قورئانا پیرۆز › سورەتا فصلت › ئایەتا ٧
سورەتا فصلت · ئایەتا ٧ ب تەفسیرا کوردی
Fussilat
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالُواْ قُلُوبُنَا فِيٓ أَكِنَّةٖ مِّمَّا تَدۡعُونَآ إِلَيۡهِ وَفِيٓ ءَاذَانِنَا وَقۡرٞ وَمِنۢ بَيۡنِنَا وَبَيۡنِكَ حِجَابٞ فَٱعۡمَلۡ إِنَّنَا عَٰمِلُونَ ﴿٥﴾
وڤان كافران گۆته مه‌حه‌ممه‌د پێغه‌مبه‌رى -سلاڤ لێ بن-: دلێن مه دپێچاينه ژ تێگه‌هشتنا وى تشتێ تو مه بۆ گازى دكه‌ى، وگوهێن مه ژێ دكه‌ڕن مه گوهـ لێ نابت، و د ناڤبه‌را مه وته دا -ئه‌ى پێغه‌مبه‌ر- په‌رژانه‌ك هه‌يه گازییا ته ژ مه پاشڤه دبه‌ت، ڤێجا تو ل دويڤ دينێ خۆ كارى بكه، كا چاوا ئه‌م ل دويڤ دينێ خۆ كارى دكه‌ين.
قُلۡ إِنَّمَآ أَنَا۠ بَشَرٞ مِّثۡلُكُمۡ يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٞ وَٰحِدٞ فَٱسۡتَقِيمُوٓاْ إِلَيۡهِ وَٱسۡتَغۡفِرُوهُۗ وَوَيۡلٞ لِّلۡمُشۡرِكِينَ ﴿٦﴾
تو -ئه‌ى پێغه‌مبه‌ر- بێژه وان: هه‌ما ئه‌ز ژى وه‌كى هه‌وه مرۆڤم خودێ وه‌حییێ بۆ من دهنێرت به‌لێ خودايێ هه‌وه يێ كو دورست بت په‌رستن بۆ بێته‌كرن، خودايه‌كێ ب تنێیه يێ بێ شريكه، ڤێجا هوين ل وێ ڕێكێ هه‌ڕن يا هه‌وه بگه‌هينته وى، وداخوازا لێبۆرينێ ژ وى بكه‌ن. وعه‌زاب بۆ وان بوتپه‌رێسانه يێن ژبلی خودێ په‌رستنا هنده‌ك صه‌نه‌مێن بێ مفا وزيان دكه‌ن.
ٱلَّذِينَ لَا يُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ كَٰفِرُونَ ﴿٧﴾
ئه‌وێن دلێن خۆ ب ته‌وحيدا خودايێ خۆ پاقژ نه‌كرى، وزه‌كات نه‌داى، ڤێجا نه ئيخلاص بۆ خودێ ونه مفا بۆ خه‌لكى د سه‌رێ وان دا نينه، وئه‌و باوه‌رییێ ب ڕابوونا پشتى مرنێ، وبه‌حه‌شتێ وجه‌هنه‌مێ نائينن، ومالی د ڕێكا خودێ دا خه‌رج ناكه‌ن.
إِنَّ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ لَهُمۡ أَجۡرٌ غَيۡرُ مَمۡنُونٖ ﴿٨﴾
هندى ئه‌ون يێن باوه‌رى ب خودێ وپێغه‌مبه‌رێ وى وكيتابا وى ئيناى و ژ دله‌كێ صافى كارێن چاك كرين، خێره‌كا مه‌زن وبێ ڤه‌بڕين بۆ وان هه‌يه.
۞قُلۡ أَئِنَّكُمۡ لَتَكۡفُرُونَ بِٱلَّذِي خَلَقَ ٱلۡأَرۡضَ فِي يَوۡمَيۡنِ وَتَجۡعَلُونَ لَهُۥٓ أَندَادٗاۚ ذَٰلِكَ رَبُّ ٱلۡعَٰلَمِينَ ﴿٩﴾
تو -ئه‌ى پێغه‌مبه‌ر- بۆ پاشڤه‌برن بێژه ڤان بوتپه‌رێسان: ئه‌رێ هوين كافرییێ ب وى خودايى دكه‌ن يێ عه‌رد د دو ڕۆژان دا ئافراندى، وهوين وه‌كهه‌ڤان بۆ وى ددانن وپه‌رستنێ بۆ دكه‌ن؟ ئه‌و ئافرانده‌ر خودايێ هه‌مى چێكريانه.