قورئانا پیرۆز › سورەتا هود › ئایەتا ٢٦
سورەتا هود · ئایەتا ٢٦ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞مَثَلُ ٱلۡفَرِيقَيۡنِ كَٱلۡأَعۡمَىٰ وَٱلۡأَصَمِّ وَٱلۡبَصِيرِ وَٱلسَّمِيعِۚ هَلۡ يَسۡتَوِيَانِ مَثَلًاۚ أَفَلَا تَذَكَّرُونَ ﴿٢٤﴾
مه‌ته‌لا هه‌ردو ده‌سته‌كان ده‌سته‌كا كوفرێ ويا ئيمانێ وه‌كى مه‌ته‌لا وى كۆره‌يه يێ چو نه‌بينت ووى كه‌ڕى يێ گوهـ ل چو نه‌بت ووى كه‌سێ ب چاڤ وگوهـ بت: ڤێجا ده‌سته‌كا كوفرێ نه حه‌قییێ دبينت ونه ل دويڤ دچت، ونه گوهـ ل وى دبت يێ بۆ ڕێكا خودێ گازى دكه‌ت وپێ دئێته سه‌ر ڕێ، به‌لێ ده‌سته‌كا ئيمانێ ده‌ليلێن خودێ ديتن وگوهـ ل گازيكه‌رێ ڕێكا خودێ بوو و د به‌رسڤێ هاتن، ئه‌رێ ئه‌ڤ هه‌ردو ده‌سته‌كه دێ وه‌كى ئێك بن؟ ئه‌رێ ما هوين بيرا خۆ ل ڤێ چه‌ندێ نائينن ووجه‌كێ بۆ خۆ ژێ وه‌رناگرن؟
وَلَقَدۡ أَرۡسَلۡنَا نُوحًا إِلَىٰ قَوۡمِهِۦٓ إِنِّي لَكُمۡ نَذِيرٞ مُّبِينٌ ﴿٢٥﴾
و ب ڕاستى مه نووح بۆ ملله‌تێ وى هنارتبوو ڤێجا وى گۆته وان: ئه‌ز يێ هاتيم هه‌وه ژ عه‌زابا خودێ دترسينم، ووێ فه‌رمانا خودێ يا ئه‌ز پێ هاتيمه هنارتن ئاشكه‌را بكه‌م.
أَن لَّا تَعۡبُدُوٓاْ إِلَّا ٱللَّهَۖ إِنِّيٓ أَخَافُ عَلَيۡكُمۡ عَذَابَ يَوۡمٍ أَلِيمٖ ﴿٢٦﴾
ئه‌ز فه‌رمانێ ل هه‌وه دكه‌م كو هوين ژ خودێ پێڤه‌تر په‌رستنا كه‌سێ نه‌كه‌ن، ئه‌ز دترسم -ئه‌گه‌ر هوين په‌رستنا خودێ ب تنێ نه‌كه‌ن- عه‌زابا ڕۆژه‌كا ب ئێش ب سه‌ر هه‌وه دا بێت.
فَقَالَ ٱلۡمَلَأُ ٱلَّذِينَ كَفَرُواْ مِن قَوۡمِهِۦ مَا نَرَىٰكَ إِلَّا بَشَرٗا مِّثۡلَنَا وَمَا نَرَىٰكَ ٱتَّبَعَكَ إِلَّا ٱلَّذِينَ هُمۡ أَرَاذِلُنَا بَادِيَ ٱلرَّأۡيِ وَمَا نَرَىٰ لَكُمۡ عَلَيۡنَا مِن فَضۡلِۭ بَلۡ نَظُنُّكُمۡ كَٰذِبِينَ ﴿٢٧﴾
ئينا سه‌رێن كوفرێ ژ ملله‌تێ وى گۆتن: تو نه ملیاكه‌تى تو مرۆڤى، ڤێجا بۆچى د ناڤبه‌را مه هه‌مییان دا وه‌حى بۆ ته ب تنێ هات؟ وئه‌م دبينين هه‌ما ژ ڕه‌زيلێن مه پێڤه‌تر كه‌س ب دويڤ ته نه‌كه‌فتییه، ووان ژى بێ هزركرن دويكه‌فتنا ته يا كرى، وئه‌م نابينين -هوين ئه‌وێن چووينه د ڤى دينى دا- هه‌وه چو سه‌راتى د ڕزقى ومالی دا ل سه‌ر مه هه‌بت، به‌لكى ئه‌م هزر دكه‌ين كو هوين د ڤێ گۆتنا خۆ دا ددره‌وينن.
قَالَ يَٰقَوۡمِ أَرَءَيۡتُمۡ إِن كُنتُ عَلَىٰ بَيِّنَةٖ مِّن رَّبِّي وَءَاتَىٰنِي رَحۡمَةٗ مِّنۡ عِندِهِۦ فَعُمِّيَتۡ عَلَيۡكُمۡ أَنُلۡزِمُكُمُوهَا وَأَنتُمۡ لَهَا كَٰرِهُونَ ﴿٢٨﴾
نووحى گۆت: ئه‌ى ملله‌تێ من، ئه‌رێ ئه‌گه‌ر ئه‌ز خودان هێجه‌ته‌كا ئاشكه‌رابم ژ خودايێ خۆ د وى تشتى دا يێ ئه‌ز بۆ هه‌وه پێ هاتيم، وئه‌و هندێ بگه‌هينت كو ئه‌ز يێ حه‌قم، و خودێ ژ نك خۆ دلۆڤانییه‌ك دابته من، كو پێغه‌مبه‌رينییه، ڤێجا ژ نه‌زانين ودفنبلندییا هه‌وه ئه‌و ل به‌ر هه‌وه هاتبته ڤه‌شارتن، ئه‌رێ ما چێ دبت ئه‌م ب كوته‌كى وێ بكه‌ينه د ده‌ستێن هه‌وه دا يا هه‌وه پێ نه‌خۆش وهوين پێ دكافر؟ ئه‌م وێ چه‌ندێ ناكه‌ين، به‌لێ دێ هه‌وه هێلينه ب هيڤییا خودێ ڤه حه‌تا ئه‌و حوكمى د ناڤبه‌را مه وهه‌وه دا بكه‌ت ب وى ڕه‌نگێ وى دڤێت.