قورئانا پیرۆز › سورەتا هود › ئایەتا ٣٩
سورەتا هود · ئایەتا ٣٩ ب تەفسیرا کوردی
Hud
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ ﴿٣٧﴾
وتو ل به‌ر چاڤێن مه و ب فه‌رمان وهاریكارییا مه پاپۆڕێ چێكه، وتو یێ ل ژێر پاراستنا مه، وتو داخوازێ ژ من نه‌كه كو ئه‌ز ڤان يێن ب كوفرێ زۆردارى ل خۆ كرى ژ ملله‌تێ ته ڤه‌هێلم، هندى ئه‌ون ئه‌و ب تووفانێ دێ خندقن. وئه‌ڤ ئايه‌ته هندێ دگه‌هينت كو سالۆخه‌تێ چاڤى بۆ خودێ ب ڕه‌نگه‌كێ هێژاى وى بت هه‌يه.
وَيَصۡنَعُ ٱلۡفُلۡكَ وَكُلَّمَا مَرَّ عَلَيۡهِ مَلَأٞ مِّن قَوۡمِهِۦ سَخِرُواْ مِنۡهُۚ قَالَ إِن تَسۡخَرُواْ مِنَّا فَإِنَّا نَسۡخَرُ مِنكُمۡ كَمَا تَسۡخَرُونَ ﴿٣٨﴾
ونووحى پاپۆڕ چێ دكر، وهه‌ر جاره‌كا كۆمه‌ك ژ مه‌زنێن ملله‌تێ وى د به‌ر وى ڕا چووبان يارى بۆ خۆ پێ دكرن، نووحى گۆته وان: ئه‌گه‌ر هوين ئه‌ڤرۆ -ژ نه‌زانينا خۆ ب ڕاستییا سۆزا خودێ- يارییان بۆ خۆ ب مه بكه‌ن، ئه‌م ژى سوباهى ده‌مێ هوين دخندقن دێ يارییان بۆ خۆ ب هه‌وه كه‌ين، كانێ چاوا هوين ئه‌ڤرۆ يارییان ب مه دكه‌ن.
فَسَوۡفَ تَعۡلَمُونَ مَن يَأۡتِيهِ عَذَابٞ يُخۡزِيهِ وَيَحِلُّ عَلَيۡهِ عَذَابٞ مُّقِيمٌ ﴿٣٩﴾
ڤێجا ده‌مێ فه‌رمانا خودێ ب وێ چه‌ندێ هات هوين دێ زانن: كانێ عه‌زابا خودێ د دنيايێ دا دێ ب سه‌ر كێ دا ئێت ووى شه‌رمزار كه‌ت، و ل ئاخره‌تێ ژى عه‌زابه‌كا به‌رده‌وام وبێ ڤه‌بڕين دێ ب سه‌ر وى دا ئێت؟
حَتَّىٰٓ إِذَا جَآءَ أَمۡرُنَا وَفَارَ ٱلتَّنُّورُ قُلۡنَا ٱحۡمِلۡ فِيهَا مِن كُلّٖ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ وَمَنۡ ءَامَنَۚ وَمَآ ءَامَنَ مَعَهُۥٓ إِلَّا قَلِيلٞ ﴿٤٠﴾
حه‌تا ده‌مێ كو فه‌رمانا مه ب تێبرنا وان هاتى -وه‌كى مه سۆز ب وێ چه‌ندێ دايه نووحى-، وئاڤ ب ڕه‌نگه‌كێ بۆش ژ ته‌نويرێ فويرياى دا ببته نيشان ل سه‌ر هاتنا عه‌زابێ، مه گۆته نووحى: ژ هه‌ر ڕه‌نگه‌كى ژ حه‌يوانه‌تان ئێكێ نێر وئێكا مێ تو بكه د پاپۆڕێ دا، وتو مرۆڤێن مالا خۆ ژى هلگره، ئه‌و تێ نه‌بن يێن گۆتن ب عه‌زابدانا وى بۆرى ژ وان يێن باوه‌رى نه‌ئيناى، وه‌كى كوڕێ وى وژنا وى، وهه‌چییێ باوه‌رى ئيناى ژ ملله‌تێ ته تو وى هلگره، وكێم تێ نه‌بن كه‌سێ باوه‌رى د گه‌ل وى نه‌ئينابوو هه‌ر چه‌نده ئه‌و گه‌له‌ك د ناڤ وان دا مابوو ژى.
۞وَقَالَ ٱرۡكَبُواْ فِيهَا بِسۡمِ ٱللَّهِ مَجۡرٜىٰهَا وَمُرۡسَىٰهَآۚ إِنَّ رَبِّي لَغَفُورٞ رَّحِيمٞ ﴿٤١﴾
ونووحى گۆته وان يێن باوه‌رى د گه‌ل وى ئيناى: هوين ل پاپۆڕێ سويار ببن، ڕێڤه‌چوونا وێ ل سه‌ر ئاڤێ دێ ب ناڤێ خودێ بت، وڕاوه‌ستانا وێ ژى دێ ب ناڤێ خودێ بت. هندى خودايێ منه باش گونه‌هـ ژێبرێ گونه‌هێن وان به‌نییێن خۆيه يێن تۆبه دكه‌ن، يێ دلۆڤانكاره ب وان پشتى تۆبه‌كرنێ ئه‌و وان عه‌زاب ناده‌ت.