قورئانا پیرۆز › سورەتا فصلت › ئایەتا ٣٥
سورەتا فصلت · ئایەتا ٣٥ ب تەفسیرا کوردی
Fussilat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَنۡ أَحۡسَنُ قَوۡلٗا مِّمَّن دَعَآ إِلَى ٱللَّهِ وَعَمِلَ صَٰلِحٗا وَقَالَ إِنَّنِي مِنَ ٱلۡمُسۡلِمِينَ ﴿٣٣﴾
كه‌س ژ وى گۆتن باشتر نينه يێ بۆ ته‌وحيدا خودێ وپه‌رستنا وى گازى كرى وكارێ چاك كرى، وگۆتى: هندى ئه‌زم ئه‌ز ژ وان موسلمانامه يێن خۆ ئێخستينه بن فه‌رمانا خودێ. وئه‌ڤ ئايه‌ته به‌رێ مه دده‌ته هندێ كو ئه‌م بۆ خودێ گازى بكه‌ين، وبهايێ وان زانايان ژى به‌رچاڤ دكه‌ت يێن به‌رێ خه‌لكى دده‌نه خودێ ل دويڤ وێ ڕێكێ يا پێغه‌مبه‌رێ خودێ موحه‌ممه‌د سلاڤ لێ بن پێ هاتى.
وَلَا تَسۡتَوِي ٱلۡحَسَنَةُ وَلَا ٱلسَّيِّئَةُۚ ٱدۡفَعۡ بِٱلَّتِي هِيَ أَحۡسَنُ فَإِذَا ٱلَّذِي بَيۡنَكَ وَبَيۡنَهُۥ عَدَٰوَةٞ كَأَنَّهُۥ وَلِيٌّ حَمِيمٞ ﴿٣٤﴾
وباشییا وان يێن باوه‌رى ب خودێ ئيناى، وخۆ ل سه‌ر شريعه‌تێ وى ڕاست كرى، وقه‌نجى د گه‌ل خه‌لكى كرين، وه‌كى خرابییا وان نابت يێن كوفر ب خودێ كرى وبێ ئه‌مرییا وى كرى، ونه‌خۆشى گه‌هاندينه خه‌لكى. تو ب لێبۆرين ونه‌رم وحه‌ليمییا خۆ خرابییا وى پالده يێ خرابى گه‌هاندییه ته، وبه‌رانبه‌ر خرابییا وى تو باشییێ د گه‌ل بكه، ڤێجا ب ڤێ چه‌ندێ ئه‌وێ خرابى گه‌هاندییه ته ودوژمناتى د ناڤبه‌را ته ووى دا هه‌ى دێ وه لێ ئێت هه‌ر وه‌كى ئه‌و دۆسته‌كێ ته يێ نێزيكه.
وَمَا يُلَقَّىٰهَآ إِلَّا ٱلَّذِينَ صَبَرُواْ وَمَا يُلَقَّىٰهَآ إِلَّا ذُو حَظٍّ عَظِيمٖ ﴿٣٥﴾
وهه‌ما به‌س ته‌وفيقا وان بۆ ڤى سالۆخه‌تێ باش دئێته‌دان يێن بێهنا خۆ ل سه‌ر وى تشتى فره‌هـ كرى يێ بۆ وان نه‌خۆش، وكوته‌كى ل خۆ كرى دا وى تشتى بكه‌ن يێ خودێ دڤێت، وهه‌ما به‌س ته‌وفيقا وى بۆ ڤێ چه‌ندێ دئێته‌دان يێ باره‌كا مه‌زن ژ خۆشییا دنيايێ وئاخره‌تێ بۆ هاتییه‌دان.
وَإِمَّا يَنزَغَنَّكَ مِنَ ٱلشَّيۡطَٰنِ نَزۡغٞ فَٱسۡتَعِذۡ بِٱللَّهِۖ إِنَّهُۥ هُوَ ٱلسَّمِيعُ ٱلۡعَلِيمُ ﴿٣٦﴾
( 36) وئه‌گه‌ر شه‌يتانى وه‌سواس ودودلی بۆ ته چێكر وبه‌رێ ته دا هندێ كو تو خرابییێ د گه‌ل وى بكه‌ى يێ خرابى گه‌هاندییه ته، تو خۆ ب خودێ بپارێزه، هندى خودێیه ئه‌وه يێ گوهـ ل خۆپاراستنا ته دبت، يێ پڕزانا ب كارێ هه‌مى چێكرییێن خۆ.
وَمِنۡ ءَايَٰتِهِ ٱلَّيۡلُ وَٱلنَّهَارُ وَٱلشَّمۡسُ وَٱلۡقَمَرُۚ لَا تَسۡجُدُواْ لِلشَّمۡسِ وَلَا لِلۡقَمَرِ وَٱسۡجُدُواْۤ لِلَّهِۤ ٱلَّذِي خَلَقَهُنَّ إِن كُنتُمۡ إِيَّاهُ تَعۡبُدُونَ ﴿٣٧﴾
و ل دويڤێك هاتنا شه‌ڤ وڕۆژان، وژێك جودابوونا ڕۆژ وهه‌يڤێ ژ ئايه‌تێن خودێ ونيشانێن ئێكينى وشيانا وينه، وى ئه‌و بنده‌ستى خۆ كرينه. هوين نه بۆ ڕۆژێ ونه بۆ هه‌يڤێ نه‌چنه سوجدێ -چونكى ئه‌و دچێكرينه- وبۆ وى خودايى هه‌ڕنه سوجدێ يێ ئه‌و ئافراندين، ئه‌گه‌ر هوين وى ب تنێ دپه‌رێسن.