قورئانا پیرۆز › سورەتا فصلت › ئایەتا ٣٨
سورەتا فصلت · ئایەتا ٣٨ ب تەفسیرا کوردی
Fussilat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِمَّا يَنزَغَنَّكَ مِنَ ٱلشَّيۡطَٰنِ نَزۡغٞ فَٱسۡتَعِذۡ بِٱللَّهِۖ إِنَّهُۥ هُوَ ٱلسَّمِيعُ ٱلۡعَلِيمُ ﴿٣٦﴾
( 36) وئه‌گه‌ر شه‌يتانى وه‌سواس ودودلی بۆ ته چێكر وبه‌رێ ته دا هندێ كو تو خرابییێ د گه‌ل وى بكه‌ى يێ خرابى گه‌هاندییه ته، تو خۆ ب خودێ بپارێزه، هندى خودێیه ئه‌وه يێ گوهـ ل خۆپاراستنا ته دبت، يێ پڕزانا ب كارێ هه‌مى چێكرییێن خۆ.
وَمِنۡ ءَايَٰتِهِ ٱلَّيۡلُ وَٱلنَّهَارُ وَٱلشَّمۡسُ وَٱلۡقَمَرُۚ لَا تَسۡجُدُواْ لِلشَّمۡسِ وَلَا لِلۡقَمَرِ وَٱسۡجُدُواْۤ لِلَّهِۤ ٱلَّذِي خَلَقَهُنَّ إِن كُنتُمۡ إِيَّاهُ تَعۡبُدُونَ ﴿٣٧﴾
و ل دويڤێك هاتنا شه‌ڤ وڕۆژان، وژێك جودابوونا ڕۆژ وهه‌يڤێ ژ ئايه‌تێن خودێ ونيشانێن ئێكينى وشيانا وينه، وى ئه‌و بنده‌ستى خۆ كرينه. هوين نه بۆ ڕۆژێ ونه بۆ هه‌يڤێ نه‌چنه سوجدێ -چونكى ئه‌و دچێكرينه- وبۆ وى خودايى هه‌ڕنه سوجدێ يێ ئه‌و ئافراندين، ئه‌گه‌ر هوين وى ب تنێ دپه‌رێسن.
فَإِنِ ٱسۡتَكۡبَرُواْ فَٱلَّذِينَ عِندَ رَبِّكَ يُسَبِّحُونَ لَهُۥ بِٱلَّيۡلِ وَٱلنَّهَارِ وَهُمۡ لَا يَسۡـَٔمُونَ۩ ﴿٣٨﴾
ڤێجا ئه‌گه‌ر ڤان بوتپه‌رێسان خۆ ژ هندێ مه‌زنتر ديت كو بۆ خودێ بچنه سوجدێ، هندى ئه‌و ملياكه‌تن يێن ل نك خودايێ ته ئه‌و خۆ ژ وێ چه‌ندێ مه‌زنتر لێ ناكه‌ن، به‌لكى ئه‌و ته‌سبيحا خودێ دكه‌ن، و ب شه‌ڤ وڕۆژ ئه‌و وى ژ هه‌مى كێماسییان دپارێزن، وئه‌و ژ وێ چه‌ندێ ناوه‌ستيێن.
وَمِنۡ ءَايَٰتِهِۦٓ أَنَّكَ تَرَى ٱلۡأَرۡضَ خَٰشِعَةٗ فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡۚ إِنَّ ٱلَّذِيٓ أَحۡيَاهَا لَمُحۡيِ ٱلۡمَوۡتَىٰٓۚ إِنَّهُۥ عَلَىٰ كُلِّ شَيۡءٖ قَدِيرٌ ﴿٣٩﴾
و ژ نيشانێن ئێكينى وشيانا خودێیه؛ كو تو عه‌ردى هشك وبێ شينكاتى دبينى، ڤێجا ئه‌گه‌ر مه باران ب سه‌ردا ئينا خوارێ ژيان تێ دگه‌ڕيێت، وشينكاتى لێ شين دبت، وئه‌و بلند دبت، هندى ئه‌وه يێ ئه‌ڤ عه‌رده پشتى هشكبوونێ زێندى كرییه‌ڤه، دشێت خه‌لكى پشتى مرنێ زێندى بكه‌ت، هندى ئه‌وه ئه‌و ل سه‌ر هه‌ر تشته‌كى يێ خودان شيانه.
إِنَّ ٱلَّذِينَ يُلۡحِدُونَ فِيٓ ءَايَٰتِنَا لَا يَخۡفَوۡنَ عَلَيۡنَآۗ أَفَمَن يُلۡقَىٰ فِي ٱلنَّارِ خَيۡرٌ أَم مَّن يَأۡتِيٓ ءَامِنٗا يَوۡمَ ٱلۡقِيَٰمَةِۚ ٱعۡمَلُواْ مَا شِئۡتُمۡ إِنَّهُۥ بِمَا تَعۡمَلُونَ بَصِيرٌ ﴿٤٠﴾
هندى ئه‌ون يێن به‌رێ خۆ ژ حه‌قییێ وه‌ردگێڕن، وكوفرێ ب قورئانێ دكه‌ن ووه‌ربادانێ دئێخنێ، ئه‌و ل به‌ر مه به‌رزه نابن، به‌لكى ئه‌م ب وان دئاگه‌هدارين. ئه‌رێ ڤێجا ئه‌ڤه يێ كو د ئاگرى دا دئێته هاڤێتن چێتره، يان ئه‌وێ ڕۆژا قيامه‌تێ دئێت يێ پشتڕاست ژ عه‌زابا خودێ، ويێ هێژاى خێرێ؟ ڤێجا چییا هه‌وه بڤێت -گه‌لی كافران- هوين بكه‌ن، هندى خودێیه ب كريارێن هه‌وه يێ بينه‌ر بوويه، تشته‌ك ژێ ل به‌ر وى به‌رزه نابت، وئه‌و دێ هه‌وه سه‌را جزا ده‌ت. وئه‌ڤه گه‌فه‌كه بۆ وان.