قورئانا پیرۆز › سورەتا فصلت › ئایەتا ٥٢
سورەتا فصلت · ئایەتا ٥٢ ب تەفسیرا کوردی
Fussilat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَئِنۡ أَذَقۡنَٰهُ رَحۡمَةٗ مِّنَّا مِنۢ بَعۡدِ ضَرَّآءَ مَسَّتۡهُ لَيَقُولَنَّ هَٰذَا لِي وَمَآ أَظُنُّ ٱلسَّاعَةَ قَآئِمَةٗ وَلَئِن رُّجِعۡتُ إِلَىٰ رَبِّيٓ إِنَّ لِي عِندَهُۥ لَلۡحُسۡنَىٰۚ فَلَنُنَبِّئَنَّ ٱلَّذِينَ كَفَرُواْ بِمَا عَمِلُواْ وَلَنُذِيقَنَّهُم مِّنۡ عَذَابٍ غَلِيظٖ ﴿٥٠﴾
وئه‌گه‌ر پشتى ته‌نگاڤییێ مه قه‌نجییه‌ك دا مرۆڤى ئه‌و شوكرا خودێ ناكه‌ت، به‌لكى د سه‌ر دا دچت ودبێژت: چونكى ئه‌ز يێ ژ هه‌ژيمه له‌و ئه‌ڤه گه‌هشته من، وئه‌ز باوه‌ر ناكه‌م قيامه‌ت دێ ڕابت، وئه‌گه‌ر خۆ ئه‌و ڕاببت ژى وئه‌ز بزڤڕمه نك خودايێ خۆ ژى، ئه‌و دێ به‌حه‌شتێ ده‌ته من، ڤێجا سويند بت ڕۆژا قيامه‌تێ ئه‌م به‌حسێ كريارێن كافران يێن خراب بۆ وان بكه‌ين، وئه‌م ژ عه‌زابه‌كا دژوار ب وان بده‌ينه تامكرن.
وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ فَذُو دُعَآءٍ عَرِيضٖ ﴿٥١﴾
وئه‌گه‌ر مه قه‌نجى د گه‌ل مرۆڤى كر ئه‌و دێ پشت ده‌ت وخۆ ژ قه‌بويلكرنا حه‌قییێ بلندتر بينت، وئه‌گه‌ر نه‌خۆشییه‌ك گه‌هشتێ ئه‌و گه‌له‌ك دوعايان دێ كه‌ت دا خودێ وێ نه‌خۆشییێ ژ سه‌ر لابده‌ت، مه‌عنا ل ته‌نگاڤییێ ئه‌و خودايێ خۆ دنیاست، و ل به‌رفره‌هییێ وى نانیاست.
قُلۡ أَرَءَيۡتُمۡ إِن كَانَ مِنۡ عِندِ ٱللَّهِ ثُمَّ كَفَرۡتُم بِهِۦ مَنۡ أَضَلُّ مِمَّنۡ هُوَ فِي شِقَاقِۭ بَعِيدٖ ﴿٥٢﴾
تو -ئه‌ى پێغه‌مبه‌ر- بێژه ڤان بوتپه‌رێسان: هوين بێژنه من ئه‌گه‌ر ئه‌ڤ قورئانه ژ نك خودێ بت پاشى هه‌وه كافرى پێ كر بت، كه‌س ژ هه‌وه يێ به‌رزه‌تر نابت؛ چونكى هوين يێن د هه‌ڤڕكییه‌كا دوير ژ حه‌قییێ دا كو هه‌وه كوفر ب قورئانێ كرى.
سَنُرِيهِمۡ ءَايَٰتِنَا فِي ٱلۡأٓفَاقِ وَفِيٓ أَنفُسِهِمۡ حَتَّىٰ يَتَبَيَّنَ لَهُمۡ أَنَّهُ ٱلۡحَقُّۗ أَوَلَمۡ يَكۡفِ بِرَبِّكَ أَنَّهُۥ عَلَىٰ كُلِّ شَيۡءٖ شَهِيدٌ ﴿٥٣﴾
ئه‌م ئايه‌تێن خۆ د عه‌رد وعه‌سمانان دا وئه‌و تشێن مه‌زن يێن تێدا ڕوى دده‌ن دێ نيشا ڤان دره‌وپێكه‌ران ده‌ين، وئايه‌تێن خۆ يێن د نه‌فسێن وان ب خۆ ژى دا ژ تشتێن عه‌جێب دێ نيشا وان ده‌ين، حه‌تا ژ وان ئايه‌تان بۆ وان ئاشكه‌را دبت ئاشكه‌رابوونه‌كا بێ گومان كو قورئانا پيرۆز حه‌قییه ووه‌حییا خودێیه. ئه‌رێ وما شاهده‌يیا خودێ ل سه‌ر ڕاستییا قورئانێ ووى يێ قورئان بۆ هاتى تێرا وان ناكه‌ت؟ چونكى وى شاهده‌يى ب ڕاستگۆيیێ دايه، وئه‌و ل سه‌ر هه‌ر تشته‌كى شاهده، وچو شاهده‌يى ژ يا خودێ مه‌زنتر نينه.
أَلَآ إِنَّهُمۡ فِي مِرۡيَةٖ مِّن لِّقَآءِ رَبِّهِمۡۗ أَلَآ إِنَّهُۥ بِكُلِّ شَيۡءٖ مُّحِيطُۢ ﴿٥٤﴾
نێ هندى ئه‌ڤ بوتپه‌رێسه‌نه د مه‌سه‌لا ڕابوونا پشتى مرنێ دا د گومانه‌كا مه‌زن دانه. نێ هندى خودێیه ب زانين وشيانێ دۆرا ل هه‌ر تشته‌كى گرتى، تشته‌ك نه ل عه‌ردى ونه ل عه‌سمانى ل به‌ر وى به‌رزه نابت.