قورئانا پیرۆز › سورەتا هود › ئایەتا ١١٨
سورەتا هود · ئایەتا ١١٨ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَلَوۡلَا كَانَ مِنَ ٱلۡقُرُونِ مِن قَبۡلِكُمۡ أُوْلُواْ بَقِيَّةٖ يَنۡهَوۡنَ عَنِ ٱلۡفَسَادِ فِي ٱلۡأَرۡضِ إِلَّا قَلِيلٗا مِّمَّنۡ أَنجَيۡنَا مِنۡهُمۡۗ وَٱتَّبَعَ ٱلَّذِينَ ظَلَمُواْ مَآ أُتۡرِفُواْ فِيهِ وَكَانُواْ مُجۡرِمِينَ ﴿١١٦﴾
ئه‌رێ وما ژ وان ملله‌تێن بۆرین هنده‌ك به‌رمايێن خێرخواز وخودانێن چاكییێ نه‌بوون كافران ژ كوفرا وان پاشڤه ببه‌ن، ونه‌هێلن ئه‌و خرابكارییێ د عه‌ردى دا بكه‌ن، ژ وان ملله‌تان كێم تێ نه‌بن ژ وان يێن باوه‌رى ئيناى كه‌س نه‌بوو وێ چه‌ندێ بكه‌ت، ڤێجا خودێ ئه‌و هژمارا كێم ژ وێ عه‌زابێ ڕزگاركرن يا وى دايه زۆرداران. وپترییا وان -ژ يێن زۆردارى ل خۆ كرى- دويكه‌فتنا وان خۆشییێن دنيايێ كر يێن بۆ وان هاتينه دان، وده‌مێ وان ئه‌ڤ چه‌نده كرى ئه‌و دتاوانبار وزۆردار بوون، له‌و ئه‌و هێژاى عه‌زابێ بوون. وئایه‌ت بیرئینانه‌كه بۆ گونه‌هكارێن موسلمانان، چونكى ئه‌و ژى زۆردارییێ ل خۆ دكه‌ن.
وَمَا كَانَ رَبُّكَ لِيُهۡلِكَ ٱلۡقُرَىٰ بِظُلۡمٖ وَأَهۡلُهَا مُصۡلِحُونَ ﴿١١٧﴾
ونه‌بوويه كو خودايێ ته -ئه‌ى پێغه‌مبه‌ر- گونده‌كى ژ گوندان تێ ببه‌ت وخه‌لكێ وى چاكییێ د عه‌ردى دا بكه‌ن، وخۆ ژ زۆردارییێ وخرابكارییێ بده‌نه پاش، به‌لكى ئه‌و ژ به‌ر زۆردارى وخرابكارییا وان وان تێ دبه‌ت.
وَلَوۡ شَآءَ رَبُّكَ لَجَعَلَ ٱلنَّاسَ أُمَّةٗ وَٰحِدَةٗۖ وَلَا يَزَالُونَ مُخۡتَلِفِينَ ﴿١١٨﴾
وئه‌گه‌ر خودايێ ته حه‌زكربا دا مرۆڤان هه‌مییان كه‌ته ئێك ده‌سته‌ك و ل سه‌ر ئێك دينى كۆم كه‌ت كو دينێ ئيسلامێیه، به‌لێ وى ئه‌ڤ چه‌نده حه‌زنه‌كرییه، ڤێجا مرۆڤ د دينێن خۆ دا هه‌ر دێ مينن ژێكجودا؛ ئه‌ڤه ل دويڤ حكمه‌تا وییه.
إِلَّا مَن رَّحِمَ رَبُّكَۚ وَلِذَٰلِكَ خَلَقَهُمۡۗ وَتَمَّتۡ كَلِمَةُ رَبِّكَ لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ ﴿١١٩﴾
ئه‌و تێ نه‌بن يێن خودايێ ته دلۆڤانى پێ برى ڤێجا وان باوه‌رى ب خودێ ئيناى ودويكه‌فتنا پێغه‌مبه‌رێن وى كرى، هندى ئه‌ون ئه‌و د ته‌وحيدا خودێ دا و د وى تشتى دا يێن پێغه‌مبه‌ر پێ ژ نك خودێ هاتين ژێك جودا نابن، وحكمه‌تا خودێ وه‌سا خواستییه كو وى ئه‌و ل سه‌ر دو ده‌سته‌كان ئافراندينه: ده‌سته‌كه‌كا به‌ختڕه‌ش وده‌سته‌كه‌كا دلشاد، وهه‌ر ئێكى ئه‌و ڕێ ل به‌ر يا هاتییه خۆشكرن يا ئه‌و بۆ هاتییه ئافراندن. و ب ڤێ چه‌ندێ سۆزا خودێ داى ب جهـ دئێت: كو ئه‌و جه‌هنه‌مێ ژ وان ئه‌جنه ومرۆڤێن دويكه‌فتنا ئبليسى كرى دێ تژى كه‌ت.
وَكُلّٗا نَّقُصُّ عَلَيۡكَ مِنۡ أَنۢبَآءِ ٱلرُّسُلِ مَا نُثَبِّتُ بِهِۦ فُؤَادَكَۚ وَجَآءَكَ فِي هَٰذِهِ ٱلۡحَقُّ وَمَوۡعِظَةٞ وَذِكۡرَىٰ لِلۡمُؤۡمِنِينَ ﴿١٢٠﴾
وئه‌م ژ ده‌نگ وباسێن وان پێغه‌مبه‌رێن به‌رى ته -ئه‌ى پێغه‌مبه‌ر- هندێ بۆ ته دبێژين هندى ته پێتڤى پێ هه‌ى كو دلێ ته پێ موكم ببت وتو بشێى پێ ب كارێ پێغه‌مبه‌رينییێ ڕاببى، و ب ڕاستى د ڤێ سووره‌تێ دا ئاشكه‌راكرنا وێ حه‌قییێ يا تو ل سه‌ر هاتییه، وشيره‌ته‌كا كافر پێ پاشڤه بچن بۆ ته تێدا هاتییه، وبيرئينانه‌كا خودان باوه‌ر بيرا خۆ پێ بيننه ڤه.