وئه‌وێن كوفر ب خودێ وپێغه‌مبه‌رێ وى كرى، د ئاگرى دا گۆتن: خودايێ مه تو وان هه‌ر دووان نيشا مه بده يێن ئه‌م سه‌ردابرين ژ مرۆڤ وئه‌جنان دا ئه‌م وان بكه‌ينه د بن پییێن خۆ ڤه؛ دا ئه‌و هه‌ردو بكه‌ڤنه د پێكا نزمتر دا ژ ئاگرى.