قورئانا پیرۆز › سورەتا هود › ئایەتا ١٨
سورەتا هود · ئایەتا ١٨ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أُوْلَـٰٓئِكَ ٱلَّذِينَ لَيۡسَ لَهُمۡ فِي ٱلۡأٓخِرَةِ إِلَّا ٱلنَّارُۖ وَحَبِطَ مَا صَنَعُواْ فِيهَا وَبَٰطِلٞ مَّا كَانُواْ يَعۡمَلُونَ ﴿١٦﴾
ئه‌وان ل ئاخره‌تێ ژ ئاگرى پێڤه‌تر چو تشته‌ك بۆ وان نينه، ئه‌و دێ تام كه‌نه گه‌رما وى، ومفايێ وى تشتێ وان كرى نه‌گه‌هشته وان، وكارێ وان يێ پويچ بوو؛ چونكى ئه‌و بۆ كنارێ خودێ نه‌بوو.
أَفَمَن كَانَ عَلَىٰ بَيِّنَةٖ مِّن رَّبِّهِۦ وَيَتۡلُوهُ شَاهِدٞ مِّنۡهُ وَمِن قَبۡلِهِۦ كِتَٰبُ مُوسَىٰٓ إِمَامٗا وَرَحۡمَةًۚ أُوْلَـٰٓئِكَ يُؤۡمِنُونَ بِهِۦۚ وَمَن يَكۡفُرۡ بِهِۦ مِنَ ٱلۡأَحۡزَابِ فَٱلنَّارُ مَوۡعِدُهُۥۚ فَلَا تَكُ فِي مِرۡيَةٖ مِّنۡهُۚ إِنَّهُ ٱلۡحَقُّ مِن رَّبِّكَ وَلَٰكِنَّ أَكۡثَرَ ٱلنَّاسِ لَا يُؤۡمِنُونَ ﴿١٧﴾
ئه‌رێ ڤێجا هه‌چییێ ل سه‌ر ڕێكه‌كا ڕوهن وئاشكه‌را بت ژ خودايێ خۆ، د باوه‌رییا خۆ دا و د وى تشتى ژى دا يێ ئه‌و ب وێ وه‌حییێ بۆ گازى دكه‌ت يا خودێ ئه‌ڤ هێجه‌تا ئاشكه‌را تێدا ئيناى، وده‌ليله‌كێ دى د دويڤ دا ژ وى ب خۆ بێت ببته شاهد، كو جبريله يان موحه‌ممه‌ده -سلاڤ لێ بن-، وبه‌رى قورئانێ ده‌ليله‌كێ دى ژى ل سه‌ر وێ چه‌ندێ هه‌بت، كو ته‌وراته -ئه‌و كيتابا بۆ مووساى هاتى دا ببته پێشبه‌ر ودلۆڤانى بۆ وان يێن باوه‌رییێ پێ دئينن-، ئه‌رێ ئه‌وێ ل سه‌ر ڤێ ڕێكا ئاشكه‌را بت چێتره يان ژى ئه‌وێ خه‌ما وى هه‌ما ئه‌ڤ دنيايا به‌روه‌خت بت؟ ئه‌وێن هه باوه‌رییێ ب ڤێ قورئانێ دئينن، وكارى پێ دكه‌ن، وهه‌چییێ كوفرێ ب ڤێ قورئانێ بكه‌ت ژ وان يێن دژى پێغه‌مبه‌رى -سلاڤ لێ بن- خۆ داينه ئێك، جزايێ وى ئاگره، ئه‌و هه‌ر دێ چتێ، ڤێجا تو -ئه‌ى پێغه‌مبه‌ر- د مه‌سه‌لا قورئانێ دا وكو ئه‌و ژ نك خودێیه قه‌ت نه‌كه‌ڤه گومانێ پشتى هێجه‌ت وده‌ليل ل سه‌ر وێ چه‌ندێ هاتين، وتو بزانه كو ئه‌ڤ دينه حه‌قییه ژ خودايێ ته، به‌لێ پترییا مرۆڤان باوه‌ر ناكه‌ن، وكارى ب وى تشتى ناكه‌ن یێ فه‌رمان پێ لێ هاتییه‌كرن، وئه‌ڤه گۆتنه‌كا گشتییه بۆ ئوممه‌تا موحه‌ممه‌دى سلاڤ لێ بن.
وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًاۚ أُوْلَـٰٓئِكَ يُعۡرَضُونَ عَلَىٰ رَبِّهِمۡ وَيَقُولُ ٱلۡأَشۡهَٰدُ هَـٰٓؤُلَآءِ ٱلَّذِينَ كَذَبُواْ عَلَىٰ رَبِّهِمۡۚ أَلَا لَعۡنَةُ ٱللَّهِ عَلَى ٱلظَّـٰلِمِينَ ﴿١٨﴾
وكه‌س ژ وى زۆردارتر نينه يێ ژ بێ به‌ختى دره‌وێ ل سه‌ر ناڤێ خودێ بكه‌ت، ل ڕۆژا قيامه‌تێ ئه‌و بۆ خودايێ خۆ دێ ئێنه به‌رچاڤكرن؛ دا ئه‌و حسێبا كارێ وان د گه‌ل وان بكه‌ت، وشاهد ژ ملياكه‌ت وپێغه‌مبه‌ران ويێن دى دبێژن: ئه‌وێن هه يێن د دنيايێ دا دره‌و ل سه‌ر خودايێ خۆ كرى خودێ ل وان ب غه‌زه‌ب هات، وله‌عنه‌ته‌كا بێ ڤه‌بڕين ل وان كر؛ چونكى زۆردارییا وان بووبوو سالۆخه‌ته‌كێ ب وان ڤه نويسایى.
ٱلَّذِينَ يَصُدُّونَ عَن سَبِيلِ ٱللَّهِ وَيَبۡغُونَهَا عِوَجٗا وَهُم بِٱلۡأٓخِرَةِ هُمۡ كَٰفِرُونَ ﴿١٩﴾
ئه‌وێن ڕێكا خودێ يا كو مرۆڤى دگه‌هينته عه‌بدينییا وى ل به‌ر مرۆڤان دگرن، ودخوازن كو ئه‌ڤ ڕێكه يا خوار بت دا ئه‌و د گه‌ل دلچوونێن وان ڕێك بكه‌ڤت، وئه‌و ب ڕۆژا دويماهییێ دكافرن باوه‌رییێ ب ڕابوونێ وجزادانێ نائينن.
أُوْلَـٰٓئِكَ لَمۡ يَكُونُواْ مُعۡجِزِينَ فِي ٱلۡأَرۡضِ وَمَا كَانَ لَهُم مِّن دُونِ ٱللَّهِ مِنۡ أَوۡلِيَآءَۘ يُضَٰعَفُ لَهُمُ ٱلۡعَذَابُۚ مَا كَانُواْ يَسۡتَطِيعُونَ ٱلسَّمۡعَ وَمَا كَانُواْ يُبۡصِرُونَ ﴿٢٠﴾
نه‌بوویه ئه‌و كافرێن هه د دنيايێ دا ژ ده‌ست خودێ ده‌ركه‌ڤن كو ژ وى بڕه‌ڤن، وچو پشته‌ڤان بۆ وان نه‌بووينه عه‌زابا خودێ ژ وان پاشڤه‌ببه‌ن. د جه‌هنه‌مێ دا عه‌زاب ل وان دئێته دژواركرن؛ چونكى وان نه‌دشيا تازه گوهێ خۆ بده‌نه قورئانێ ومفایى بۆ خۆ ژێ ببينن، ووان نه‌دشيا وان ئايه‌تێن خودێ ببينن یێن وى د گه‌ردوونێ دا داناين؛ چونكى ئه‌و ب كوفرا خۆ ڤه دموژيل بوون.